ദുബായ്: സര്‍ക്കാര്‍ ഓഫിസുകളുടെ പ്രവൃത്തി സമയത്തില്‍ മാറ്റവുമായി യുഎഇ. തിങ്കള്‍ മുതല്‍ വ്യാഴം വരെ രാവിലെ 7:30 മുതല്‍ വൈകിട്ടു 3:30 വരെയും വെള്ളിയാഴ്ച രാവിലെ 7:30 മുതല്‍ ഉച്ചയ്ക്ക് 12 മണി വരെയുമായിരിക്കും പുതിയ സമയക്രമം .
വെള്ളിയാഴ്ച ഉച്ച മുതല്‍ ശനി, ഞായര്‍ എന്നീ ദിവസങ്ങളിലായിരിക്കും വാരാന്ത്യ അവധി..വെളളിയാഴ്ച പ്രാര്‍ഥന ഉച്ചയ്ക്ക് 1.15നു ശേഷമായിരിക്കും. വെളളിയാഴ്ചകളില്‍ ആവശ്യമെങ്കില്‍ വര്‍ക്ക് ഫ്രം ഹോം ഓപ്ഷന്‍ സ്വീകരിക്കാവുന്നതാണ്. ഉല്‍പാദന ക്ഷമത വര്‍ധിപ്പിക്കുന്നതിന്റെ ഭാഗമായാണു തീരുമാനം. പുതിയ മാറ്റം ജനുവരി ഒന്നു മുതല്‍ നിലവില്‍ വരും .
