അബുദാബി: മലയാളി യുവാവിന് അബുദാബി ബിഗ് ടിക്കറ്റ് നറുക്കെടുപ്പില്‍ രണ്ടു കോടിയിലേറെ രൂപ( 10 ലക്ഷം ദിര്‍ഹം) സമ്മാനം. കോഴിക്കോട് സ്വദേശി റഫീഖ് മുഹമ്മദ് അഹമ്മദിനാണു സമ്മാനം ലഭിച്ചത്. ഇദ്ദേഹം എടുത്ത 135561 എന്ന നമ്പരാണ് ഭാഗ്യം കൊണ്ടുവന്നത്. സമ്മാനത്തുക മറ്റ് 9 സുഹൃത്തുക്കളുമായി റഫീഖ് പങ്കിടും.
ദുബായിലെ സ്വദേശി കുടുംബത്തില്‍ പ്രതിമാസം 2,200 ദിര്‍ഹത്തിന് ജോലി ചെയ്യുന്ന റഫീഖ് സമ്മാനം നേടിയതില്‍ സന്തോഷം പ്രകടിപ്പിച്ചു. സഹോദരിയുടെ വിവാഹത്തെ തുടര്‍ന്ന് നാട്ടില്‍ കുറേ കടമുള്ളത് വീട്ടണം. കൂടാതെ, പാവങ്ങളെ സഹായിക്കുകയും ചെയ്യണമെന്ന് ഇദ്ദേഹം പറഞ്ഞു. ഈ മാസം മുതല്‍ ബിഗ് ടിക്കറ്റ് പ്രതിവാര നറുക്കെടുപ്പ് ആരംഭിച്ചതിന്റെ ഭാഗമായി നടന്ന നറുക്കെടുപ്പാണിത്.
