മഡ്രിഡ്: സ്പാനിഷ് ക്ലബ് റയല്‍ മഡ്രിഡിന്റെ താരങ്ങള്‍ക്കിടയില്‍ കോവിഡ് പടര്‍ന്നു പിടിക്കുന്നു. ഗാരത് ബെയ്ലും മാര്‍കോ അസെന്‍സിയോയും ഉള്‍പ്പെടെയുള്ള താരങ്ങള്‍ക്ക് കോവിഡ് സ്ഥിരീകരിച്ചു. ആന്‍ഡ്രി ലുനിന്‍, റോഡ്രിഗോ തുടങ്ങിയവരും കോവിഡിന്റെ പിടിയിലായി. സഹ പരിശീലകന്‍ ഡോവിഡ് ആന്‍സെലോട്ടിക്കും കോവിഡ് സ്ഥിരീകരിച്ചിട്ടുണ്ട്.
ലൂക്കാ മോഡ്രിച്ച്, മാര്‍സലോ എന്നിവര്‍ക്കു കോവിഡ് സ്ഥിരീകരിച്ചതിനു പിന്നാലെയാണ് റയല്‍ നിരയില്‍ കൂടുതല്‍ താരങ്ങള്‍ കോവിഡിന്റെ പിടിയിലായത്. കോവിഡ് ബാധിതരായ താരങ്ങളെ ഐസലേഷനിലേക്കു മാറ്റിയിട്ടുണ്ട്. ഇവര്‍ക്ക് ഞായറാഴ്ച കാഡിസിനെതിരെ നടക്കുന്ന ലീഗ് മത്സരം നഷ്ടമാകും.
സ്‌പെയിനിലെ നിയമം അനുസരിച്ച് കോവിഡ് ബാധിതരായ താരങ്ങള്‍ പരിശോധനാ ഫലം നെഗറ്റീവ് ആകുന്നതുവരെ ഐസലേഷനില്‍ കഴിയണം. ലീഗിലെ നിയമം അനുസരിച്ച് ഫസ്റ്റ് ടീമിലെ അഞ്ച് താരങ്ങളെങ്കിലുമുണ്ടെങ്കില്‍ മത്സരം നടത്താം. ബാക്കിയുള്ളവരെ സെക്കന്‍ഡ് ടീമില്‍നിന്ന് തിരഞ്ഞെടുക്കണം.
