കാന്‍ബറ: ചൈനീസ് സമൂഹമാധ്യമമായ വീ ചാറ്റിലെ ഓസ്‌ട്രേലിയന്‍ പ്രധാനമന്ത്രി സ്‌കോട്ട് മോറിസന്റെ അക്കൗണ്ടില്‍ ‘അട്ടിമറി.’ സ്‌കോട്ട് മോറിസന്റെ പേരിലുണ്ടായിരുന്ന അക്കൗണ്ടിന്റെ പേര് ഈ മാസമാദ്യം ‘ഓസ്‌ട്രേലിയന്‍ ചൈനീസ് ന്യൂ ലൈഫ്’ എന്ന് ആരോ മാറ്റിയിരുന്നു. പ്രധാനമന്ത്രിയുടെ പടവും മാറ്റി. 76,000 ഫോളോവേഴ്‌സാണ് അക്കൗണ്ടിനുള്ളത്.
പ്രധാനമന്ത്രിയുടെ ഓഫിസ് സംഭവത്തെക്കുറിച്ച് പ്രതികരിച്ചിട്ടില്ല. ഹാക്കിങ് നടന്നതായി കണ്ടെത്തിയിട്ടില്ലെന്നും അക്കൗണ്ട് ഉടമസ്ഥത സംബന്ധിച്ച തര്‍ക്കമാണെന്നു കരുതുന്നതായും വീ ചാറ്റ് വിശദീകരിച്ചു.
