കൊച്ചി: ആലുവയില്‍ ഗുഡ്സ് ട്രെയിന്‍ പാളം തെറ്റിയതിനെ തുടര്‍ന്ന് ഇന്റര്‍സിറ്റിയടക്കമുള്ള നാല് ട്രെയിനുകള്‍ റദ്ദാക്കി. ഗുരുവായൂര്‍-തിരുവനന്തപുരം ഇന്റര്‍സിറ്റി, എറണാകുളം-കണ്ണൂര്‍ ഇന്റര്‍സിറ്റി, നിലമ്പൂര്‍-കോട്ടയം എക്സ്പ്രസ്, പുനലൂര്‍-ഗുരുവായൂര്‍ എക്സ്പ്രസ് എന്നീ ട്രെയിനുകളാണ് റദ്ദാക്കിയത്.
എറണാകുളം-പുണെ എക്സ്പ്രസ് (22149) രാവിലെ 8.15നായിരിക്കും പുറപ്പെടുക. രാവിലെ 5.15-ന് പുറപ്പെടേണ്ട ട്രെയിനാണിത്. മൂന്ന് മണിക്കൂര്‍ വൈകി ഓടും. രണ്ടു മണിയോടെ ഒരു ട്രാക്കില്‍ ഗതാഗതം പുനഃസ്ഥാപിച്ചു. എട്ടു മണിയോടെ രണ്ടു ട്രാക്കുകളിലും ട്രെയിനോടിക്കാനാകും.
കൊല്ലത്തേക്ക് സിമന്റ് കൊണ്ടുപോയ ചരക്ക് ട്രെയിനാണ് ഇന്നലെ രാത്രി ആലുവയില്‍ പാളം തെറ്റിയത്. ട്രാക്ക് മാറുന്നതിനിടെയായിരുന്നു അപകടം. അവസാന ബോഗികളാണ് തെന്നിമാറിയത്.
