പത്തനംതിട്ട: അമിത വേഗതയില്‍ വന്ന കാര്‍ നിയന്ത്രണം വിട്ട് വഴിയാത്രക്കാരനെ ഇടിച്ച് തെറുപ്പിച്ച ശേഷം വാഹന ഷോറൂമിന് മുന്നില്‍ വച്ചിരുന്ന ഒമ്പത് ബൈക്കുകളും തകര്‍ത്തു.
കോളജ് റോഡില്‍ കാതോലിക്കറ്റ് കോളജിന് സമീപമുള്ള ഐശ്വര്യ ടിവിഎസ് മോട്ടേഴ്സിന് മുന്നില്‍ ഇന്ന് വൈകിട്ടായിരുന്നു അപകടം. കോന്നി യുവ മോട്ടേഴ്സില്‍ ഡെലിവറിക്കായി കൊണ്ടുപോകാന്‍ വച്ചിരുന്ന മൂന്നു പുതിയ സ്‌കൂട്ടറുകളും ഐശ്വര്യ മോട്ടേഴ്സിന് മുന്നില്‍ പാര്‍ക്ക് ചെയ്തിരുന്ന ആറു ബൈക്കുകളുമാണ് കാര്‍ ഇടിച്ച് തകര്‍ത്തത്.
സാരമായി പരിക്കേറ്റ വഴിയാത്രക്കാരനെ പത്തനംതിട്ട ജനറല്‍ ആശുപത്രിയിലേക്ക് കൊണ്ടുപോയി. കാര്‍ ഡ്രൈവറെ പോലീസ് കസ്റ്റഡിയിലെടുത്തിട്ടുണ്ട്.
