ശ്രീനഗര്‍: ജമ്മുകാശ്മീരിലെ ഷോപ്പിയാനിലുണ്ടായ ഏറ്റുമുട്ടലില്‍ സുരക്ഷാസേന ഒരു ഭീകരനെ വധിച്ചു. ഇന്നലെ രാത്രി തുടങ്ങിയ ഏറ്റുമുട്ടല്‍ ഇപ്പോഴും തുടരുകയാണ്പ്രദേശത്ത് കൂടുതല്‍ ഭീകരര്‍ ഒളിച്ചിരിക്കുന്നുണ്ടെന്ന സംശയത്തെത്തുടര്‍ന്ന് തിരച്ചിലും ശക്തമാക്കിയിട്ടുണ്ട്.
ഭീകരരുടെ സാന്നിദ്ധ്യം ഉണ്ടെന്ന രഹസ്യാന്വേഷണ വിഭാഗത്തിന്റെ വിവരം ലഭിച്ചതിനെതുടര്‍ന്ന് സൈന്യം പ്രദേശത്ത് തിരച്ചില്‍ ശക്തമാക്കി. തിരച്ചില്‍ തുടരുന്നതിനിടെയാണ് ഏറ്റുമുട്ടലുണ്ടായത്. കൂടുതല്‍ സൈനികര്‍ സ്ഥലത്തെത്തിയിട്ടുണ്ട്.
ജമ്മുവില്‍ ഭീകരര്‍ക്കെതിരെ സൈന്യം നടപടി കര്‍ശനമാക്കിയിരിക്കുകയാണ്. ഈ വര്‍ഷം ഇതുവരെ 41 ഭീകരരെ സേന വധിച്ചിട്ടുണ്ട്. നിരവധിപേരെ പിടികൂടുകയും ചെയ്തു.
