പാലക്കാട്: കണ്ണന്നൂരിനു സമീപം കെഎസ്ആര്‍ടിസി ബസില്‍ ലോറിയിടിച്ച് 31 പേര്‍ക്ക് പരുക്ക്. കോയമ്പത്തൂരില്‍നിന്ന് ചേര്‍ത്തലയിലേക്കു പോകുകയായിരുന്ന ബസിലേക്കാണ് ലോറി ഇടിച്ചു കയറിയത്. പാലക്കാടു ഭാഗത്തേക്കു വരുന്ന ലോറികളില്‍ ഒന്ന് മറ്റൊരു ലോറിയെ ഇടിക്കുകയും ഈ ലോറി നിയന്ത്രണം വിട്ട് ഡിവൈഡറില്‍ ഇടിച്ചു കയറി എതിര്‍ദിശയിലേക്കുള്ള ബസ്സില്‍ ഇടിക്കുകയുമായിരുന്നു.
പരുക്കേറ്റവരെ പാലക്കാട് നഗരത്തിലെ വിവിധ സ്വകാര്യ ആശുപത്രികളില്‍ പ്രവേശിപ്പിച്ചു. റോഡിന്റെ മറുഭാഗത്തുനിന്നും ഡിവൈഡര്‍ കടന്നുവന്ന ലോറി ബസ്സിലേക്ക് ഇടിച്ചുകയറുകയായിരുന്നു. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നു. ബസ് യാത്രികര്‍ക്കും ലോറിയിലെ ഡ്രൈവര്‍ക്കും ക്ലീനര്‍ക്കുമാണ് പരുക്കേറ്റത്.
