പാലക്കാട്:പാലക്കാട് ജില്ലാ ആരോഗ്യ വകുപ്പിന്റെ നേതൃത്വത്തില്‍ പാലക്കാട് ജില്ലയില്‍ നടന്നുവരുന്ന പകര്‍ച്ചവ്യാധി പ്രതിരോധ ബോധവല്‍ക്കരണ പരിപാടിയായ ‘ജോയേട്ടന്‍ കണ്ട കിനാവ്’ എന്ന നാടകം വടക്കഞ്ചേരി ഗ്രാമപഞ്ചായത്തില്‍ ചെറുപുഷ്പം ഹയര്‍സെക്കന്‍ഡറി സ്‌കൂളില്‍ നടത്തി . ഗ്രാമപഞ്ചായത്ത് പ്രസിഡണ്ട് ലിസി സുരേഷ് അവര്‍കള്‍ ഉദ്ഘാടനം നിര്‍വഹിച്ച പരിപാടിയില്‍ വടക്കഞ്ചേരി സാമൂഹിക ആരോഗ്യ കേന്ദ്രം മെഡിക്കല്‍ ഓഫീസര്‍ ശ്രീജ അദ്ധ്യക്ഷത വഹിച്ചു. സാമൂഹികാരോഗ്യകേന്ദ്രം ഹെല്‍ത്ത് ഇന്‍സ്‌പെക്ടര്‍ കെ പ്രദീപ് സ്വാഗതം ആശംസിക്കുകയും ജില്ലാ മാസ് മീഡിയ ഓഫീസര്‍ സന്തോഷ്,ഹെഡ്മിസ്ട്രസ് സിസ്റ്റര്‍ ശോഭ റോസ,് ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ കല, സജിന്‍ എന്നിവര്‍ ആശംസകള്‍ അറിയിക്കുകയും ചെയ്തു. പുനര്‍ജനി ജീവജ്വാല എന്ന കലാ സംഘടനയാണ് ബോധവല്‍ക്കരണ പരിപാടി അവതരിപ്പിച്ചത്.
