തിരുവനന്തപുരം: ക്രിസ്മസ് പുതുവല്‍സര ബംപര്‍ XD 236433 നമ്പര്‍ ടിക്കറ്റിന്. 16 കോടിരൂപയാണ് ഒന്നാം സമ്മാനം.പാലക്കാട് വടക്കന്‍തറയില്‍ മൂകാംബിക ലക്കി സെന്ററില്‍ ഏജന്റ് മധുസൂദനന്‍ ആണ് ടിക്കറ്റ് വിറ്റത്. കോഴിക്കോട് താമരശേരിയിലെ സബ് ഓഫിസില്‍ നിന്നാണ് ടിക്കറ്റ് എടുത്തത്.
ഒരു കോടിയുടെ രണ്ടാം സമ്മാനങ്ങള്‍;XA 107077, XB 158053, XC 398288, XD 422823, XE 213859, XG 323942, XH 226052, XJ 349740, XK 110254, XL 310145 ടിക്കറ്റുകള്‍ക്ക്. 10 ശതമാനം ഏജന്‍സി കമ്മിഷനും 30 ശതമാനം നികുതിയും കഴിഞ്ഞുള്ള തുക ഒന്നാം സമ്മാനം നേടിയ ആള്‍ക്ക് ലഭിക്കും. തിരുവനന്തപുരം ഗോര്‍ക്കി ഭവനിലാണ് നറുക്കെടുപ്പ് നടത്തിയത്.
12 കോടി രൂപയായിരുന്നു കഴിഞ്ഞ തവണ ക്രിസ്മസ്‌ന്യൂഇയര്‍ ബംപറിന്റെ ഒന്നാം സമ്മാനം. ടിക്കറ്റ് വില 300 രൂപയും. ഇത്തവണ ഒന്നാം സമ്മാനം 16 കോടിയാക്കിയപ്പോള്‍ ടിക്കറ്റ് വില 400 ആക്കി ഉയര്‍ത്തി. കഴിഞ്ഞ തവണ 43 ലക്ഷം ടിക്കറ്റുകള്‍ അച്ചടിച്ച് മുഴുവന്‍ വിറ്റുതീര്‍ന്നിരുന്നു. ഇത്തവണ 33 ലക്ഷം ടിക്കറ്റുകളേ അച്ചടിച്ചുള്ളു. ഇനി 54,000 ടിക്കറ്റുകള്‍ കൂടി വില്‍ക്കാന്‍ ബാക്കിയുണ്ട്.
ഒരുകോടി വച്ച് പത്തുപേര്‍ക്ക് രണ്ടാം സമ്മാനമായും ഒരു ലക്ഷം വച്ച് 20 പേര്‍ക്ക് മൂന്നാം സമ്മാനമായും ലഭിക്കും. നറുക്കെടുപ്പിനൊപ്പം സമ്മര്‍ ബംപറിന്റെ ലോഞ്ചിങ്ങും നടത്തി. 10 കോടി ഒന്നാം സമ്മാനമുള്ള സമ്മര്‍ ബംപര്‍ ടിക്കറ്റിന്റെ വില 250 രൂപയാണ്.
