കോട്ടയം: എരുമേലി കണമലയ്ക്ക് സമീപം ശബരിമല തീര്‍ഥാടകര്‍ സഞ്ചരിച്ച ബസ് മറിഞ്ഞ് പത്തു വയസുകാരി മരിച്ചു. 16 പേര്‍ക്ക് പരുക്കേറ്റു. ചെന്നൈ താംബരം സ്വദേശിനി സംഘമിത്ര ആണ് മരിച്ചത്. ഇന്ന് വൈകിട്ട് 3.15 നാണ് അപകടം
ശബരിമലയ്ക്കു പോവുകയായിരുന്ന ഇവരുടെ വാഹനം താഴ്ചയിലേക്കു മറിയുകയായിരുന്നു. 21 പേരാണ് വാഹനത്തിലുണ്ടായിരുന്നത്. കണ്ണിമലയില്‍ വച്ച് നിയന്ത്രണം നഷ്ടപ്പെട്ട വാഹനം കുഴിയിലേക്ക് മറിയുകയായിരുന്നു. പരുക്കേറ്റവരെ കാഞ്ഞിരപ്പള്ളി ജനറല്‍ ആശുപത്രിയിലേക്ക് മാറ്റി. ഗുരുതരാവസ്ഥയിലുള്ളവരെ കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റും.
