ദുബായില്‍ നിന്നു നാട്ടിലെത്തിയതിനു പിന്നാലെ ക്ഷേത്ര ദര്‍ശനം നടത്തി വിജയ് ബാബു. നെടുമ്പാശേരിയില്‍നിന്നു കൊച്ചിയിലേക്കുള്ള യാത്രയ്ക്കിടെ ആലുവയിലെ ക്ഷേത്രത്തിലാണ് വിജയ് ബാബുവും ഭാര്യ സ്മിതയും ദര്‍ശനം നടത്തിയത്.
അന്വേഷണത്തോട് പൂര്‍ണമായും സഹകരിക്കുമെന്നും നീതി ലഭിക്കുമെന്നാണ് പ്രതീക്ഷയെന്നും വിജയ് ബാബു മാധ്യമങ്ങളോട് പറഞ്ഞു. 39 ദിവസത്തിനു ശേഷം, രാവിലെ ദുബായില്‍ നിന്നുള്ള വിമാനത്തിലാണു കൊച്ചിയിലെത്തിയത്.
നടിയെ ലൈംഗികമായി പീഡിപ്പിച്ചെന്ന കേസില്‍ ഹൈക്കോടതി വ്യാഴാഴ്ച വരെ ഇടക്കാല മുന്‍കൂര്‍ജാമ്യം അനുവദിച്ചതിനു പിന്നാലെയാണു വിജയ് ബാബുവിന്റെ മടക്കം.
