തിരുവല്ല: സജി ചെറിയാന്റെ ഭരണഘടനാ വിരുദ്ധ പ്രസംഗത്തില്‍ കീഴ്വായ്പൂര് പൊലീസ് കേസെടുത്തു. ഇന്ത്യന്‍ ഭരണഘടനയെ അവഹേളിച്ചെന്ന കുറ്റത്തിനാണ് കേസ്. പൊലീസില്‍ 8 പേര്‍ പരാതി നല്‍കിയെങ്കിലും കേസെടുക്കാതിരുന്ന സാഹചര്യത്തില്‍ കൊച്ചി സ്വദേശിയായ ബൈജു നോയല്‍ കഴിഞ്ഞ ദിവസം തിരുവല്ല മജിസ്‌ട്രേട്ട് കോടതിയില്‍ ഹര്‍ജി നല്‍കി.
തുടര്‍ന്ന്, മജിസ്‌ട്രേട്ട് രേഷ്മ ശശിധരന്‍ കേസ് റജിസ്റ്റര്‍ ചെയ്ത് അന്വേഷണം നടത്താന്‍ ഉത്തരവിട്ടിരുന്നു. മറ്റു പരാതികളും ഇതോടൊപ്പം അന്വേഷിക്കുമെന്ന് ഡിവൈഎസ്പി പറഞ്ഞു. ഇതിനിടെ, സജി ചെറിയാനെതിരെ പൊന്നാനി ബാറിലെ 2 അഭിഭാഷകര്‍ മലപ്പുറം എസ്പിക്കു പരാതി നല്‍കി.
