പത്തനംതിട്ട: ബന്ധുക്കളായ പ്രായപൂര്‍ത്തിയാകാത്ത പെണ്‍കുട്ടികളെ ലൈംഗികമായി പീഡിപ്പിച്ച യുവാവ് അറസ്റ്റില്‍. ഏനാത്ത് നെടുമണ്‍ മാങ്കൂട്ടം പള്ളിയയ്യത്തു വീട്ടില്‍ രാജു (29)വിനെയാണ് ഏനാത്ത് പോലീസ് ഇന്‍സ്പെക്ടര്‍ പി.എസ്. സുജിത്ത് അറസ്റ്റ് ചെയ്തത്.
ഇയാള്‍ക്കെതിരെ രണ്ടുകേസ് രജിസ്റ്റര്‍ ചെയ്തു. 2019 ഏപ്രിലിലാണ് കേസിന് ആസ്പദമായ സംഭവങ്ങള്‍ നടന്നത്. അടുത്ത ബന്ധുക്കളായ പെണ്‍കുട്ടികള്‍ക്ക് നേരെയാണ് ലൈംഗികാതിക്രമം കാട്ടിയത്. പ്രതിയുടെ വീട്ടില്‍ വച്ചായിരുന്നു പീഡനം.
അടൂര്‍ ഡിവൈഎസ്പി ആര്‍. ബിനുവിന്റെ മേല്‍നോട്ടത്തിലായിരുന്നു അന്വേഷണം. എസ് ഐ ടി സുമേഷ്, എസ് സി പി ഓ കിരണ്‍, സി പി ഓ മനൂപ് എന്നിവരുണ്ടായിരുന്നു.
