കൊല്ലം: മാതാപിതാക്കളില്ലാത്ത സമയത്ത് വീട്ടില്‍ അതിക്രമിച്ചു കടന്ന് 14 വയസ്സുകാരനെ തമിഴ്‌നാട് സംഘം തട്ടിക്കൊണ്ടുപോയി. കൊട്ടിയം കണ്ണനല്ലൂര്‍ വാലിമുക്ക് കിഴവൂര്‍ ഫാത്തിമാ മന്‍സിലില്‍ ആസാദിന്റെ മകന്‍ ആഷിക്കിനെയാണ് തിങ്കളാഴ്ച വൈകിട്ട് 6.30ന് കാറുകളിലെത്തിയ തമിഴ്‌നാട് സ്വദേശികള്‍ അടങ്ങുന്ന ആറംഗ സംഘം റാഞ്ചിയത്. തടഞ്ഞ സഹോദരിയെയും അയല്‍വാസിയെയും സംഘം അടിച്ചു വീഴ്ത്തി. കൊല്ലം, തിരുവനന്തപുരം ജില്ലകളിലെ പൊലീസ് ഏകോപിച്ചു നടത്തിയ ദ്രുതനീക്കത്തിലൂടെ 5 മണിക്കൂറിനു ശേഷം രാത്രി 11.30 ന് പാറശാലയില്‍ സംഘത്തെ തടഞ്ഞു; അബോധാവസ്ഥയിലായിരുന്ന കുട്ടിയെ മോചിപ്പിച്ചു. തട്ടിക്കൊണ്ടുപോകല്‍ സംഘത്തിലെ ഒരാളെ അറസ്റ്റ് ചെയ്തു. …

ഹരിപ്പാട് : പെണ്‍കുട്ടി കുളിക്കുന്ന ദൃശ്യം പകര്‍ത്തിയ യുവാവിനെ പൊലീസ് പിടികൂടി. ചിങ്ങോലി ഗ്രാമ പഞ്ചായത്ത് ഓഫിസിന് സമീപം ഷഹനാസ് മന്‍സിലില്‍ ഷഹനാസ് ഷാഹുല്‍ (26) ആണ് അറസ്റ്റിലായത്. കുളിമുറിയുടെ ജനലില്‍ ഫോണ്‍ കണ്ട പെണ്‍കുട്ടി ബഹളം വെച്ചതോടെ കടന്നു കളഞ്ഞ പ്രതിയെ സൈബര്‍ സെല്ലിന്റെ സഹായത്തോടെയാണ് ഹരിപ്പാട് പൊലീസ് പിടികൂടിയത്. പ്രതിയില്‍ നിന്ന് പിടിച്ചെടുത്ത ഫോണില്‍ നിന്ന് ഒരുമിനിട്ടിലേറെ ദൈര്‍ഘ്യമുള്ള ദൃശ്യം പൊലീസ് കണ്ടെത്തി. ഫോണില്‍ നിരവധി സ്ത്രീകളുടെ നഗ്‌നദൃശ്യങ്ങളും ഉണ്ടായിരുന്നതായി പൊലീസ് പറഞ്ഞു. ഹരിപ്പാട്ടെ ഡ്രൈവിംഗ് സ്‌കൂളുകളില്‍ പരിശീലകനായി പ്രവര്‍ത്തിക്കുന്നയാളാണ് ഷഹനാസ് …

അടൂര്‍: സ്വകാര്യ ബാങ്കിന്റെ കലക്ഷന്‍ ഏജന്റായ ചാരുംമൂട് പേരൂര്‍കാരാണ്മ തുണ്ടില്‍ വീട്ടില്‍ അശ്വതിയെ (27) തടഞ്ഞു നിര്‍ത്തി ഒന്നേമുക്കാല്‍ ലക്ഷത്തോളം രൂപ തട്ടിയെടുത്ത ശേഷം പെട്രോള്‍ ഒഴിച്ച് കത്തിക്കാന്‍ ശ്രമിച്ച കേസില്‍ ഭര്‍ത്താവും ബന്ധുവും സുഹൃത്തുക്കളും ഒളിവില്‍. ഭര്‍ത്താവ് തെങ്ങമം നടേശേരില്‍ കിഴക്കേതില്‍ കൃഷ്ണകുമാര്‍, ബന്ധു അഖില്‍, സുഹൃത്ത് രാജേഷ്, കണ്ടാല്‍ അറിയാവുന്ന മറ്റൊരു സുഹൃത്ത് എന്നിവരാണ് ഒളിവില്‍ പോയത്. ആക്രമണത്തിന് ഇരയായ അശ്വതി പറയുന്നതിങ്ങനെ: വ്യാഴാഴ്ച വൈകിട്ട് 6.50ന് ആണ് സംഭവം. ബാങ്കില്‍ നിന്ന് വായ്പ കൊടുത്തതിന്റെ തവണ പിരിക്കാന്‍ മുണ്ടപ്പള്ളി ഭാഗത്തു …

കൊല്ലം : എം ഡി എംഎയുമായി ദമ്പതികളടക്കം 4 പേര്‍ പിടിയില്‍. കൊല്ലം കിളികൊല്ലൂര്‍ കല്ലുംതാഴം കൊച്ചുകുളം കാവേരി നഗര്‍ വയലില്‍ പുത്തന്‍വീട്ടില്‍ അജു മന്‍സൂര്‍ (23), ഇയാളുടെ ഭാര്യ ബിന്‍ഷ (21), കിളികൊല്ലൂര്‍ കല്ലുംതാഴം പാല്‍ക്കുളങ്ങര കാവടി നഗര്‍ മനീഷയില്‍ അവിനാശ് (28), വടക്കേവിള പുന്തലത്താഴം പുലരി നഗര്‍-3 ഉദയ മന്ദിരത്തില്‍ അഖില്‍ ശശിധരന്‍ (22) എന്നിവരാണ് കിളികൊല്ലൂര്‍ പൊലീസിന്റെ പിടിയിലായത്. കിളികൊല്ലൂരില്‍ ലോഡ്ജില്‍ താമസിച്ചിരുന്ന പ്രതികളുടെ പക്കല്‍ നിന്നു 23 ഗ്രാം എംഡിഎംഎയും 1,30,000 രൂപയും പൊലീസ് കണ്ടെടുത്തു. പിടിയിലായ അജുവിനെതിരെ …

കോട്ടയം: ശസ്ത്രക്രിയ നടത്തിയതിനു കൈക്കൂലി വാങ്ങുന്നതിനിടെ വിജിലന്‍സ് അറസ്റ്റ് ചെയ്ത, ജനറല്‍ ആശുപത്രിയിലെ സര്‍ജന്‍ ഡോ.എം.എസ്.സുജിത് കുമാറിനെ 14 ദിവസത്തേക്ക് കോട്ടയം വിജിലന്‍സ് കോടതി റിമാന്‍ഡ് ചെയ്തു. ഡോക്ടര്‍ക്കെതിരെ വകുപ്പുതല നടപടി സ്വീകരിക്കണമെന്ന് ആവശ്യപ്പെട്ട് വിജിലന്‍സ് ഉദ്യോഗസ്ഥര്‍ ആരോഗ്യ വകുപ്പ് ഡയറക്ടര്‍ക്ക് റിപ്പോര്‍ട്ട് സമര്‍പ്പിച്ചു.ഇതിന്റെ അടിസ്ഥാനത്തില്‍ ഡോ.സുജിത് കുമാറിനെതിരെ സസ്പെന്‍ഷന്‍ ഉള്‍പ്പെടെ നടപടി ഉണ്ടായേക്കും. മുണ്ടക്കയം സ്വദേശിക്ക് ഹെര്‍ണിയ ശസ്ത്രക്രിയ നടത്തിയതിനു കൈക്കൂലി വാങ്ങുന്നതിനിടെയാണ് വിജിലന്‍സ് അറസ്റ്റ് ചെയ്തത്. ഇദ്ദേഹത്തെ ആശുപത്രിയില്‍ പ്രവേശിപ്പിച്ചതു മുതലുള്ള ചികിത്സാ രേഖകള്‍ ഇന്നലെ വിജിലന്‍സ് സംഘം ആശുപത്രിയിലെത്തി ശേഖരിച്ചു. …

പത്തനംതിട്ട: തിളക്കം കൂട്ടാമെന്ന് പറഞ്ഞ് ലായനിയില്‍ മുക്കി കലഞ്ഞൂരില്‍ നിരവധി വീട്ടമ്മമാര്‍ക്ക് സ്വര്‍ണവുമായി അന്യസംസ്ഥാന സംഘം കടന്നു. നിരവധി പേര്‍ തട്ടിപ്പിന് ഇരയായെങ്കിലും കൂടല്‍ പോലീസില്‍ പരാതി നല്‍കിയത് കലഞ്ഞൂര്‍ കാഞ്ഞിരം മുകള്‍ ശാന്തി ബിജു മാത്രമാണ്. ഒരു വീട്ടമ്മയുടെ രണ്ടര പവന്‍ സ്വര്‍ണ മാലലായനിയില്‍ മുങ്ങി നിവര്‍ന്നപ്പോള്‍ ഒമ്പതു ഗ്രാമായി. ലായനി മാജിക്കിലൂടെ വീട്ടമ്മമാരുടെ വിശ്വാസമാര്‍ജിക്കുകയാണ് സംഘം ആദ്യം ചെയ്തത്. വീട്ടിലുള്ള ക്ലാവ് പിടിച്ചതും കരി പുരണ്ടതുമായ വിളക്കുകള്‍, ഉരുളികള്‍ എന്നിവ ഒരു രാസവസ്തു ഉപയോഗിച്ച് തേക്കുമ്പോള്‍ സ്വര്‍ണം പോലെ വെട്ടിത്തിളങ്ങി. അമ്പരന്നു …

കോന്നി: മദ്യപിച്ച് വാഹനമോടിച്ചതിന് കേസെടുത്ത എ്സ്ഐയെ കൈയില്‍ കിട്ടിയപ്പോള്‍ ശരിക്ക് അടി കൊടുത്ത യുവാവിനെ പൊലീസ് അറസ്റ്റ് ചെയ്തു. പൂവന്‍പാറ പെന്തക്കോസ്തു പള്ളിക്ക് സമീപം കോട്ടമുരുപ്പേല്‍ വീട്ടില്‍ മാഹീനെ (37) യാണ് പോലീസ് ഇന്ന് രാവിലെ ചൈനാമുക്കില്‍ നിന്ന് പിടികൂടിയത്. കഴിഞ്ഞ 20 നാണ് മദ്യപിച്ച് വാഹനമോടിച്ചതിന് എസ്.ഐ സജു എബ്രഹാം മാഹീനെതിരേ കേസെടുത്തത്. രണ്ടു ദിവസത്തിന് ശേഷം തിങ്കളാഴ്ച രാത്രി ഹോട്ടലില്‍ ഭക്ഷണം വാങ്ങാന്‍ വന്ന എസ്ഐയെ മാഹിന്‍ ക്രൂരമായി മര്‍ദിക്കുകയായിരുന്നു. കോന്നി ടൗണിലെ ഗുരുവായൂരപ്പന്‍ ഹോട്ടലില്‍ വച്ചായിരുന്നു മര്‍ദനം. ചീത്ത വിളിച്ചുകൊണ്ട് …

പത്തനംതിട്ട: പ്രായപൂര്‍ത്തിയാകാത്ത പെണ്‍കുട്ടിക്കുനേരെ ലൈംഗിക അതിക്രമം കാട്ടിയ പ്രതിയക്ക് ഏഴു വര്‍ഷം കഠിനതടവും 65000 രൂപ പിഴയും. പത്തനംതിട്ട അഡിഷണല്‍ ഡിസ്ട്രിക് ആന്‍ഡ് സെഷന്‍സ് കോടതി ഒന്ന് ( പ്രിന്‍സിപ്പല്‍ പോക്സോ കോടതി ),ജഡ്ജി ജയകുമാര്‍ ജോണ്‍, തണ്ണിത്തോട് തൂമ്പാക്കുളം തൈപ്പറമ്പില്‍ പ്രകാശി (43)നെയാണ് ശിക്ഷിച്ചത്. കുറ്റകൃത്യം നടന്ന് കൃത്യം എട്ടാം മാസത്തിലാണ് ശിക്ഷ വിധിച്ചിരിക്കുന്നത്. ശിക്ഷ പ്രത്യേകം അനുഭവിക്കണം. പോക്സോ നിയമത്തിലെ വകുപ്പ് 7 പ്രകാരം 4 വര്‍ഷവും 40000 രൂപയും, ഐ പി സി 457 പ്രകാരം 3 വര്‍ഷവും 25000 …

അടൂര്‍: മോഷ്ടിച്ച് ബൈക്കുകളുമായി ആക്രിക്കടക്കാര്‍ക്ക് വില്‍ക്കാനെത്തിയ രണ്ടു യുവാക്കളെ പോലീസ് കസ്റ്റഡിയില്‍ എടുത്തു. ആക്രി വില്‍പ്പനക്കാര്‍ക്ക് തോന്നിയ സംശയമാണ് പ്രതികളെ കുടുക്കിയത്. ഇതില്‍ ഒരാള്‍ക്ക് പതിനേഴു വയസ് മാത്രമാണുള്ളത്. കൊട്ടാരക്കര പുലമണ്‍ രഞ്ജുഭവനില്‍ രഞ്ജു(24), കൊട്ടാരക്കര പള്ളിക്കല്‍ സ്വദേശി (17) എന്നിവരെയാണ് വ്യാഴാഴ്ച വൈകിട്ട് ആറു മണിയോടെ അടൂര്‍ പൊലീസ് കസ്റ്റഡിയില്‍ എടുത്തത്. പഴകുളത്തുളള ആക്രിക്കടയിലാണ് പ്രതികള്‍ വാഹനവുമായി വന്നത്. രഞ്ജു കൊണ്ടു വന്നത് കെഎല്‍ 24 എല്‍ 2514 ഡിസ്‌കവര്‍ ബൈക്കും പതിനേഴുകാരന്‍ കൊണ്ടു വന്നത് കെഎല്‍ 24 ജി 6378 റോയല്‍ …

കൊച്ചി :പ്രായപൂര്‍ത്തിയാകാത്ത പെണ്‍കുട്ടിയെ കഞ്ചാവ് ഉപയോഗിക്കാന്‍ സമൂഹമാധ്യമത്തിലൂടെ ക്ഷണിച്ച വ്‌ലോഗര്‍ പിടിയില്‍. മട്ടാഞ്ചേരി പുത്തന്‍പുരയ്ക്കല്‍ അഗസ്റ്റിന്റെ മകന്‍ ഫ്രാന്‍സിസ് നെവിന്‍ അഗസ്റ്റിന്‍ (34) ആണ് പിടിയിലായത്. കഴിഞ്ഞ ദിവസം ഇവര്‍ സംസാരിക്കുന്ന വിഡിയോ വൈറലായതോടെ എക്‌സൈസ് വീട്ടിലെത്തി പരിശോധന നടത്തുകയായിരുന്നു. വീട്ടില്‍നിന്നു ലഹരി പദാര്‍ഥം കണ്ടെത്തിയില്ലെങ്കിലും ദേഹപരിശോധന നടത്തിയപ്പോള്‍ ഉള്‍വസ്ത്രത്തില്‍നിന്നു 2 ഗ്രാം കഞ്ചാവ് കണ്ടെടുത്തു. തുടര്‍ന്ന് ഇയാളെ മട്ടാഞ്ചേരി എക്‌സൈസ് റേഞ്ച് ഇന്‍സ്‌പെക്ടര്‍ വി.എസ്.പ്രദീപിന്റെ നേതൃത്വത്തില്‍ അറസ്റ്റു ചെയ്തു. വില്‍പനയ്ക്കുള്ള അളവ് കഞ്ചാവ് കൈവശം ഇല്ലാത്തതിനാല്‍ സ്റ്റേഷന്‍ ജാമ്യത്തില്‍ വിടാനാകുമെങ്കിലും, സമൂഹമാധ്യമം വഴി …