തിരുവനന്തപുരം: ഉന്നതവിദ്യാഭ്യാസ മേഖലയുമായി ബന്ധപ്പെട്ട് ഗവര്‍ണര്‍ ചില ആശങ്കകള്‍ പ്രകടിപ്പിച്ചിട്ടുണ്ടെന്നും എന്നാല്‍, ഇക്കാര്യത്തില്‍ സംസ്ഥാന സര്‍ക്കാരിനുള്ള അഭിപ്രായം മനസ്സിലാക്കാത്ത ആളല്ല ഗവര്‍ണറെന്നും മുഖ്യമന്ത്രി പിണറായി വിജയന്‍. ഉന്നത വിദ്യാഭ്യാസ മേഖല ഇന്നുള്ളതില്‍ നിന്ന് മുന്നോട്ട് പോകണം. കൂടുതല്‍ ശാക്തീകരിക്കപ്പെടണമെന്ന കാര്യത്തില്‍ സര്‍ക്കാരിനും ഗവര്‍ണര്‍ക്കും ഒരേ അഭിപ്രായമാണുള്ളതെന്നും അദ്ദേഹം വ്യക്തമാക്കി. വളരെ മികവാര്‍ന്ന അക്കാദമിക് വിദഗ്ദ്ധരെ തന്നെയാണ് ഓരോ സ്ഥാപനത്തിന്റേയും തലപ്പത്ത് കൊണ്ടുവരാന്‍ ഈ സര്‍ക്കാര്‍ ശ്രദ്ധിച്ചിട്ടുള്ളത്. എല്ലാ എല്‍ഡിഎഫ് സര്‍ക്കാരുകളും ഇത്തരത്തില്‍ അക്കാദമിക് മികവുള്ളവരെ സര്‍വകലാശാലകളുടെ തലപ്പത്ത് കൊണ്ടുവന്നിട്ടുണ്ട്. ചില ഘട്ടത്തില്‍ വ്യത്യസ്തമായ അനുഭവവും …

പമ്പ: ആന്ധ്രയില്‍ നിന്ന് ശബരിമല ദര്‍ശനത്തിന് വന്ന സംഘത്തിലെ യുവാവിനെ സംശയം തോന്നി പൊലീസ് തടഞ്ഞു. തുടര്‍ന്ന് നടത്തിയ മെഡിക്കല്‍ പരിശോധനയില്‍ ഇയാള്‍ പുരുഷനായിരുന്നുവെന്നും ശസ്ത്രക്രിയ നടത്തി സ്ത്രീ ആയതാണെന്നും കണ്ടെത്തി. ബുധന്‍ രാവിലെ 11 മണിയോടെ നിലയ്ക്കലിലാണ് സംഭവം. ആന്ധ്രയില്‍ നിന്നുള്ള സംഘത്തോടൊപ്പം വന്നയാള്‍ താഹിര്‍ എന്നാണ് പേരെന്നും 19 വയസുണ്ടെന്നും പൊലീസിനോട് പറഞ്ഞു. സംശയം തോന്നി മെഡിക്കല്‍ പരിശോധന നടത്തിയപ്പോഴാണ് ശസ്ത്രക്രിയയിലുടെ പെണ്ണായി മാറിയിട്ടുണ്ടെന്ന് കണ്ടെത്തിയത്. മുംതാസ് എന്നാണ് പേരെന്നും മനസിലാക്കി. ഇവര്‍ക്കൊപ്പം വന്നവരെ ദര്‍ശനത്തിന് അയച്ചു. തുടര്‍ന്ന് ദര്‍ശനം നടത്താത്തതിന്റെ …

ശബരിമല: ഭാരത് ബയോടെക് ഇന്റര്‍നാഷണല്‍ ലിമിറ്റഡ് ചെയര്‍മാനും എം.ഡിയുമായ ഡോ. കൃഷ്ണ എല്ലയും ഭാര്യ സുചിത്രയും ദര്‍ശനം നടത്തി. അന്നദാനത്തിലേക്ക് ഒരു കോടി രൂപ അദ്ദേഹം സംഭാവന നല്‍കി. ശബരിമലയിലെ വികസനത്തിനും ജീവനക്കാരുടെ ആരോഗ്യ സംരക്ഷണത്തിനും വേണ്ട എന്ത് സഹായങ്ങള്‍ ചെയ്യാന്‍ തയ്യാറാണെന്നും അദ്ദേഹം അറിയിച്ചു. സംഭാവന നല്‍കിയ ഡോ. കൃഷ്ണ എല്ലയെ തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് അഡ്വ. കെ. അനന്തഗോപന്‍ ഫോണില്‍ വിളിച്ച് നന്ദി അറിയിച്ചു. എക്സിക്യൂട്ടിവ് ഓഫീസര്‍ വി. കൃഷ്ണകുമാര വാരിയര്‍ക്ക് ഓണ്‍ലൈന്‍ ട്രാന്‍സ്ഫര്‍ വഴിയാണ് തുക കൈമാറിയത്. ഇന്നലെ …

തിരുവനന്തപുരം: കഴിഞ്ഞ 3 മാസമായി രാജ്യത്ത് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്യപ്പെടുന്ന സംസ്ഥാനമാണു കേരളം. മരണങ്ങളിലും മുന്നിലാണ്. രാജ്യമാകെ 98,416 പേരാണ് ഇപ്പോള്‍ ചികിത്സയിലുള്ളത്. ഇതില്‍ 40,730 പേരും കേരളത്തിലാണ്. രോഗികളുടെ എണ്ണം കൂടുതലുള്ളയിടങ്ങളില്‍ പരിശോധന കൂട്ടണമെന്ന കേന്ദ്ര നിര്‍ദേശം കേരളം ഇതുവരെ പ്രാവര്‍ത്തികമാക്കിയിട്ടുമില്ല. ഒമിക്രോണ്‍ സാധ്യത കൂടി കണക്കിലെടുത്ത് കൂടുതല്‍ കൃത്യതയുള്ള പരിശോധനാ കിറ്റിനായി സംസ്ഥാനം ശ്രമം തുടങ്ങിയിട്ടുണ്ട്.

തൊടുപുഴ: ഇടുക്കി ചെറുതോണി ഡാമിന്റെ മൂന്നാം നമ്പര്‍ ഷട്ടര്‍ 40 സെന്റിമീറ്റര്‍ തുറന്നു. രാവിലെ ആറു മണിയോടെയാണ് തുറന്നത്. ഡാമില്‍നിന്ന് സെക്കന്‍ഡില്‍ 40,000 ലീറ്റര്‍ വെള്ളം പുറത്തേക്ക് ഒഴുക്കുന്നു. പെരിയാറിന്റെയും ചെറുതോണി പുഴയുടെയും തീരത്തുള്ളവര്‍ ജാഗ്രത പാലിക്കണം. പൊതുജനങ്ങള്‍ പരിഭ്രാന്തരാകേണ്ടതില്ലെന്നും ആവശ്യമായ മുന്നൊരുക്കങ്ങള്‍ സ്വീകരിച്ചിട്ടുണ്ടെന്നും ജില്ലാ ഭരണകൂടം അറിയിച്ചു. ഇടുക്കി ഡാം ആദ്യമായാണ് ഒരു വര്‍ഷം നാലുതവണ തുറക്കുന്നത്.ഡാമിലെ ജലനിരപ്പു ക്രമാതീതമായി ഉയര്‍ന്നതോടെയാണ് തുറന്നത്. മുല്ലപ്പെരിയാറിലെ ഷട്ടറുകള്‍ തുറന്നതോടെയാണ് ഇടുക്കിയില്‍ ജലനിരപ്പ് ഉയര്‍ന്നത്.  

കുമളി: മുല്ലപ്പെരിയാര്‍ അണക്കെട്ടിന്റെ വൃഷ്ടിപ്രദേശത്ത് ശക്തമായ മഴ. പരമാവധി സംഭരണശേഷിയായ 142 അടി വെള്ളമെത്താനുള്ള സാധ്യത കണക്കിലെടുത്ത് തിങ്കളാഴ്ച രാത്രിയില്‍ എട്ടരയോടെ ഒന്‍പത് സ്പില്‍വേ ഷട്ടറുകള്‍ തമിഴ്‌നാട് ഉയര്‍ത്തി. 120 സെന്റിമീറ്ററുകള്‍വീതം ഉയര്‍ത്തിയ ഷട്ടറുകള്‍വഴി 12,654 ഘനയടി വെള്ളമാണ് പെരിയാറിലേക്ക് ഒഴുക്കുന്നത്. 2018-ലെ പ്രളയത്തിനുശേഷം ഇതാദ്യമായാണ് ഇത്രയും അധികം വെള്ളം പെരിയാറിലേക്കൊഴുക്കുന്നത്. അണക്കെട്ടിലേക്ക് സെക്കന്‍ഡില്‍ 10,354 ഘനയടി വെള്ളമാണ് ഒഴുകിയെത്തുന്നത്. തമിഴ്നാട് 1867 ഘനയടി വെള്ളം ടണല്‍വഴി കൊണ്ടുപോകുന്നുണ്ട്. പെരിയാര്‍ തീരദേശവാസികള്‍ക്ക് ജാഗ്രതാ നിര്‍ദേശം പുറപ്പെടുവിച്ച് ജില്ലാ ഭരണകൂടം. രാത്രി 10 മണിയോടെ മൂന്ന് …

തിരുവനന്തപുരം: കോവിഡ് പ്രതിരോധവാക്‌സിന്‍ സ്വീകരിക്കാത്ത അധ്യാപകരുടെ പേരുവിവരം പ്രസിദ്ധീകരിക്കുമെന്ന നിലപാട് തിരുത്തി മന്ത്രി വി. ശിവന്‍കുട്ടി. പേരുവിവരം പ്രസിദ്ധീകരിക്കുമെന്ന് മന്ത്രി വെള്ളിയാഴ്ച രാവിലെ മാധ്യമങ്ങളോട് പറഞ്ഞിരുന്നെങ്കിലും എത്രപേരുണ്ടെന്നു മാത്രമാകും പ്രസിദ്ധീകരിക്കുകയെന്ന് വൈകുന്നേരത്തോടെ തിരുത്തി. വാക്‌സിന്‍ സ്വീകരിക്കാത്ത അധ്യാപകരുടെ ജില്ലാ അടിസ്ഥാനത്തിലുള്ള കണക്കായിരിക്കും പ്രസിദ്ധപ്പെടുത്തുക. ഇതിനായി പ്രത്യേക വിവരശേഖരണം ആരംഭിച്ചു. വാക്‌സിന്‍ സ്വീകരിക്കാത്തവര്‍ക്ക് കാരണംകാണിക്കല്‍ നോട്ടീസ് നല്‍കുമെന്നും മന്ത്രി പറഞ്ഞു. സ്‌കൂള്‍ തുറക്കുന്നതിനു മുന്നോടിയായി വാക്‌സിന്‍ എടുക്കാത്തവരുടെ കണക്ക് ശേഖരിച്ചിരുന്നു. ഇപ്പോള്‍ കൂടുതല്‍പ്പേര്‍ വാക്സിന്‍ എടുത്തിട്ടുണ്ടാകുമെന്നാണ് കരുതുന്നത്. അയ്യായിരത്തോളംപേര്‍ വാക്‌സിന്‍ എടുത്തിട്ടില്ലെന്നാണ് മന്ത്രി പറയുന്നത്. എന്നാല്‍, …

തിരുവനന്തപുരം: കോവിഡ് വാക്‌സീന്‍ കുത്തിവയ്പ് എടുത്തിട്ടില്ലാത്ത അധ്യാപകരുടെയും സ്‌കൂളുകളിലെ അധ്യാപകേതര ജീവനക്കാരുടെയും പേരുവിവരങ്ങള്‍ ഇന്നു രാവിലെ 9നു വിദ്യാഭ്യാസമന്ത്രി വി.ശിവന്‍കുട്ടി പരസ്യപ്പെടുത്തും. ഇവര്‍ക്കു കാരണം കാണിക്കല്‍ നോട്ടിസ് നല്‍കിയിട്ടുണ്ട്. ഇനിയും വാക്‌സീന്‍ എടുക്കാത്തവരുടെ വിവരങ്ങള്‍ പൊതുസമൂഹം അറിയേണ്ടതാണെന്നും ജില്ല തിരിച്ചുള്ള കണക്കുകള്‍ ലഭിച്ചിട്ടുണ്ടെന്നും മന്ത്രി പറഞ്ഞു. ഇന്നലെ ഉച്ചയ്ക്കു ശേഷം പട്ടിക പ്രസിദ്ധീകരിക്കുമെന്നാണു മന്ത്രി പറഞ്ഞതെങ്കിലും പട്ടിക പൂര്‍ണമാകാത്തതിനെത്തുടര്‍ന്ന് ഇന്നത്തേക്കു മാറ്റി. വാക്‌സീന്‍ എടുക്കാത്ത 5000 പേരുണ്ടെന്ന് മന്ത്രി കഴിഞ്ഞ ദിവസം വെളിപ്പെടുത്തിയിരുന്നെങ്കിലും അത്രയുമില്ലെന്നാണ് വിദ്യാഭ്യാസ വകുപ്പ് വൃത്തങ്ങള്‍ പറയുന്നത്. 2600 പേരെന്നായിരുന്നു നവംബറിലെ …

തിരുവനന്തപുരം: 121 വര്‍ഷത്തിനിടെ ഏറ്റവും കൂടുതല്‍ മഴ ലഭിച്ച അഞ്ചാമത്തെ വര്‍ഷമായി 2021. ഈ വര്‍ഷം ഇതുവരെ (ജനുവരി 1 മുതല്‍ ഡിസംബര്‍ 1വരെ) സംസ്ഥാനത്ത് ഏറ്റവും കൂടുതല്‍ മഴ ലഭിച്ചത് പത്തനംതിട്ട ജില്ലയി (4917.4 മില്ലിമീറ്റര്‍)ലാണ്. കാലവര്‍ഷ സീസണ്‍ ഒഴികെ മൂന്നു സീസണിലും സംസ്ഥാനത്ത് ഏറ്റവും കൂടുതല്‍ മഴ ലഭിച്ചതും പത്തനംതിട്ട ജില്ലയില്‍. ഏറ്റവും കുറവ് പാലക്കാട് ജില്ലയിലാണ് (2392.2 മില്ലിമീറ്റര്‍). വയനാട് ഒഴികെയുള്ള എല്ലാ ജില്ലകളിലും വാര്‍ഷിക ശരാശരിയെക്കാള്‍ കൂടുതല്‍ മഴ ലഭിച്ചു. 4 ജില്ലകളില്‍ (പത്തനംതിട്ട, കോട്ടയം, ഇടുക്കി, കോഴിക്കോട്) …

ശബരിമല: ശബരിമലയില്‍ വെര്‍ച്വല്‍ ക്യൂ മുഖേനെയുള്ള ദര്‍ശന നിയന്ത്രണവും, മുറികളില്‍ താമസിക്കുന്നതിനുള്ള തടസവും നീക്കണമെന്ന് തിരുവിതാംകൂര്‍ ദേവസ്വം ബോര്‍ഡ്. 5 ഇളവുകള്‍ ആവശ്യപ്പെട്ട് ദേവസ്വം ബോര്‍ഡ് മുഖ്യമന്ത്രിയ്ക്കും ദേവസ്വം മന്ത്രിക്കും കത്ത് നല്‍കി. രണ്ട് ഡോസ് വാക്‌സിനോ 72 മണിക്കൂറിനുള്ളില്‍ ആര്‍ടിപിസിആര്‍ പരിശോധന നടത്തിയ സര്‍ട്ടിഫിക്കറ്റോ ഉള്ളവര്‍ക്കു ദര്‍ശനത്തിന് വെര്‍ച്വല്‍ ക്യൂ ബുക്കിങ് കൂടി ആവശ്യപ്പെടുന്നത് ഒഴിവാക്കണമെന്നാണ് ബോര്‍ഡിന്റെ ആവശ്യം. ശബരിമലയില്‍ 12 മണിക്കൂര്‍ തങ്ങാന്‍ അനുവദിക്കണം.നെയ്യഭിഷേകം പഴയരീതിയില്‍ പുനസ്ഥാപിക്കണം, പമ്പാസ്‌നാനവും അനുവദിക്കണം. നീലിമല വഴിയുള്ള പരമ്പരാഗത പാത തുറക്കണമെന്നും ബോര്‍ഡ് സര്‍ക്കാരിനോട് ആവശ്യപ്പെട്ടു.