അടൂര്‍: അടൂര്‍ താലൂക്ക് എന്‍.എസ്.എസ് യൂണിയന്‍ ഭരണസമിതി തെരഞ്ഞെടുപ്പ് നടന്നു. യൂണിയന്‍ പ്രസിഡന്റായി ശ്രീ.കലഞ്ഞൂര്‍ മധുവിനേയും വൈസ്പ്രസിഡന്റായി ശ്രീ.എന്‍.രവീന്ദ്രന്‍നായരേയും യോഗം ഐക്യകണ്‌ഠേന തെരഞ്ഞെടുത്തു. എന്‍.എസ്.എസ് ആഡിറ്റോറിയത്തില്‍ നടന്ന തെരഞ്ഞെടുപ്പ് യോഗത്തില്‍ ഇലക്ഷന്‍ ആഫീസര്‍ ശ്രീ.സി.അനില്‍കുമാര്‍ അദ്ധ്യക്ഷനായിരുന്നു. കലഞ്ഞൂര്‍ മധു യൂണിയന്‍ പ്രസിഡന്റ് സ്ഥാനത്തേക്ക് 9-ാം തവണയാണ് തെരഞ്ഞെടുക്കപ്പെടുന്നത്. 1996-ലാണ് കലഞ്ഞൂര്‍ മധു ആദ്യമായി യൂണിയന്‍ പ്രസിഡന്റ് സ്ഥാനത്തേക്ക് തെരഞ്ഞെടുക്കപ്പെട്ടത്. 1997 ല്‍ എന്‍.എസ്.എസ് ഡയറക്ടര്‍ ബോര്‍ഡിലേക്ക് തെരഞ്ഞെടുക്കപ്പെട്ടു. 65-ാം നമ്പര്‍ കലഞ്ഞൂര്‍ എന്‍.എസ്.എസ് കരയോഗത്തില്‍ നിന്നുള്ള പ്രതിനിധിയാണ് കലഞ്ഞൂര്‍ മധു. വൈസ്പ്രസിഡന്റായി തെരഞ്ഞെടുക്കപ്പെട്ട എന്‍.രവീന്ദ്രന്‍നായര്‍ …

തിരുവനന്തപുരം: അടുത്ത 3 മണിക്കൂറിൽ തിരുവനന്തപുരം, കൊല്ലം, ആലപ്പുഴ, കോട്ടയം, പത്തനംതിട്ട, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ ഇടിയോടുകൂടിയ മഴയ്ക്കും മണിക്കൂറിൽ 40 കി.മി വരെ വേഗതയിൽ വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഏതാനും ദിവസത്തെ ഇടവേളയ്ക്കു ശേഷം 11 മുതൽ കേരളത്തിൽ വീണ്ടും അതിശക്തമായ മഴയ്ക്കു സാധ്യതയെന്ന് കാലാവസ്ഥാവകുപ്പ് അറിയിച്ചു. 11ന് വയനാട്, മലപ്പുറം, പാലക്കാട്, ഇടുക്കി, കോട്ടയം ജില്ലകളിൽ ഓറഞ്ച് അലർട്ട് പ്രഖ്യാപിച്ചു. നാളെയും 10നും മലപ്പുറം, പാലക്കാട്, ഇടുക്കി, കോട്ടയം, പത്തനംതിട്ട, കൊല്ലം, തിരുവനന്തപുരം ജില്ലകളിൽ യെലോ …

തിരുവനന്തപുരം: കെഎസ്ആര്‍ടിസി തൊഴിലാളികളുടെ സൂചന പണിമുടക്കിന് ആരംഭം. ശമ്പള വര്‍ധനവ് ആവശ്യപ്പെട്ടാണ് തൊഴിലാളികള്‍ പണിമുടക്കുന്നത്. അംഗീകൃത ട്രേഡ് യൂണിയനുകളാണ് പണിമുടക്കിന് ആഹ്വാനം ചെയ്തിരിക്കുന്നത്. ഭരണപക്ഷ യൂണിയനായ എംപ്ലോയീസ് അസോസിയേഷനും ബിഎംഎസ് എംപ്ലോയീസ് സംഘും പണിമുടക്കില്‍ പങ്കാളികളാണ്.വ്യാഴാഴ്ച അര്‍ധരാത്രി മുതല്‍24 മണിക്കൂറാണ് പണിമുടക്ക്. കോണ്‍ഗ്രസ് അനുകൂല സംഘടനയായ ടി.ഡി.എഫ്., അഞ്ച്, ആറ് ദിവസങ്ങളിലും, കെ.എസ്.ആര്‍.ടി.ഇ.എ., ബി.എം.എസ്. എന്നിവ അഞ്ചിനും സമരനോട്ടീസ് നല്‍കിയിട്ടുണ്ട്. ഇടത് വലത്, ബി.എം.എസ് യൂണിയനുകള്‍ സംയുക്തമായി സമരത്തിന് ആഹ്വാനം ചെയ്തിരിക്കുന്നതിനാല്‍ ബസ് സര്‍വീസ് പൂര്‍ണമായും തടസ്സപ്പെട്ടേക്കും. എന്നാല്‍ സമരത്തെ നേരിടാന്‍ ഡയസ്നോണ്‍ പ്രഖ്യാപിച്ചിരിക്കുകയാണ് …

തിരുവനന്തപുരം: സംസ്ഥാനങ്ങളും ഇന്ധന നികുതി കുറയ്ക്കണമെന്ന കേന്ദ്രനിര്‍ദേശം തള്ളി കേരളം. പെട്രോളിന്റെയും ഡീസലിന്റെയും എക്‌സൈസ് നികുതി കേന്ദ്രസര്‍ക്കാര്‍ കുറച്ചതിനെത്തുടര്‍ന്ന് കേരളവും ആനുപാതികമായി കുറച്ചെന്ന് ധനമന്ത്രി കെ.എന്‍. ബാലഗോപാല്‍ പറഞ്ഞു. സംസ്ഥാനങ്ങള്‍ക്ക് നികുതി കുറയ്ക്കുന്നതിന് ഒരു പരിധിയുണ്ട്. കേരളത്തിന്റെ ധനസ്ഥിതി പരിതാപകരമാണ്. കേന്ദ്രം 30 രൂപ കൂട്ടി, എന്നാല്‍ അതിന്റെ പങ്ക് സംസ്ഥാനങ്ങള്‍ക്ക് നല്‍കിയില്ലെന്നു ധനമന്ത്രി കുറ്റപ്പെടുത്തി. കേന്ദ്രത്തിന്റെ ന്യായം പോക്കറ്റടിച്ചിട്ട് വണ്ടിക്കൂലിക്ക് പണം നല്‍കുന്നതു പോലെയെന്നും ബാലഗോപാല്‍ മാധ്യമങ്ങളോട് പറഞ്ഞു. പെട്രോളിന്റെയും ഡീസലിന്റെയും എക്‌സൈസ് നികുതി കേന്ദ്രസര്‍ക്കാര്‍ യഥാക്രമം 5 രൂപയും 10 രൂപയും …

തിരുവനന്തപുരം: പെട്രോളിന്റെയും ഡീസലിന്റെയും എക്സൈസ് തീരുവ കേന്ദ്രം കുറച്ചതോടെ സംസ്ഥാനത്തെ നികുതിയും ആനുപാതികമായി കുറഞ്ഞു. കേരളത്തില്‍ പെട്രോളിന് ആകെ 6.57 രൂപയും ഡീസലിന് 12.33 രൂപയുമാണ് കുറഞ്ഞത്. ആനുപാതികമായി സംസ്ഥാന നികുതിയും കുറയുമെന്നതിനാല്‍ സംസ്ഥാന നികുതിയില്‍ പ്രത്യേകമായ കുറവ് വരുത്തേണ്ടതില്ലെന്നാണ് സംസ്ഥാന സര്‍ക്കാരിന്റെ നിലപാട്. വില കുറഞ്ഞതിനുശേഷം സംസ്ഥാനനികുതി പെട്രോളിന് 21.5 രൂപയും ഡീസലിന് 17 രൂപയുമായിരിക്കും. എന്നാല്‍ ബിജെപി ഭരിക്കുന്ന ചില സംസ്ഥാനങ്ങള്‍ സ്വന്തം നിലയ്ക്കും നികുതി കുറച്ചു തിരുവനന്തപുരത്ത് പെട്രോള്‍ വില 105.86 രൂപയായി കുറഞ്ഞു. ഡീസലിന് 93 രൂപ 52 …

തിരുവനന്തപുരം: കോവിഡ് വാക്‌സീന്‍ ഒരു ഡോസ് മാത്രം എടുത്തവര്‍ക്കും സിനിമ തിയറ്ററില്‍ പ്രവേശനം അനുവദിക്കാന്‍ കോവിഡ് അവലോകന സമിതി തീരുമാനിച്ചു. തിയറ്ററുകളില്‍ അകലം, മാസ്‌ക് തുടങ്ങിയ കാര്യങ്ങളില്‍ മാര്‍ഗനിര്‍ദേശം ഇറക്കാന്‍ ആരോഗ്യ വകുപ്പിനോടു മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന യോഗം ആവശ്യപ്പെട്ടു. വിവാഹം, മരണാനന്തര ചടങ്ങുകള്‍, സാമൂഹിക, രാഷ്ട്രീയ, സാംസ്‌കാരിക, സാമുദായിക പരിപാടികള്‍ എന്നിവയ്ക്ക് അടച്ചിട്ട മുറികളില്‍ 100 പേരെയും തുറസ്സായ സ്ഥലത്ത് 200 പേരെയും പങ്കെടുപ്പിക്കാം. ടെക്‌നിക്കല്‍ ഹൈസ്‌കൂളുകളിലെ 8, 9, 10 ക്ലാസ് വിദ്യാര്‍ഥികള്‍ക്ക് ജനറല്‍ വര്‍ക്ഷോപ് പരിശീലനത്തിനും എന്‍ജിനീയറിങ് …

തിരുവനന്തപുരം:: കേരളത്തില്‍ ഇന്നും നാളെയും പരക്കെ മഴയ്ക്കു സാധ്യത. ഇന്നു തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട് ജില്ലകളില്‍ ഓറഞ്ച് അലര്‍ട്ടും (അതിശക്തമായ മഴ) ആലപ്പുഴ, തൃശൂര്‍, പാലക്കാട്, മലപ്പുറം ജില്ലകളില്‍ യെലോ അലര്‍ട്ടും (ശക്തമായ മഴ) പ്രഖ്യാപിച്ചു. ശക്തമായ കാറ്റിനും കടല്‍ക്ഷോഭത്തിനും സാധ്യതയുണ്ട്. നാളെ വരെ മീന്‍പിടിത്തം വിലക്കി. നാളെ പത്തനംതിട്ട, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലര്‍ട്ട് ഉണ്ട്.  

തിരുവനന്തപുരം: നാളെ സ്‌കൂള്‍ തുറക്കാനിരിക്കെ 2609 അധ്യാപക, അനധ്യാപകര്‍ ഇതുവരെ കോവിഡ് വാക്‌സീന്‍ എടുത്തിട്ടില്ലെന്നു മന്ത്രി വി.ശിവന്‍കുട്ടി അറിയിച്ചു. ഇതില്‍ വാക്സീന്‍ എടുക്കാത്ത അധ്യാപകര്‍ 2282 പേരും അനധ്യാപകര്‍ 327 പേരുമാണ്. അലര്‍ജി, ആരോഗ്യപ്രശ്‌നം, മതപരമായ കാരണം എന്നിവ മൂലം വാക്‌സീന്‍ എടുക്കാന്‍ സാധിക്കില്ലെന്നാണ് ഇവര്‍ പറയുന്നത്. വാക്‌സീന്‍ നിര്‍ബന്ധമാക്കി സര്‍ക്കാര്‍ പ്രത്യേക ഉത്തരവ് ഇറക്കുന്നില്ല. ഇവര്‍ 2 ആഴ്ച സ്‌കൂളില്‍ വരേണ്ട. പകരം ഓണ്‍ലൈന്‍ ക്ലാസ് എടുത്താല്‍ മതി.  

തിരുവനന്തപുരം: ഒന്നര വര്‍ഷത്തിലേറെയായി അടഞ്ഞുകിടക്കുന്ന സ്‌കൂളുകള്‍ ആദ്യഘട്ടമായി നാളെ തുറക്കുന്നു. പ്രവേശനോത്സവത്തോടെയാകും തുടക്കം. സംസ്ഥാന തല പ്രവേശനോത്സവം തിരുവനന്തപുരം കോട്ടണ്‍ ഹില്‍ യുപി സ്‌കൂളില്‍ മന്ത്രിമാരുടെ സാന്നിധ്യത്തില്‍ 8.30നു നടക്കും. 1 മുതല്‍ 7 വരെ ക്ലാസുകാരും 10,12 ക്ലാസുകാരുമാണ് നാളെ സ്‌കൂളില്‍ തിരിച്ചെത്തുന്നത്. 8,9,11 ക്ലാസുകള്‍ 15നാകും തുടങ്ങുക. 2 ഘട്ടങ്ങളിലുമായി 42,65,273 വിദ്യാര്‍ഥികളാണ് സ്‌കൂളുകളില്‍ എത്തുകയെന്നു മന്ത്രി വി.ശിവന്‍കുട്ടി അറിയിച്ചു. കൈറ്റ് വിക്ടേഴ്‌സ് ചാനല്‍ വഴിയുള്ള ഡിജിറ്റല്‍ ക്ലാസുകള്‍ നവംബര്‍ 12 വരെ പുതിയ സമയക്രമത്തിലായിരിക്കും. ജി-സ്വീറ്റ് പ്ലാറ്റ്‌ഫോം വഴിയുള്ള ഓണ്‍ലൈന്‍ …

തിരുവനന്തപുരം: മുന്നറിയിപ്പില്ലാതെ ആരോഗ്യമന്ത്രി വീണാ ജോര്‍ജ് തിരുവനന്തപുരം മെഡിക്കല്‍ കോളജ് ആശുപത്രി സന്ദര്‍ശിച്ചു. രാത്രികാലത്തെ മെഡിക്കല്‍ കോളജ് ആശുപത്രിയുടെ പ്രവര്‍ത്തനം നേരിട്ട് മനസ്സിലാക്കാനാണ് വ്യാഴാഴ്ച രാത്രി 10.30ന് ശേഷം മന്ത്രി ആശുപത്രിയിലെത്തിയത്. മൂന്നു മണിക്കൂറോളം ആശുപത്രിയില്‍ ചെലവഴിച്ചു. ആശുപത്രിയിലെത്തിയ രോഗികളുമായും കൂട്ടിരിപ്പുകാരുമായും അവരുടെ ബന്ധുക്കളുമായും ആശയവിനിമയം നടത്തി. ഡ്യൂട്ടിയിലുണ്ടായിരുന്ന ആരോഗ്യ പ്രവര്‍ത്തകരുമായും സംസാരിച്ചു. ഡ്യൂട്ടി ലിസ്റ്റും അതനുസരിച്ച് ഡ്യൂട്ടി സമയത്ത് ജീവനക്കാര്‍ ഉണ്ടോയെന്നും പരിശോധിച്ചു. ഡ്യൂട്ടിയിലുള്ള സമയത്ത് സീനിയര്‍ ഡോക്ടര്‍മാരുള്‍പ്പെടെയുള്ള ജീവനക്കാര്‍ ആശുപത്രിയില്‍ ഉണ്ടാകേണ്ടതാണ്. രോഗികള്‍ക്ക് ചികിത്സയും പരിചരണവും ഉറപ്പ് വരുത്തണമെന്നും അല്ലാത്തവര്‍ക്കെതിരെ കര്‍ശന …