ന്യൂഡല്‍ഹി: ജെബി മേത്തര്‍ കോണ്‍ഗ്രസിന്റെ രാജ്യസഭാ സ്ഥാനാര്‍ഥി. മഹിളാ കോണ്‍ഗ്രസ് സംസ്ഥാന പ്രസിഡന്റാണ് ജെബി മേത്തര്‍. സ്ഥാനാര്‍ഥിത്വത്തിനു കോണ്‍ഗ്രസ് അധ്യക്ഷ സോണിയ ഗാന്ധി അംഗീകാരം നല്‍കി. ഒരു സീറ്റിലേക്ക് ഡസനിലേറെ പേരുകള്‍ ഉയര്‍ന്നതോടെ ചര്‍ച്ചകള്‍ സമവായമാകാതെ നീണ്ടു പോയിരുന്നു. തുടര്‍ന്നാണ് കെപിസിസി പ്രസിഡന്റ് കെ.സുധാകരന്‍ മൂന്നു പേരുകള്‍ ഉള്‍പ്പെടുന്ന പട്ടിക ഹൈക്കമാന്‍ഡിന് കൈമാറിയത്. എം.ലിജു, ജെയ്‌സന്‍ ജോസഫ് എന്നിവരായിരുന്നു പട്ടികയില്‍ ഉള്‍പ്പെട്ട മറ്റുള്ളവര്‍. സംസ്ഥാനത്ത് ചര്‍ച്ച നടത്തുന്നതിന് മുന്‍പ് എം.ലിജുവിനായി കെ.സുധാകരന്‍ നേരിട്ട് ഡല്‍ഹിയില്‍ സമ്മര്‍ദം ചെലുത്തിയത് ശരിയായില്ലെന്ന വിമര്‍ശനം ഉയര്‍ന്നിരുന്നു. കെ.സുധാകരന്റെ നോമിനികളായി …

ന്യൂഡല്‍ഹി: മീഡിയ വണ്‍ സംപ്രേക്ഷണ വിലക്ക് സുപ്രീം കോടതി സ്റ്റേ ചെയ്തു. കേന്ദ്ര സര്‍ക്കാര്‍ എതിര്‍പ്പ് തള്ളിക്കൊണ്ടാണ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് സംപ്രേക്ഷണ വിലക്ക് സ്റ്റേ ചെയ്തത്. ചാനലിന് ഉടന്‍ പ്രക്ഷേപണം പുനരാരംഭിക്കാമെന്ന് കോടതി വ്യക്തമാക്കി. കേന്ദ്ര സര്‍ക്കാര്‍ മുദ്രവെച്ച കവറില്‍ നല്‍കിയ രണ്ട് ഫയലുകള്‍ പരിശോധിച്ച ശേഷമാണ് സംപ്രേക്ഷണ വിലക്ക് സുപ്രീം കോടതി സ്റ്റേ ചെയ്തത്. മീഡിയ വണ്‍ ലൈഫ്, മീഡിയ വണ്‍ ഗ്ലോബല്‍ എന്നിവയുമായി ബന്ധപ്പെട്ട ഒരു ഫയലും മീഡിയ വണ്‍ ചാനലുമായി ബന്ധപ്പെട്ട മറ്റൊരു ഫയലുമാണ് …

ലക്‌നൗ: ഉത്തര്‍പ്രദേശില്‍ ഭരണം നേടിയപ്പോഴും ബിജെപിയുടെ 3 സ്ഥാനാര്‍ഥികള്‍ക്ക് കെട്ടിവച്ച പണം നഷ്ടപ്പെട്ടു. കുന്ദ, മാല്‍ഹനി, രസാറ മണ്ഡലങ്ങളിലാണ് ബിജെപി ഏറെ പിന്നിലേക്കു പോയത്. കുന്ദ മണ്ഡലത്തില്‍ ബിജെപി സ്ഥാനാര്‍ഥി സിന്ധുജ മിശ്രയ്ക്ക് 16,455 വോട്ട് (8.36%) വോട്ടാണ് ലഭിച്ചത്. ജനസത്ത ദള്‍ ലോക്താന്ത്രിക് പാര്‍ട്ടിയാണ് ഇവിടെ ജയിച്ചത്. സമാജ്‌വാദി പാര്‍ട്ടി രണ്ടാമതെത്തി. മാല്‍ഹനി മണ്ഡലത്തില്‍ ബിജെപി സ്ഥാനാര്‍ഥി കൃഷ്ണപ്രതാപ് സിങ്ങിന് 18,319 വോട്ട് (8.01%) ലഭിച്ചു. വിജയിച്ചത് എസ്പി സ്ഥാനാര്‍ഥി. രണ്ടാമതെത്തിയത് ജനതാദള്‍ – യുണൈറ്റഡ്. രസാറയില്‍ ബിഎസ്പി സ്ഥാനാര്‍ഥി ജയിച്ചപ്പോള്‍ രണ്ടാമതെത്തിയത് …

കോഴിക്കോട്: കെ.സി. വേണുഗോപാലിനെതിരെ കോഴിക്കോട് നഗരത്തില്‍ ഫ്‌ലക്‌സ് ബോര്‍ഡുകള്‍ സ്ഥാപിച്ചു. കെസിയെ പുറത്താക്കൂ കോണ്‍ഗ്രസിനെ രക്ഷിക്കൂ എന്നതാണ് ആവശ്യം. പാളയം ഉള്‍പ്പടെ വിവിധ ഭാഗങ്ങളിലാണ് കോണ്‍ഗ്രസ് കൂട്ടായ്മയുടെ പേരില്‍ ഫ്‌ലക്‌സുകള്‍ പ്രത്യക്ഷപ്പട്ടത്. നേരത്തേ കണ്ണൂരില്‍ കെ.സി. വേണുഗോപാലിനെതിരെ പോസ്റ്ററുകള്‍ പതിച്ചിരുന്നു. വിവിധ സംസ്ഥാനങ്ങളിലെ നിയമസഭാ തിരഞ്ഞെടുപ്പുകളില്‍ കോണ്‍ഗ്രസ് നേരിട്ട പരാജയത്തിനു പിന്നാലെയാണ് കെ.സി. വേണുഗോപാലിനെതിരെ പ്രതിഷേധം ഉയരുന്നത്.  

ന്യൂഡല്‍ഹി: അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് പരാജയത്തിന്റെ പശ്ചാത്തലത്തില്‍ കോണ്‍ഗ്രസ് പ്രവര്‍ത്തക സമിതി യോഗം ഞായറാഴ്ച ചേരും. ഡല്‍ഹിയിലെ എഐസിസി ആസ്ഥാനത്ത് വൈകീട്ട് നാല് മണിക്കാണ് യോഗം. തിരഞ്ഞെടുപ്പ് തോല്‍വി ഉള്‍പ്പെടെയുള്ള കാര്യങ്ങള്‍ യോഗത്തില്‍ ചര്‍ച്ചയാകും. പ്രവര്‍ത്തക സമിതിയില്‍ 51 അംഗങ്ങളാണുള്ളത്. ഇവരെല്ലാവരും യോഗത്തില്‍ പങ്കെടുക്കുമെന്നാണ് വിവരം. തിരഞ്ഞെടുപ്പ് നടന്ന സംസ്ഥാനങ്ങളുടെ ചുമതല വഹിച്ച ജനറല്‍ സെക്രട്ടറിമാര്‍ പരാജയത്തിന്റെ കാരണങ്ങള്‍ യോഗത്തില്‍ വിശദീകരിക്കും. അവരുടെ റിപ്പോര്‍ട്ട് യോഗം വിശദമായി ചര്‍ച്ചചെയ്യും. ഇതിനുശേഷം പരാജയത്തിന്റെ ഉത്തരവാദിത്വം ആരെങ്കിലും ഏറ്റെടുക്കേണ്ടതുണ്ടോ എന്നതടക്കമുള്ള കാര്യങ്ങളില്‍ ചര്‍ച്ചനടക്കും. നിലവിലെ രാഷ്ട്രീയ …

ന്യൂഡല്‍ഹി: ഇന്ത്യയില്‍നിന്നുള്ള മിസൈല്‍ അബദ്ധത്തില്‍ പാക്കിസ്ഥാനില്‍ വീണതായി സ്ഥിരീകരിച്ചു പ്രതിരോധ മന്ത്രാലയം. സാങ്കേതിക പിഴവു കാരണം മാര്‍ച്ച് ഒന്‍പതിനാണു മിസൈല്‍ പാക്കിസ്ഥാനില്‍ പതിച്ചതെന്നു മന്ത്രാലയം വെള്ളിയാഴ്ച പുറത്തിറക്കിയ പ്രസ്താവനയില്‍ പ്രതികരിച്ചു. സംഭവത്തില്‍ ഇന്ത്യ ഖേദം പ്രകടിപ്പിച്ചു. ഇന്ത്യയില്‍നിന്നുള്ള മിസൈല്‍ പാക്കിസ്ഥാനിലെ ഖനേവാള്‍ ജില്ലയിലെ മിയാന്‍ ചന്നുവിനടുത്തു വീണതായി വ്യാഴാഴ്ച പാക്കിസ്ഥാന്‍ സൈന്യം അറിയിച്ചിരുന്നു. സംഭവത്തില്‍ ഇന്ത്യ അന്വേഷണം പ്രഖ്യാപിച്ചു. ഇന്ത്യയില്‍നിന്നുള്ള മിസൈല്‍ പാക്കിസ്ഥാന്റെ പ്രദേശത്താണു വീണതെന്നു സ്ഥിരീകരിച്ചെന്നും ജീവഹാനിയൊന്നുമുണ്ടായില്ലെന്നത് ആശ്വാസം നല്‍കുന്ന കാര്യമാണെന്നും പ്രസ്താവനയിലുണ്ട്. പാക്കിസ്ഥാന്റെ വ്യോമമേഖലയ്ക്കകത്തു കയറിയ മിസൈല്‍ 100 കിലോമീറ്ററോളം സഞ്ചരിച്ചെന്നാണു …

ചണ്ഡിഗഡ്: പഞ്ചാബില്‍ ആം ആദ്മി പാര്‍ട്ടിയുടെ ഭഗവന്ത് സിങ് മാന്‍ മാര്‍ച്ച് 16ന് മുഖ്യമന്ത്രിയായി സത്യപ്രതിജ്ഞ ചെയ്യും. ആം ആദ്മി പാര്‍ട്ടി ദേശീയ കണ്‍വീനറും ഡല്‍ഹി മുഖ്യമന്ത്രിയുമായ അരവിന്ദ് കേജ്‌രിവാളുമായി ഭഗവന്ത് മാന്‍ ഡല്‍ഹിയിലെത്തി കൂടിക്കാഴ്ച നടത്തി. കൂടിക്കാഴ്ചയ്ക്കു പിന്നാലെയാണ് തീരുമാനം. സത്യപ്രതിജ്ഞാ ചടങ്ങില്‍ കേജ്‌രിവാളും പങ്കെടുക്കും. ഞായറാഴ്ച അമൃത്സറില്‍ ഭഗവന്ത് മാന്‍ റോഡ് ഷോ നടത്തും. റോഡ് ഷോയിലും കേജ്‌രിവാള്‍ പങ്കെടുക്കും. ശനിയാഴ്ച ഭഗവന്ത് മാന്‍ ഗവര്‍ണര്‍ ബന്‍വാരിലാല്‍ പുരോഹിതിനെ കണ്ട് മന്ത്രിസഭാംഗങ്ങളുടെ പേരുകള്‍ കൈമാറും. മന്ത്രിസഭയില്‍ 17 അംഗങ്ങളുണ്ടാകുമെന്നാണ് സൂചന. മുഖ്യമന്ത്രി …

ന്യൂഡല്‍ഹി: ബിജെപിക്ക് ഇന്ന് ഉത്സവമെന്ന് പ്രധാനമന്ത്രി നരേന്ദ്ര മോദി. നിയമസഭാ തിരഞ്ഞെടുപ്പ് നടന്ന അഞ്ച് സംസ്ഥാനങ്ങളില്‍ നാലിലും ബിജെപി ജയിച്ചതിനു പിന്നാലെ ഡല്‍ഹി ബിജെപി ആസ്ഥാനത്ത് ബിജെപി പ്രവര്‍ത്തകരെ അഭിസംബോധന ചെയ്യുകയായിരുന്നു പ്രധാനമന്ത്രി. ‘ഇന്ന് സന്തോഷത്തിന്റെ ദിനം. ഉത്തര്‍പ്രദേശില്‍ ബിജെപി ചരിത്രം കുറിച്ചു. കാലാവധി പൂര്‍ത്തിയാക്കി തിരിച്ചുവരുന്നത് ആദ്യമാണ്’- പ്രധാനമന്ത്രി പറഞ്ഞു. ‘മാര്‍ച്ച് 10 മുതല്‍ ഹോളി ആരംഭിക്കുമെന്ന് നേരത്തേ പറഞ്ഞിരുന്നു. ഇത് എന്‍ഡിഎ പ്രവര്‍ത്തകരുടെ വിജയമാണ്. ജനാധിപത്യത്തിന്റെ ഉത്സവത്തില്‍ പങ്കെടുത്തതിന് എല്ലാ വോട്ടര്‍മാര്‍ക്കും നന്ദി പറയുന്നു. ഗോവയില്‍ എല്ലാ എക്സിറ്റ് പോളുകളും തെറ്റാണെന്ന് …

ഉത്തര്‍ പ്രദേശിലെ നോയ്ഡ സന്ദര്‍ശിക്കുന്നവര്‍ക്ക് അധികാരം നഷ്ടപ്പെടുമെന്ന ‘അന്ധവിശ്വാസ’ത്തിന് വിരാമമിട്ട് സംസ്ഥാന മുഖ്യമന്ത്രി യോഗി ആദിത്യനാഥിന്റെ രണ്ടാം വിജയം. യോഗിക്ക് മുമ്പ് മുഖ്യമന്ത്രിമാരായിരുന്നവര്‍ നോയ്ഡ സന്ദര്‍ശിക്കുന്നത് ഒഴിവാക്കാന്‍ ശ്രമിച്ചിട്ടുള്ളവരാണ്. ഡല്‍ഹിയോട് തൊട്ടുകിടക്കുന്ന ഇവിടം സന്ദര്‍ശിച്ച മുഖ്യമന്ത്രിമാര്‍ക്ക് അധികാരം നഷ്ടപ്പെട്ടു തുടങ്ങിയതോടെയാണ് ‘നോയ്ഡ ദൗര്‍ഭാഗ്യം’ എന്ന പേരില്‍ അന്ധവിശ്വാസം പ്രചരിക്കാന്‍ തുടങ്ങിയത്. 1988 ല്‍ മുഖ്യമന്ത്രിയായിരുന്ന വീര്‍ ബഹാദൂര്‍ സിങ്ങിന് നോയ്ഡ സന്ദര്‍ശിച്ച് ഏതാനും ദിവസം കഴിഞ്ഞപ്പോള്‍ അധികാരം ഒഴിയേണ്ടി വന്നതോടെയാണ് ഇക്കഥ വ്യാപകമാകുന്നത്. പിന്നീട് വന്ന മുഖ്യമന്ത്രിമാരായ സമാജ്വാദി പാര്‍ട്ടിയുടെ മുലായം സിങ് യാദവ്, …

ന്യൂഡല്‍ഹി: രാജ്യത്തെ അന്താരാഷ്ട്ര വിമാന സര്‍വീസുകള്‍ക്കുള്ള നിയന്ത്രണങ്ങള്‍ നീക്കുന്നു. മാര്‍ച്ച് 27 മുതല്‍ അന്താരാഷ്ട്ര വിമാന സര്‍വീസുകള്‍ പഴയ നിലയിലാകും. കോവിഡ് മൂലം 2020 മാര്‍ച്ചിലാണ് അന്താരാഷ്ട്ര വിമാന സര്‍വീസുകള്‍ക്ക് നിയന്ത്രണം ഏര്‍പ്പെടുത്തിയത്. രണ്ട് വര്‍ഷത്തിന് ശേഷമാണ് ഈ നിയന്ത്രണങ്ങള്‍ നീക്കുന്നത്. വ്യോമയാന മന്ത്രാലയമാണ് ഇത് സംബന്ധിച്ച് തീരുമാനമെടുത്തത്. അന്താരാഷ്ട്ര യാത്രകള്‍ക്കായി ആരോഗ്യ മന്ത്രാലയം പുറപ്പെടുവിച്ചിട്ടുള്ള നിര്‍ദേശങ്ങള്‍ കര്‍ശനമായി പാലിക്കണമെന്നും വ്യോമയാന മന്ത്രാലയത്തിന്റെ ഉത്തരവില്‍ പറയുന്നു.