ലക്‌നൗ: രാഷ്ട്രീയ പാര്‍ട്ടികള്‍ പിന്തുണച്ചാല്‍ യുപി മുഖ്യമന്ത്രി യോഗി ആദിത്യനാഥിനെതിരെ മല്‍സരിക്കാന്‍ തയാറാണെന്ന് വ്യക്തമാക്കി ഡോ.കഫീല്‍ ഖാന്‍. ഗോരഖ്പുരില്‍ മല്‍സരിക്കാന്‍ ഒരുങ്ങുകയാണ് യോഗി. ഏത് പാര്‍ട്ടി ടിക്കറ്റ് തന്നാലും യോഗിക്കെതിരെ മല്‍സരിക്കുമെന്നും ഇതുമായി ബന്ധപ്പെട്ട ചര്‍ച്ചകള്‍ നടക്കുകയാണെന്നും അദ്ദേഹം പറഞ്ഞതായി പിടിഐ റിപ്പോര്‍ട്ട് ചെയ്യുന്നു. മാര്‍ച്ച് മൂന്നിനാണ് ഗോരഖ്പുരില്‍ തിരഞ്ഞെടുപ്പ് നടക്കുന്നത്. ഗോരഖ്പുരിലെ ബിആര്‍ഡി മെഡിക്കല്‍ കോളജില്‍ 2017ല്‍ ഓക്‌സിജന്‍ കിട്ടാതെ കുഞ്ഞുങ്ങള്‍ മരിച്ച സംഭവത്തില്‍ പ്രതി സ്ഥാനത്ത് യോഗി സര്‍ക്കാര്‍ നിര്‍ത്തിയത് കഫീല്‍ ഖാനെ ആയിരുന്നു. പിന്നീട് സര്‍വീസില്‍ നിന്ന് അദ്ദേഹത്തെ പിരിച്ചുവിട്ടിരുന്നു. …

ന്യൂഡല്‍ഹി: സര്‍ക്കാര്‍ ഉടമസ്ഥതയിലുള്ള എയര്‍ ഇന്ത്യയെ വ്യാഴാഴ്ച ടാറ്റ ഗ്രൂപ്പിന് കൈമാറും. ഇതോടെ എയര്‍ ഇന്ത്യ സ്വകാര്യ മേഖലയിലെ വിമാന സര്‍വീസായി മാറും. നടപടി ക്രമങ്ങള്‍ പൂര്‍ത്തിയാകുന്നതോടെ എയര്‍ ഇന്ത്യ, എയര്‍ ഇന്ത്യ എക്സ്പ്രസ് എന്നീ എയര്‍ലൈനുകള്‍ ടാറ്റയുടെതാകും. 18,000 കോടി രൂപയ്ക്കാണ് ടാറ്റ ഗ്രൂപ്പ് എയര്‍ ഇന്ത്യയെ സ്വന്തമാക്കിയത്. എയര്‍ ഇന്ത്യ, എയര്‍ ഇന്ത്യ എക്സ്പ്രസ് വിമാന സര്‍വീസുകളുടെ മുഴുവന്‍ ഓഹരിയും എയര്‍ ഇന്ത്യയുടെ കാര്‍ഗോ വിഭാഗമായ സാറ്റ്സിന്റെ 50 ശതമാനം ഓഹരിയുമാണ് ടാറ്റയ്ക്ക് ലഭിക്കുക. കമ്പനിയുടെ അന്തിമ വരവ് ചെലവ് കണക്ക് …

ന്യൂഡല്‍ഹി: കോവിഡ് മൂന്നാം തരംഗത്തിനിടെ 73-ാം റിപ്പബ്ലിക് ദിനാഘോഷത്തില്‍ രാജ്യം. സ്വാതന്ത്ര്യത്തിന്റെ 75-ാം വാര്‍ഷികത്തിന്റെ ഭാഗമായ അമൃത് മഹോത്സവത്തിനിടെയാണ് 73-ാം റിപ്പബ്ലിക് ദിനമെത്തുന്നതെന്ന പ്രത്യേകതയുണ്ട്. ദേശീയ യുദ്ധസ്മാരകത്തില്‍ പ്രധാനമന്ത്രി നരേന്ദ്ര മോദി ആദരമര്‍പ്പിക്കുന്നതോടെ ആഘോഷങ്ങള്‍ തുടങ്ങും. രാവിലെ 10.30നാണ് റിപ്പബ്ലിക് ദിന പരേഡ്. ഇത്തവണ വിശിഷ്ടാതിഥിയില്ല. ലഫ്റ്റനന്റ് ജനറല്‍ വിജയ് കുമാര്‍ മിശ്രയാണ് പരേഡ് കമാന്‍ഡര്‍. 24,000 പേര്‍ക്കാണ് പരേഡ് കാണാന്‍ അനുമതിയുള്ളത്. 25 നിശ്ചല ദൃശ്യങ്ങള്‍ പരേഡില്‍ അണിനിരക്കും. 75 വിമാനങ്ങളുടെ ഫ്‌ലൈ പാസ്റ്റും നടക്കും. സംസ്ഥാനത്തെ റിപ്പബ്ലിക് ദിനാഘോഷങ്ങള്‍ക്ക് സെന്‍ട്രല്‍ സ്റ്റേഡിയത്തില്‍ …

ന്യൂഡല്‍ഹി: 2022 ലെ പത്മ പുരസ്‌കാരങ്ങള്‍ പ്രഖ്യാപിച്ചു. അന്തരിച്ച സംയുക്ത സൈനിക മേധാവി ജനറല്‍ ബിപിന്‍ റാവത്തിന് മരണാനന്തര ബഹുമതിയായി പത്മവിഭൂഷണ്‍ ലഭിച്ചു. യുപി മുന്‍ മുഖ്യമന്ത്രിയും ബിജെപി നേതാവുമായിരുന്ന കല്യാണ്‍ സിങ്ങിനും യുപിയിലെ സാഹിത്യകാരന്‍ രാധേശ്യാം ഖേംകെയ്ക്കും മരണാനന്തര ബഹുമതിയായി പത്മവിഭൂഷണ്‍ ലഭിച്ചു. മഹാരാഷ്ട്രയില്‍ നിന്നുള്ള പ്രഭാ അത്രേയും (കലാരംഗം) പത്മവിഭൂഷണ്‍ നേടി. ജമ്മു കശ്മീര്‍ മുന്‍ മുഖ്യമന്ത്രിയും കോണ്‍ഗ്രസ് നേതാവുമായ ഗുലാം നബി ആസാദ്, ബംഗാള്‍ മുന്‍ മുഖ്യമന്ത്രിയും സിപിഎം നേതാവുമായ ബുദ്ധദേവ് ഭട്ടാചാര്യ ഉള്‍പ്പെടെ 17 പേര്‍ക്ക് പത്മഭൂഷണ്‍ ലഭിച്ചു. …

ന്യൂഡല്‍ഹി: നടിയെ ആക്രമിച്ച കേസില്‍ സുപ്രീം കോടതിയെ സമീപിച്ച് നടന്‍ ദിലീപ്. വിചാരണ നീട്ടരുതെന്ന് ആവശ്യപ്പെട്ടാണ് സുപ്രീം കോടതിയെ സമീപിച്ചിരിക്കുന്നത്. വിചാരണക്കോടതി ജഡ്ജിയെ മാറ്റാനാണ് സര്‍ക്കാര്‍ കൂടുതല്‍ സമയം തേടുന്നത്. കേസില്‍ തുടരന്വേഷണത്തിന്റെ ആവശ്യമില്ലെന്നും ദിലീപ് അറിയിച്ചു. സുപ്രീം കോടതിയില്‍ സമര്‍പ്പിച്ച എതിര്‍ സത്യവാങ്മൂലത്തിലാണ് ഇക്കാര്യം അറിയിച്ചത്. നേരത്തെ സംസ്ഥാന സര്‍ക്കാര്‍ വിചാരണ നീട്ടണമെന്ന് ആവശ്യപ്പെട്ട് സുപ്രീം കോടതിയില്‍ അപേക്ഷ സമര്‍പ്പിച്ചിരുന്നു. സുപ്രീം കോടതി അനുവദിച്ച വിചരണക്കാലാവധി അടുത്തമാസം അവസാനിക്കും. വിചാരണക്കാലാവധി രണ്ടു മൂന്നു തവണ നീട്ടി നില്‍കിയിരുന്നു. ഇനിയും നീട്ടി നല്‍കാന്‍ കഴിയില്ലെന്ന് …

രാജ്യത്തെ മുന്‍നിര ടെലികോം സേവനദാതാക്കളായ വോഡഫോണ്‍ ഐഡിയ വന്‍ പ്രതിസന്ധിയിലൂടെയാണ് കടന്നു പോകുന്നത്. നടപ്പ് സാമ്പത്തിക വര്‍ഷത്തെ മൂന്നാം പാദത്തിലെ കണക്കുകള്‍ പ്രകാരം വോഡഫോണ്‍ ഐഡിയയുടെ ഏകീകൃത നഷ്ടം 7,230.9 കോടി രൂപയാണ്. കഴിഞ്ഞ വര്‍ഷം ഇതേസമയത്ത് കമ്പനിയുടെ നഷ്ടം 4,532.1 കോടി രൂപയായിരുന്നു. മൂന്നാം പാദത്തിലെ കമ്പനിയുടെ ഏകീകൃത വരുമാനം 10.8 ശതമാനം ഇടിഞ്ഞ് രൂപ 9,717.3 കോടി രൂപയായി. മുന്‍ വര്‍ഷം ഇതേ കാലയളവില്‍ ഇത് 10,894.1 കോടി രൂപയായിരുന്നു. തുടര്‍ച്ചയായി നിരക്കുകള്‍ വര്‍ധിപ്പിച്ചിട്ടും സാമ്പത്തിക പ്രതിസന്ധി നേരിടുന്ന വോഡഫോണ്‍ ഐഡിയക്ക് …

ന്യൂഡല്‍ഹി: ട്രെയിനുകളില്‍ ഇനി രാത്രി ‘കൂര്‍ക്കംവലി’യല്ലാതെ മറ്റു ബഹളങ്ങള്‍ നടപ്പില്ല. രാത്രി 10 മുതല്‍ രാവിലെ 6 വരെ ഉച്ചത്തില്‍ പാട്ടുവയ്ക്കുന്നതും ഫോണില്‍ ഉറക്കെ സംസാരിക്കുന്നതും കൂട്ടംകൂടി സംസാരിക്കുന്നതും വിലക്കി റെയില്‍വേ ഉത്തരവിറക്കി. ലംഘിക്കുന്നവര്‍ക്കെതിരെ നടപടി കൈക്കൊള്ളും. കംപാര്‍ട്‌മെന്റുകളിലെ പ്ലഗ് പോയിന്റുകള്‍ രാത്രി 10 മുതല്‍ രാവിലെ 6 വരെ പ്രവര്‍ത്തനരഹിതമാണെന്ന് ഉറപ്പാക്കും. രാത്രി ഇയര്‍ഫോണില്‍ പാട്ടു കേള്‍ക്കുന്നതിനു തടസ്സമില്ല. രാത്രി വൈകിയുമുള്ള ബഹളം സംബന്ധിച്ച് ഒട്ടേറെ പരാതികള്‍ ലഭിച്ച പശ്ചാത്തലത്തിലാണു നടപടി. റെയില്‍വേ പൊലീസും ടിടിഇമാരും മറ്റു ജീവനക്കാരും യാത്രക്കാരെ ബോധവല്‍ക്കരിക്കും. യാത്രക്കാരെ …

ന്യൂഡല്‍ഹി: അഞ്ചുവയസ്സിനുതാഴെയുള്ള കുട്ടികള്‍ക്ക് മുഖാവരണം വേണ്ടെന്ന് കേന്ദ്ര ആരോഗ്യമന്ത്രാലയം. 18 വയസ്സിനുതാഴെയുള്ളവരുടെ കോവിഡ് ചികിത്സയുമായി ബന്ധപ്പെട്ട പുതുക്കിയ മാര്‍ഗരേഖയിലാണ് നിര്‍ദേശം. ആറിനും 11-നും ഇടയില്‍ പ്രായമുള്ളവര്‍ക്ക് ആവശ്യമെങ്കില്‍ അച്ഛനമ്മമാരുടെ നിരീക്ഷണത്തില്‍ സുരക്ഷിതമായി മുഖാവരണം ധരിക്കാം. 12 വയസ്സിനുമുകളിലുള്ളവര്‍ നിര്‍ബന്ധമായും ധരിച്ചിരിക്കണം. ഗുരുതരാവസ്ഥയുള്ള കുട്ടികളില്‍ മാത്രമേ ആന്റിവൈറല്‍, സ്റ്റിറോയ്ഡ്, മോണോക്ലോണല്‍ ആന്റിബോഡികള്‍ തുടങ്ങിയവ ഉപയോഗിക്കാവൂ. പത്തുമുതല്‍ 14വരെ ദിവസങ്ങളുടെ ഇടവേളയില്‍ മരുന്നിന്റെ അളവ് കുറയ്ക്കണം. കാര്യമായ കോവിഡ് ലക്ഷണങ്ങളില്ലെങ്കില്‍ ആദ്യ ആര്‍.എ.ടി. അല്ലെങ്കില്‍ ആര്‍.ടി.പി.സി.ആര്‍. പരിശോധനയല്ലാതെ മറ്റുപരിശോധനകള്‍ വേണ്ടാ. അച്ഛനമ്മമാരുടെ കര്‍ശനനിരീക്ഷണത്തില്‍ വീട്ടില്‍ക്കഴിഞ്ഞാല്‍ മതി. പ്രത്യേകിച്ച് …

കൊച്ചി: സില്‍വര്‍ ലൈന്‍ പദ്ധതിക്ക് അനുമതി നല്‍കുന്നതില്‍ തീരുമാനം എടുത്തിട്ടില്ലെന്ന് കേന്ദ്രസര്‍ക്കാര്‍ ഹൈക്കോടതിയില്‍ അറിയിച്ചു. ഡിപിആര്‍ പരിശോധിച്ചു കൊണ്ടിരിക്കുകയാണ്. നീതി ആയോഗ് അടക്കം ഡിപിആര്‍ പരിശോധിക്കും. അതിനുശേഷമേ അനുമതിയുടെ കാര്യത്തില്‍ തീരുമാനമെടുക്കൂ എന്നും കേന്ദ്രസര്‍ക്കാര്‍ കോടതിയെ അറിയിച്ചു. അതേസമയം സര്‍വേയ്ക്കായി കേന്ദ്രസര്‍ക്കാര്‍ തത്വത്തില്‍ അംഗീകാരം നല്‍കിയിട്ടുണ്ടെന്ന് സംസ്ഥാനസര്‍ക്കാര്‍ വ്യക്തമാക്കി. സില്‍വര്‍ലൈന്‍ പദ്ധതിക്കായി ഭൂമി ഏറ്റെടുക്കുന്നതിനെതിരെയുള്ള ഹര്‍ജികള്‍ പരിഗണിക്കുമ്ബോഴായിരുന്നു കേന്ദ്രം നിലപാട് അറിയിച്ചത്. സില്‍വര്‍ ലൈന്‍ പദ്ധതി സംബന്ധിച്ച് സംസ്ഥാനസര്‍ക്കാരിനോട് ഇന്നും കോടതി നിരവധി ചോദ്യങ്ങള്‍ ഉന്നയിച്ചു. ഡിപിആര്‍ തയ്യാറാക്കും മുമ്ബ് സ്വീകരിച്ച നടപടികള്‍ അറിയിക്കണമെന്ന് …

ന്യൂഡല്‍ഹി: അതിര്‍ത്തിയില്‍ ചൈനയുടെ ഭീഷണി ഒഴിഞ്ഞിട്ടില്ലെന്നും ചൈനീസ് പട്ടാളത്തെ ശക്തമായി നേരിടുമെന്നും കരസേനാ മേധാവി ജനറല്‍ എം.എം. നരവണെ. സേനാ ദിനത്തിനു മുന്നോടിയായി ബുധനാഴ്ച വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. അതിര്‍ത്തിയിലെ സംഘര്‍ഷത്തിന് അയവു വരുത്താന്‍ ചൈനയുമായി ചര്‍ച്ച നടത്തുമ്പോഴും ഏറ്റുമുട്ടലിനുള്ള സന്നാഹങ്ങളൊരുക്കലും തുടരുന്നുണ്ട്. അതിര്‍ത്തിയിലെ അടിസ്ഥാന സൗകര്യ വികസനവും നടക്കുന്നുണ്ട്. ഏതു വെല്ലുവിളിയും നേരിടാന്‍ സേന സജ്ജമാണെന്നും അദ്ദേഹം കൂട്ടിച്ചേര്‍ത്തു. ഡിസംബര്‍ നാലിനുണ്ടായ നാഗാലാന്‍ഡ് വെടിവെപ്പിനെക്കുറിച്ചുള്ള സൈന്യത്തിന്റെ അന്വേഷണ റിപ്പോര്‍ട്ട് ഒന്നു രണ്ടു ദിവസത്തിനുള്ളില്‍ പുറത്തു വരുമെന്ന് പ്രതീക്ഷിക്കുന്നതായി അദ്ദേഹം പറഞ്ഞു. റിപ്പോര്‍ട്ടിന്റെ …