ന്യൂഡല്‍ഹി: രാജ്യത്ത് വര്‍ധിച്ചുവരുന്ന ആള്‍ക്കൂട്ട കൊലപാതകങ്ങളില്‍ കേന്ദ്രസര്‍ക്കാരിനെയും പ്രധാനമന്ത്രി നരേന്ദ മോദിയെയും വിമര്‍ശിച്ച് കോണ്‍ഗ്രസ് എംപി രാഹുല്‍ ഗാന്ധി. ‘2014 വരെ ‘ലിഞ്ചിങ്’ (ആള്‍ക്കൂട്ട കൊലപാതകം) എന്ന വാക്ക് കേള്‍ക്കാന്‍ പോലും ഇല്ലായിരുന്നു, നന്ദി മോദിജി’ എന്നായിരുന്നു ട്വിറ്ററില്‍ രാഹുലിന്റെ പരിഹാസം. ട്വീറ്റിനെതിരെ ബിജെപി രംഗത്തെത്തി. 2014 से पहले ‘लिंचिंग’ शब्द सुनने में भी नहीं आता था। Before 2014, the word ‘lynching’ was practically unheard of. #ThankYouModiJi — Rahul Gandhi (@RahulGandhi) December 21, …

ലഖ്നൗ: വനിതാക്ഷേമത്തിനായുള്ള തന്റെ സര്‍ക്കാരിന്റെ സംഭാവനകള്‍ ഉയര്‍ത്തിക്കാണിച്ചും സ്ത്രീകളുടെ വിവാഹപ്രായം 21-ആക്കി ഉയര്‍ത്തുന്നതിനെ ന്യായീകരിച്ചും പ്രധാനമന്ത്രി നരേന്ദ്ര മോദി. ഉത്തര്‍ പ്രദേശിലെ പ്രയാഗ്രാജില്‍ സര്‍ക്കാര്‍ പരിപാടിയില്‍ സംസാരിക്കുകയായിരുന്നു അദ്ദേഹം. രണ്ടുലക്ഷത്തിലധികം വനിതകള്‍ ഈ പരിപാടിയില്‍ പങ്കെടുത്തതായാണ് റിപ്പോര്‍ട്ട്. കേന്ദ്രസര്‍ക്കാരിന്റേത് നിര്‍ണായക ചുവടുവെപ്പാണ്. മുന്‍പ് സ്ത്രീകളുടെ വിവാഹപ്രായം 18 വയസ്സായിരുന്നു. എന്നാല്‍ പെണ്‍കുട്ടികള്‍ക്ക് പഠനത്തിന് കൂടുതല്‍ സമയം ആവശ്യമുണ്ട്. അതിനാലാണ് ഞങ്ങള്‍ വിവാഹപ്രായം 21 ആക്കി ഉയര്‍ത്തുന്നത്,മോദി പറഞ്ഞു. വിവാഹപ്രായം ഉയര്‍ത്തുന്നതിനെ ചിലര്‍ എതിര്‍ക്കുന്നത് സ്ത്രീകള്‍ കാണുന്നുണ്ടെന്നും ഒരു പാര്‍ട്ടിയുടെയും പേരു പരാമര്‍ശിക്കാതെ മോദി കൂട്ടിച്ചേര്‍ത്തു. …

ന്യൂഡല്‍ഹി: രാജ്യത്തെ പുതിയ ഐടി ചട്ടപ്രകാരം, കശ്മീരുമായി ബന്ധപ്പെട്ടു പ്രവര്‍ത്തിക്കുന്ന 2 വെബ്‌സൈറ്റുകളും 20 യുട്യൂബ് ചാനലുകളും നിരോധിക്കാന്‍ കേന്ദ്ര സര്‍ക്കാര്‍ ഉത്തരവ്. പാക്കിസ്ഥാനില്‍നിന്നുള്ള നെറ്റ്വര്‍ക്കുമായി ബന്ധപ്പെട്ടാണ് ഈ യുട്യൂബ് ചാനലുകളും വെബ്‌സൈറ്റുകളും പ്രവര്‍ത്തിക്കുന്നതെന്നു കേന്ദ്ര ഐടി മന്ത്രാലയം അറിയിച്ചു. കശ്മീര്‍, ഇന്ത്യന്‍ സേന, ഇന്ത്യയിലെ ന്യൂനപക്ഷങ്ങള്‍, സംയുക്ത സേനാ മേധാവി ജനറല്‍ ബിപിന്‍ റാവത്ത് തുടങ്ങിയ വിഷയങ്ങളില്‍ രാജ്യത്തെ ഭിന്നിപ്പിക്കുന്ന തരത്തിലുള്ള ഉള്ളടക്കം പ്രക്ഷേപണം ചെയ്തതായി കണ്ടെത്തിയതോടെയാണു നടപടിയെന്നാണു വിശദീകരണം.പാക്കിസ്ഥാനില്‍നിന്നു പ്രവര്‍ത്തിക്കുന്ന നയാ പാക്കിസ്ഥാന്‍ ഗ്രൂപ്പിനു (എന്‍പിജി) കീഴിലുള്ള യുട്യൂബ് ചാനലുകളും നിരോധിച്ചു. …

കൊച്ചി: കോവിഡ് വാക്‌സിനേഷന്‍ സര്‍ട്ടിഫിക്കറ്റില്‍ നിന്ന് പ്രധാനമന്ത്രി നരേന്ദ്ര മോദിയുടെ ചിത്രം നീക്കം ചെയ്യണമെന്നാവശ്യപ്പെട്ട് നല്‍കിയ ഹര്‍ജി ഹൈക്കോടതി ചെലവോടെ തള്ളി. തീര്‍ത്തും ബാലിശമായ ഹര്‍ജിക്ക് പിന്നില്‍ രാഷ്ട്രീയ താല്‍പ്പര്യമുണ്ടെന്നും ഹര്‍ജിക്കാരനില്‍ നിന്ന് 1 ലക്ഷം രൂപ പിഴ ഈടാക്കാനും കോടതി ഉത്തരവിട്ടു. ഹര്‍ജിക്ക് പിന്നില്‍ പൊതുതാല്‍പ്പര്യമല്ല, പ്രശസ്തി താല്‍പ്പര്യമാണെന്നും കോടതി വിമര്‍ശിച്ചു. ഒരു ലക്ഷം എന്നത് ഒരു വലിയ തുകയാണെന്ന് അറിയാം, എന്നാല്‍ ഇത്തരത്തിലുള്ള ബാലിശമായ ഹര്‍ജികളെ ഒഴിവാക്കാന്‍ ഇതാവശ്യമാണെന്ന് സിംഗിള്‍ ബെഞ്ച് ചൂണ്ടിക്കാട്ടി. തുക ആറ് മാസത്തിനുള്ളില്‍ സംസ്ഥാന ലീഗല്‍ സര്‍വീസ് …

ചെന്നൈ: ആര്‍ടിപിസിആര്‍ പരിശോധനയുടെ പേരില്‍ തന്നെയും കുടുംബത്തെയും ചെന്നൈ വിമാനത്താവളത്തില്‍ വിമാനക്കമ്പനി വലച്ചെന്നു മന്ത്രി ആന്റണി രാജു വെളിപ്പെടുത്തി. മണിക്കൂറുകള്‍ നീണ്ട അനിശ്ചിതത്വത്തിനൊടുവില്‍ കേരളത്തിലെയും തമിഴ്‌നാട്ടിലെയും ഉയര്‍ന്ന സര്‍ക്കാര്‍ പ്രതിനിധികളടക്കം ഇടപെട്ടാണു പ്രശ്‌നം പരിഹരിച്ചതെന്നും മന്ത്രി ‘മനോരമ’യോടു പറഞ്ഞു. പ്രശ്‌നം സൃഷ്ടിച്ച സ്‌പൈസ് ജെറ്റ് അധികൃതര്‍ക്കെതിരെ എയര്‍ പോര്‍ട്ട് അതോറിറ്റി ഓഫ് ഇന്ത്യയ്ക്കു പരാതി നല്‍കുമെന്നും ആന്റണി രാജു പറഞ്ഞു. സംഭവത്തെപ്പറ്റി മന്ത്രി പറയുന്നത്: പോര്‍ട്ട് ബ്ലെയറിലേക്കു പോകാന്‍ ഇന്നലെ പുലര്‍ച്ചെ അഞ്ചിനാണു കുടുംബത്തിനൊപ്പം എത്തിയത്. രണ്ടു ഡോസ് കോവിഡ് വാക്‌സീന്‍ എടുത്ത രേഖകളുണ്ടായിട്ടും …

ചെന്നൈ: ചെന്നൈയിലെ ഐ ഫോണ്‍ നിര്‍മ്മാണ ഫാക്ടറിയായ ഫോക്‌സ്‌കോണ്‍ ഇന്ത്യയില്‍ ഉണ്ടായ ഭക്ഷ്യവിഷബാധയില്‍ 150-ലേറെ പേരെ ആശുപത്രിയില്‍ പ്രവേശിപ്പിച്ചതായി റിപ്പോര്‍ട്ട്. സംഭവത്തിന് പിന്നാലെ ജീവനക്കാരും ബന്ധുക്കളും ചേര്‍ന്ന് റോഡ് ഉപരോധിക്കുകയും വലിയ പ്രതിഷേധങ്ങള്‍ക്ക് തുടക്കമിടുകയും ചെയ്തിരിക്കുകയാണ്. പ്രതിഷേധിച്ച നിരവധി പേരെ കസ്റ്റഡിയിലെടുത്തതായി പോലീസ് ഉദ്യോഗസ്ഥനെ ഉദ്ധരിച്ച് എന്‍ഡിടിവി റിപ്പോര്‍ട്ട് ചെയ്യുന്നു. ചെന്നൈ – ബംഗളൂരു ദേശീയ പാതയാണ് നിര്‍മ്മാണ കമ്പനിയിലെ ജോലിക്കാര്‍ ഉപരോധിച്ചത്.70-ഓളം സ്ത്രീകളേയും 22-ഓളം പുരുഷന്മാരേയും ശനിയാഴ്ച പോലീസ് കസ്റ്റഡിയിലെടുത്തതായാണ് ഉദ്യോഗസ്ഥര്‍ വ്യക്തമാക്കുന്നത്. കമ്പനിയില്‍ ഇരുപതിനായിരത്തോളം തൊഴിലാളികളുണ്ട്. ഇതില്‍ ഭൂരിഭാഗം പേരും സ്ത്രീകളാണ്. …

പനജി: 451 വര്‍ഷം നീണ്ട പോര്‍ച്ചുഗീസ് അധിനിവേശത്തിന് അന്ത്യം കുറിച്ച് ഗോവ സ്വാതന്ത്ര്യത്തിന്റെ പതാക ഉയര്‍ത്തിയിട്ട് ഇന്ന് 60 വര്‍ഷം. 1961 ലാണ് ഗോവയുടെ മോചനത്തിന് ‘ഓപ്പറേഷന്‍ വിജയ്’ എന്ന പേരില്‍ ഇന്ത്യ പടനീക്കം നടത്തിയത്. കര, നാവിക, വ്യോമ സേനകള്‍ പങ്കെടുത്ത 36 മണിക്കൂര്‍ നീണ്ട ദൗത്യത്തിനൊടുവില്‍ ഗോവയിലെ പോര്‍ച്ചുഗീസ് ഗവര്‍ണര്‍ ജനറല്‍ ആയിരുന്ന മാനുവല്‍ അന്റോണിയോ വസാലിയോ ഇ സില്‍വ ഡിസംബര്‍ 19ന് കീഴടങ്ങല്‍ ഉടമ്പടിയില്‍ ഒപ്പിട്ടു. ഗോവയ്‌ക്കൊപ്പം ദാമന്‍, ദിയു എന്നീ പ്രദേശങ്ങളും പോര്‍ച്ചുഗീസുകാരില്‍ നിന്ന് മോചിപ്പിച്ചു. 5 മാസം …

ന്യൂഡല്‍ഹി: വോട്ടര്‍ പട്ടികയിലെ പേര് ആധാര്‍ നമ്പറുമായി ബന്ധിപ്പിക്കാനുള്ള നിയമഭേദഗതി ബില്‍ തിങ്കളാഴ്ച ലോക്‌സഭയില്‍ അവതരിപ്പിക്കും. വോട്ടര്‍പട്ടികയില്‍ പേരുചേര്‍ക്കാന്‍ വര്‍ഷത്തില്‍ നാലു തവണ അവസരം നല്‍കാനും ബില്‍ വ്യവസ്ഥ ചെയ്യുന്നു. ബില്ലിന്റെ പകര്‍പ്പ് എംപിമാര്‍ക്ക് വിതരണം ചെയ്തു. കള്ളവോട്ട്, ഇരട്ടവോട്ട് എന്നിവ തടയാന്‍ ലക്ഷ്യമിട്ടാണ് വോട്ടര്‍ പട്ടികയിലെ പേരും ആധാര്‍ നമ്പറും ബന്ധിപ്പിക്കുന്നത്. തിരഞ്ഞെടുപ്പ് കമ്മിഷന്‍ നേരത്തേ ഇതിനായി നടപടി എടുത്തിരുന്നെങ്കിലും നിയമത്തിന്റെ പിന്‍ബലം വേണമെന്ന് സുപ്രീംകോടതി നിര്‍ദേശിച്ചിരുന്നു. ജനപ്രാതിനിധ്യ നിയമത്തിലാണ് മാറ്റം വരുത്തുന്നത്. നിയമ ഭേദഗതിക്കുശേഷം, വോട്ടര്‍ പട്ടികയില്‍ നിലവില്‍ േപരുള്ളവരും പുതുതായി …

ന്യൂഡല്‍ഹി: കോണ്‍ഗ്രസുമായി ദേശീയതലത്തില്‍ സഖ്യം വേണ്ടെന്ന് സിപിഎം. നിലവിലെ രാഷ്ട്രീയ നിലപാട് തുടരാനാണു പിബി തീരുമാനം. കോണ്‍ഗ്രസിന് മൃദു ഹിന്ദുത്വ നിലപാടാണ്. ബിജെപിയെ ഫലപ്രദമായി നേരിടുന്നത് പ്രാദേശിക പാര്‍ട്ടികളെന്നും യോഗം വിലയിരുത്തി. വരാനിരിക്കുന്ന നിയമസഭാ തിരഞ്ഞെടുപ്പുകളില്‍ കോണ്‍ഗ്രസുമായി കൂട്ടുകെട്ട് വേണ്ടെന്നു സിപിഎം നേരത്തേ തീരുമാനിച്ചിരുന്നു. യുപി, ഉത്തരാഖണ്ഡ്, പഞ്ചാബ്, മണിപ്പുര്‍, ഗോവ എന്നിവിടങ്ങളിലെ നിയമസഭാ തിരഞ്ഞെടുപ്പുകളില്‍ ഇടതുകക്ഷികള്‍ ഒന്നിച്ചു മത്സരിക്കും. ഇവിടങ്ങളില്‍ പ്രാദേശിക കക്ഷികളുമായി സഖ്യമുണ്ടാക്കും. തമിഴ്‌നാട് മാതൃകയില്‍, പ്രാദേശിക പാര്‍ട്ടികള്‍ നേതൃത്വം നല്‍കുന്ന, കോണ്‍ഗ്രസ് പങ്കാളിയായ മുന്നണിയുടെ ഭാഗമാകുന്നതിനു തടസ്സമില്ല. സംസ്ഥാന ഘടകങ്ങള്‍ക്ക് …

ലഖ്നൗ: നിയമസഭാ തിരഞ്ഞെടുപ്പ് ആസന്നമായതോടെ ഉത്തര്‍പ്രദേശില്‍ രാഷ്ട്രീയ പോര്‍ക്കളം സജീവമായി. പ്രധാനമന്ത്രി നരേന്ദ്ര മോദി ഷാജഹാന്‍പുരിലും കോണ്‍ഗ്രസ് നേതാക്കളായ രാഹുലും പ്രിയങ്കയും അമേഠിയിലും അഖിലേഷ് യാദവ് റായ്ബറേലിയിലും ശനിയാഴ്ച പൊതുപരിപാടികളില്‍ സംബന്ധിക്കുന്നുണ്ട്. ഒപ്പം അഖിലേഷ് യാദവിന്റെ അടുത്ത അനുയായികളുടെ വീടുകളില്‍ ആദായനികുതി വകുപ്പ് റെയ്ഡും കൂടി ആയതോടെ തിരഞ്ഞെടുപ്പ് രംഗം ചൂടുപിടിച്ചു. 594 കിലോമീറ്റര്‍ ദൈര്‍ഘ്യമുള്ള ഗംഗ എക്സ്പ്രസ് വേയുടെ തറക്കല്ലിടല്‍ ചടങ്ങിനായിട്ടാണ് പ്രധാനമന്ത്രി നരേന്ദ്ര മോദി യുപിയിലെ ഷാജഹാന്‍പുരിലെത്തിയത്. 36,230 കോടി രൂപ ചെലവ് വരുന്ന ആറ് വരിപാത ഉത്തര്‍പ്രദേശിലെ ഏറ്റവും വലിയ …