ന്യൂഡല്‍ഹി: 81.5 കോടി ഇന്ത്യക്കാരുടെ ആധാര്‍ അടക്കമുള്ള വിവരങ്ങള്‍ ഡാര്‍ക് വെബില്‍ വില്‍പനയ്ക്കു വച്ചിരുന്നതായി യുഎസ് സൈബര്‍ സുരക്ഷാ ഏജന്‍സിയായ റീസെക്യൂരിറ്റിയുടെ റിപ്പോര്‍ട്ട്. ‘pwn0001’ എന്ന പേരിലുള്ള ‘എക്‌സ്’ (പഴയ ട്വിറ്റര്‍) പ്രൊഫൈലിലൂടെ ഇക്കാര്യം പരസ്യപ്പെടുത്തിയിരുന്നുവെന്നാണു റിപ്പോര്‍ട്ട്.പേര്, ആധാര്‍, പാസ്‌പോര്‍ട്ട് വിവരം, ഫോണ്‍ നമ്പര്‍, വിലാസം, പ്രായം, ജെന്‍ഡര്‍, രക്ഷിതാവിന്റെ പേര് എന്നിവയടക്കമുള്ള വിവരങ്ങള്‍ ഇതിലുണ്ടെന്നാണ് അവകാശവാദം. 80,000 യുഎസ് ഡോളറാണ് (ഏകദേശം 66.61 ലക്ഷം രൂപ) ഈ വിവരശേഖരത്തിനു വിലയിട്ടിരുന്നത്. കോവിഡ് പരിശോധനയുമായി ബന്ധപ്പെട്ട് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച് (ഐസിഎംആര്‍ …

ന്യൂഡല്‍ഹി: കളമശേരി സ്‌ഫോടനത്തിന്റെ അന്വേഷണത്തില്‍ ഇടപെട്ട് കേന്ദ്രം. സംഭവത്തെക്കുറിച്ച് കേന്ദ്ര ആഭ്യന്തര മന്ത്രി അമിത് ഷാ വിവരങ്ങള്‍ ആരാഞ്ഞു. ഡല്‍ഹിയില്‍നിന്ന് എന്‍എസ്ജിയുടെയും എന്‍ഐഎയുടെയും ഉന്നത ഉദ്യോഗസ്ഥര്‍ കളമശേരിയിലെത്തും. അഞ്ചംഗ സംഘമാണ് കളമശേരിയിലെത്തുകയെന്നാണ് വിവരം. പ്രഹര ശേഷികുറഞ്ഞ സ്‌ഫോടക വസ്തുക്കളുട സാന്നിധ്യം സ്ഥലത്തുണ്ടെന്നാണു പുറത്തുവരുന്ന റിപ്പോര്‍ട്ടുകള്‍. സംസ്ഥാനത്തെ എന്‍ഐഎ ഉദ്യോഗസ്ഥര്‍ സംഭവ സ്ഥലത്തെത്തിയിരുന്നു. ഭീകരാക്രമണ സാധ്യത അടക്കം പരിശോധിക്കാനാണ് കേന്ദ്രത്തിന്റെ നിര്‍ദേശം. ഇസ്രയേല്‍ – ഹമാസ് യുദ്ധവുമായി ബന്ധപ്പെട്ടു കേരളത്തില്‍നിന്നുണ്ടാകുന്ന പ്രതികരണങ്ങളുള്‍പ്പെടെ കേന്ദ്രം നിരീക്ഷിച്ചുവരികയായിരുന്നു. എല്ലാ സാധ്യതയും പരിശോധിക്കാന്‍ കേന്ദ്ര ആഭ്യന്തര മന്ത്രാലയം നിര്‍ദേശം നല്‍കി. …

ന്യൂഡല്‍ഹി: അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് തീയതികള്‍ കേന്ദ്ര തിരഞ്ഞെടുപ്പ് കമ്മിഷന്‍ പ്രഖ്യാപിച്ചു. മധ്യപ്രദേശ്, രാജസ്ഥാന്‍, മിസോറം, തെലങ്കാന, ഛത്തീസ്ഗഡ് എന്നിവിടങ്ങളിലാണ് തിരഞ്ഞെടുപ്പ്. മിസോറമില്‍ നവംബര്‍ ഏഴിന് വോട്ടെടുപ്പ് നടക്കും. ഛത്തീസ്ഗഡില്‍ രണ്ടു ഘട്ടങ്ങളായാണ് വോട്ടെടുപ്പ്. ഒന്നാം ഘട്ടം നവംബര്‍ ഏഴിനും രണ്ടാം ഘട്ടം നവംബര്‍ 17നും. മധ്യപ്രദേശില്‍ നവംബര്‍ 17നും രാജസ്ഥാനില്‍ നവംബര്‍ 23നും തെലങ്കാനയില്‍ നവംബര്‍ 30നുമാകും വോട്ടെടുപ്പ്. അഞ്ച് സംസ്ഥാനങ്ങളിലും ഡിസംബര്‍ മൂന്നിന് വോട്ടെണ്ണല്‍ നടത്തുമെന്നും തിരഞ്ഞെടുപ്പ് കമ്മിഷന്‍ അറിയിച്ചു. അഞ്ച് സംസ്ഥാനങ്ങളിലെ 679 മണ്ഡലങ്ങളിലായി 16.14 കോടി ജനങ്ങള്‍ …

പത്തനംതിട്ട: ചൈനയില്‍ നിന്ന് അനധികൃതമായി പണം സ്വീകരിച്ചുവെന്നതുള്‍പ്പെടെയുള്ള ആരോപണങ്ങള്‍ നേരിടുന്ന ഓണ്‍ലൈന്‍ വാര്‍ത്താ പോര്‍ട്ടലായ ന്യൂസ് ക്ലിക്ക് ജീവനക്കാരിയുടെ കൊടുമണിലെ വീട്ടില്‍ ഡല്‍ഹി പൊലീസ് റെയ്ഡ് നടത്തി. മൊബൈല്‍ ഫോണും ലാപ്ടോപ്പും കസ്റ്റഡിയിലെടുത്തു. ന്യൂസ് ക്ലിക്കില്‍ വീഡിയോഗ്രാഫറായ അനുഷയുടെ കൊടുമണ്‍ ഐക്കാട്ടുള്ള അമ്മയുടെ വീട്ടില്‍ ഇന്ന് വൈകിട്ടാണ് ഡല്‍ഹി പൊലീസ് സംഘം പരിശോധനയ്ക്ക് വന്നത്. ജില്ലാ പൊലീസ് മേധാവിയെയും കൊടുമണ്‍ പൊലീസിനെയും അറിയിച്ച ശേഷമാണ് ഇന്‍സ്പെക്ടര്‍ അടക്കം മൂന്നു പൊലീസ് ഉദ്യോഗസ്ഥര്‍ വന്നത്. അനുഷ വര്‍ഷങ്ങളായി ഡല്‍ഹിയില്‍ താമസിക്കുന്നയാളാണ്. ജനിച്ചതും വളര്‍ന്നതും ജോലി ചെയ്യുന്നതും …

ന്യൂഡല്‍ഹി: ആരോഗ്യമന്ത്രി വീണാ ജോര്‍ജിന്റെ ഓഫീസിന് നേരെ ഇയര്‍ന്നത് ഗുരുതരമായ അഴിമതി ആരോപണമെന്ന് കേന്ദ്രമന്ത്രി വി. മുരളീധരന്‍. മന്ത്രിസ്ഥാനത്ത് നിന്ന് മാറി നിന്ന് അന്വേഷണത്തെ നേരിടാനുള്ള രാഷ്ട്രീയ മര്യാദ വീണാ ജോര്‍ജ് കാണിക്കണമെന്ന് അദ്ദേഹം ആവശ്യപ്പെട്ടു. മാധ്യമപ്രവര്‍ത്തനകാലത്ത് ചോദ്യമായി ഉയര്‍ത്തിയ ധാര്‍മികതയെല്ലാം മന്ത്രി മറന്നോ എന്നും കേന്ദ്രമന്ത്രി ചോദിച്ചു. ആരോപണവിധേയനെ ന്യായീകരിക്കുകയാണ് മന്ത്രി ആദ്യംമുതലേ ചെയ്യുന്നത്. പരാതിക്കാരന്‍ ജോലിക്ക് പണം നല്‍കിയെന്ന് ആവര്‍ത്തിച്ച് പറയുമ്പോഴും ന്യായീകരണം തുടരുകയാണ്. സംരക്ഷണം നല്‍കിയില്ലെങ്കില്‍ കൂടുതല്‍ അഴിമതി മറനീക്കുമെന്ന ഭയമാണോ വീണാ ജോര്‍ജിനും കൂട്ടര്‍ക്കുമെന്നും വി. മുരളീധരന്‍ ചോദിച്ചു. …

തിരുവനന്തപുരം: കേരളത്തിനുള്ള രണ്ടാം വന്ദേഭാരത് ട്രെയിന്‍ കാസര്‍കോട് – തിരുവനന്തപുരം റൂട്ടില്‍ 24നു കാസര്‍കോട്ട് ഉദ്ഘാടനം ചെയ്യും. ആലപ്പുഴ വഴിയായിരിക്കും സര്‍വീസ്. രാവിലെ 7ന് കാസര്‍കോട്ടുനിന്നു പുറപ്പെടും. കണ്ണൂര്‍ (8.03), കോഴിക്കോട് (9.03), ഷൊര്‍ണൂര്‍ (10.03), തൃശൂര്‍ (10.38), എറണാകുളം (11.45), ആലപ്പുഴ (12.38), കൊല്ലം (ഉച്ചയ്ക്ക് 1.55), തിരുവനന്തപുരം (3.05). മടക്ക ട്രെയിന്‍ വൈകിട്ട് 4.05 ന് തിരുവനന്തപുരത്തു നിന്നു പുറപ്പെടും. കൊല്ലം (4.53), ആലപ്പുഴ (5.55), എറണാകുളം (6.35), തൃശൂര്‍ (രാത്രി 7.40), ഷൊര്‍ണൂര്‍ (8.15), കോഴിക്കോട് (9.16), കണ്ണൂര്‍ (10.16), …

ന്യൂഡല്‍ഹി: വനിതാ സംവരണ ബില്ലിന് അംഗീകാരം നല്‍കി കേന്ദ്ര മന്ത്രിസഭാ യോഗം. ലോക്‌സഭയിലും നിയമസഭകളിലും വനിതകള്‍ക്കു മൂന്നിലൊന്നു (33 ശതമാനം)സംവരണം ഉറപ്പാക്കുന്നതാണു ബില്‍. 2010 മാര്‍ച്ചില്‍ രാജ്യസഭ ബില്‍ പാസാക്കിയിരുന്നു. ‘ചരിത്രപരമായ തീരുമാനങ്ങള്‍’ ഉണ്ടാകുമെന്നു പ്രധാനമന്ത്രി നരേന്ദ്ര മോദി പ്രഖ്യാപിച്ചശേഷം ചേര്‍ന്ന മന്ത്രിസഭാ യോഗത്തിലാണു നിര്‍ണായക നീക്കം. മന്ത്രിസഭാ യോഗത്തിനു ശേഷം തീരുമാനങ്ങള്‍ മാധ്യമങ്ങളിലൂടെ അറിയിക്കുന്ന പതിവ് ഇത്തവണ ഉണ്ടായില്ല. അതിനാല്‍ വനിതാ സംവരണ ബില്‍ അടക്കമുള്ള കാര്യങ്ങളിലെ ഔദ്യോഗിക തീരുമാനം പുറത്തുവന്നിട്ടില്ലെന്നു ദേശീയ മാധ്യമങ്ങള്‍ പറയുന്നു. പ്രത്യേക പാര്‍ലമെന്റ് സമ്മേളനത്തില്‍ ബില്‍ അവതരിപ്പിക്കുമെന്നു …

മുംബൈ: വായ്പാ തിരിച്ചടവ് അവസാനിച്ചാല്‍ ആധാരം അടക്കമുള്ള, ഈടുവച്ച രേഖകള്‍ വായ്പയെടുത്തവര്‍ക്ക് വേഗത്തില്‍ തിരിച്ചുനല്‍കണമെന്ന നിര്‍ദേശം പുറത്തിറക്കി റിസര്‍വ് ബാങ്ക് ഓഫ് ഇന്ത്യ. സ്വത്തുക്കളുടെയും ഈടിന്റെയും രേഖകള്‍ ബാങ്കുകളും ബാങ്കിതര ധനകാര്യ സ്ഥാപനങ്ങളും (എന്‍ബിഎഫ്സി) മുപ്പത് ദിവസത്തിനകം തിരികെ നല്‍കണമെന്നാണ് ആര്‍ബിഐ ഉത്തരവിറക്കിയത്. തിരിച്ചുനല്‍കിയില്ലെങ്കില്‍ വൈകുന്ന ഓരോ ദിവസത്തിനും അയ്യായിരം രൂപ ഉപഭോക്താവിന് പിഴ നല്‍കേണ്ടി വരും. ഉപഭോക്താവിന്റെ ഹോം ബ്രാഞ്ചില്‍ നിന്നു മാത്രമല്ല, ഏതു ബ്രാഞ്ചില്‍ നിന്നും രേഖകള്‍ തിരികെ വാങ്ങാം. വായ്പ തിരിച്ചടച്ചു കഴിഞ്ഞാല്‍ എവിടെ നിന്നാണ് രേഖകള്‍ തിരിച്ചുവാങ്ങുന്നത് എന്ന് …

ന്യൂഡല്‍ഹി: പ്രതികളുടെയും ഇരകളുടെയും ബന്ധുക്കളുടെയും അവകാശം സംരക്ഷിക്കപ്പെടുന്ന റിപ്പോര്‍ട്ടിങ് ഉറപ്പാക്കുംവിധമാണു പൊലീസ് മാധ്യമങ്ങള്‍ക്കു വിവരം നല്‍കേണ്ടതെന്നു സുപ്രീം കോടതി ആഭ്യന്തര മന്ത്രാലയത്തോടു നിര്‍ദേശിച്ചു. കുറ്റകൃത്യങ്ങളുമായി ബന്ധപ്പെട്ട മാധ്യമ റിപ്പോര്‍ട്ടിങ്ങിനു വിവരം കൈമാറുന്നതില്‍ പൊലീസിനു പ്രത്യേക മാന്വല്‍ തയാറാക്കാന്‍ ആഭ്യന്തര മന്ത്രാലയത്തോടു നിര്‍ദേശിച്ചുകൊണ്ടാണു പരാമര്‍ശം. പത്ര-ദൃശ്യ-സമൂഹമാധ്യമങ്ങള്‍ക്കു മാന്വല്‍ ബാധകമാകും. മാധ്യമങ്ങള്‍ക്ക് അന്വേഷണത്തിന്റെ വിവരങ്ങള്‍ നല്‍കുമ്പോള്‍ അതു മാധ്യമ വിചാരണയ്ക്കു കാരണമാകരുതെന്നും കോടതി പറഞ്ഞു. പൊലീസ് മാധ്യമങ്ങള്‍ക്കു നല്‍കുന്ന വിവരങ്ങള്‍ ഊഹാപോഹങ്ങള്‍ അടിസ്ഥാനമാക്കിയുള്ള റിപ്പോര്‍ട്ടിങ്ങിനു കാരണമാകുന്നുവെന്നു സുപ്രീം കോടതി നിരീക്ഷിച്ചു. കുറ്റകൃത്യവുമായി ബന്ധപ്പെട്ട വിവരങ്ങള്‍ പൊലീസ് മാധ്യമങ്ങളെ …

ന്യൂഡല്‍ഹി: അടുത്ത വര്‍ഷം നടക്കുന്ന ലോക്‌സഭാ തിരഞ്ഞെടുപ്പില്‍ രാഹുല്‍ ഗാന്ധി കോണ്‍ഗ്രസിന്റെ പ്രധാനമന്ത്രി സ്ഥാനാര്‍ഥിയാകുമെന്ന പ്രഖ്യാപനത്തിനു പിന്നാലെ പ്രതിപക്ഷ ‘ഇന്ത്യ’ മുന്നണിയെ പരിഹസിച്ച് ബിജെപി. എക്‌സ് പ്ലാറ്റ്‌ഫോമിലെ (ട്വിറ്റര്‍) ഔദ്യോഗിക പേജില്‍ പങ്കുവച്ച കാര്‍ട്ടൂണിലൂടെയാണ് ബിജെപിയുടെ പരിഹാസം. രാഹുല്‍ ഗാന്ധി വിമാനം പറത്തുന്നതാണ് കാര്‍ട്ടൂണിലുള്ളത്. ‘പഴഞ്ചനായ പുതിയ ബ്രാന്‍ഡ്, ഹോട്ട് എയര്‍ ‘ഇന്ത്യ’, നിങ്ങളുടേത് ദുരന്തത്തിലേക്കുള്ള ടിക്കറ്റ്’ എന്ന അടിക്കുറിപ്പോടെയാണ് പോസ്റ്റ്. ലോക്‌സഭാ തിരഞ്ഞെടുപ്പില്‍ കോണ്‍ഗ്രസിന്റെ പ്രധാനമന്ത്രി സ്ഥാനാര്‍ഥി രാഹുല്‍ ഗാന്ധിയാണെന്ന് രാജസ്ഥാന്‍ മുഖ്യമന്ത്രി അശോക് ഗെലോട്ട് പറഞ്ഞതിനു പിന്നാലെയാണ് ബിജെപിയുടെ പോസ്റ്റ്. മാധ്യമ …