ഗ്ലാസ്‌ഗോ: 2070-ഓടെ ഇന്ത്യയുടെ കാര്‍ബണ്‍ പുറന്തള്ളല്‍ നെറ്റ് സീറോ (പുറന്തള്ളലും അന്തരീക്ഷത്തില്‍നിന്നുള്ള ഒഴിവാക്കലും സമമാക്കല്‍) ആക്കുമെന്ന് പ്രധാനമന്ത്രി നരേന്ദ്രമോദി സ്‌കോട്ലന്‍ഡിലെ ഗ്ലാസ്ഗോയില്‍ നടക്കുന്ന ആഗോള കാലാവസ്ഥാ ഉച്ചകോടിയില്‍ വ്യക്തമാക്കി. ഇതുള്‍പ്പെടെ അഞ്ച് അമൃതുകളാണ് ഇന്ത്യയുടേതായി തിങ്കളാഴ്ച അദ്ദേഹം മുന്നോട്ടുവെച്ചത്. 2030-ഓടെ 500 മെഗാവാട്ടിന്റെ ഫോസില്‍ ഇതര ഇന്ധനശേഷി കൈവരിക്കും, രാജ്യത്തെ ഫോസില്‍ ഇതര ഇന്ധനോപയോഗം ഇക്കാലയളവുകൊണ്ട് 50 ശതമാനമാക്കും, 20 കൊല്ലം കൊണ്ട് കാര്‍ബണ്‍ വാതക പുറന്തള്ളലില്‍ 100 കോടി ടണ്ണിന്റെ കുറവുവരുത്തും, സാമ്പത്തികവളര്‍ച്ചയ്ക്ക് കാര്‍ബണ്‍ ഇന്ധനങ്ങളെ ആശ്രയിക്കുന്നത് ഇക്കാലയളവുകൊണ്ട് 45 ശതമാനത്തില്‍ താഴെയാക്കും …

ഇടുക്കി: ജലനിരപ്പ് താഴ്ന്നില്ലെങ്കില്‍ മുല്ലപ്പെരിയാര്‍ ഡാം വെള്ളിയാഴ്ച തുറക്കും. രാവിലെ ഏഴ് മണിക്ക് ഡാം തുറക്കുമെന്നാണ് തമിഴ്നാട് സര്‍ക്കാര്‍ കേരളത്തെ അറിയിച്ചിരിക്കുന്നത്. ഡാം തുറക്കുന്നതിന് കേരളം സജ്ജമാണെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്‍ അറിയിച്ചു.ഡാം തുറക്കുന്നതിന് മുന്‍പായുള്ള മുന്നൊരുക്കങ്ങള്‍ കേരളം ഇതിനോടകം സ്വീകരിച്ചിട്ടുണ്ട്. അതുകൊണ്ടുതന്നെ ഇക്കാര്യത്തില്‍ സംസ്ഥാനം സജ്ജമാണ്. നിലവില്‍ 137.75 അടിയാണ് മുല്ലപ്പെരിയാറിലെ ജലനിരപ്പ്. സെക്കന്‍ഡില്‍ 3800 ഘനയടിയാണ് ഇപ്പോള്‍ ഒഴുകിയെത്തുന്ന ജലം. 2300 ഘനയടി ജലം തമിഴ്‌നാട് കൊണ്ടുപോകുന്നുണ്ടെന്നും റോഷി അഗസ്റ്റിന്‍ വ്യക്തമാക്കി.  

ന്യൂഡല്‍ഹി: ഇനിമുതല്‍ കോണ്‍ഗ്രസ് പാര്‍ട്ടിയില്‍ അംഗമാകണമെങ്കില്‍ മദ്യവും മയക്കുമരുന്നും വര്‍ജിക്കുമെന്നും പാര്‍ട്ടി നയങ്ങളെയും പരിപാടികളെയും പൊതുവേദിയില്‍ വിമര്‍ശിക്കില്ലെന്നും സത്യവാങ്മൂലം നല്‍കണം. മാത്രമല്ല, നിയമപ്രകാരം അനുവദനീയമായതിലും കൂടുതല്‍ വസ്തുവകകള്‍ സ്വന്തമായില്ലെന്നും പാര്‍ട്ടിയുടെ നയങ്ങളും പരിപാടികളും പ്രചരിപ്പിക്കാന്‍ കായികാധ്വാനവും ജോലിയും ചെയ്യാന്‍ മടിയില്ലെന്നും സത്യവാങ്മൂലത്തില്‍ വ്യക്തമാക്കണം. പാര്‍ട്ടിയുടെ പുതിയ അംഗത്വഫോമിലാണ് ഇക്കാര്യങ്ങളുള്ളത്. ഇവയുള്‍പ്പെടെ പത്തുകാര്യങ്ങളിലാണ് സത്യവാങ്മൂലം നല്‍കേണ്ടത്. നവംബര്‍ ഒന്നുമുതല്‍ അംഗത്വവിതരണം ആരംഭിക്കുകയാണ് കോണ്‍ഗ്രസ്. അടുത്തവര്‍ഷം മാര്‍ച്ച് 31 വരെ ഇത് നീളും.ഒരുതരം സമൂഹികവിവേചനത്തിലും ഏര്‍പ്പെടില്ലെന്നും അവ സമൂഹത്തില്‍നിന്ന് നിര്‍മാര്‍ജനം ചെയ്യാനായി പ്രവര്‍ത്തിക്കുമെന്നും പുതിയ അംഗങ്ങളെല്ലാം പ്രതിജ്ഞ …

ന്യൂഡല്‍ഹി: പ്രധാനമന്ത്രി നരേന്ദ്ര മോദി ഇന്ന് രാവിലെ 10 മണിക്ക് രാജ്യത്തെ അഭിസംബോധന ചെയ്യും. കോവിഡ് മഹാമാരിക്കെതിരായ പ്രതിരോധ കുത്തിവെപ്പെടുത്തവരുടെ എണ്ണം 100 കോടി പിന്നിട്ട് രാജ്യം ചരിത്രനേട്ടമുണ്ടാക്കിയതിന് പിന്നാലെയാണ് പ്രധാനമന്ത്രി അഭിസംബോധനക്കൊരുങ്ങുന്നത്. പ്രധാനമന്ത്രിയുടെ ഓഫീസാണ് ട്വിറ്ററിലൂടെ ഇക്കാര്യം അറിയിച്ചത്.എന്നാല്‍ ഏത് വിഷയത്തിലാണ് പ്രധാനമന്ത്രി രാജ്യത്തെ അഭിസംബോധന ചെയ്യുന്നതെന്ന് ഔദ്യോഗികമായി അറിയിച്ചിട്ടില്ല. നൂറുവര്‍ഷത്തിനിടെയുണ്ടായ ഏറ്റവുംവലിയ മഹാമാരിക്കെതിരേ ശക്തമായ സുരക്ഷാകവചമാണ് 100 കോടി പ്രതിരോധവാക്സിന്‍ നല്‍കിയതിലൂടെ രാജ്യം തീര്‍ത്തിരിക്കുന്നത്. വാക്സിന്‍ നിര്‍മാണക്കമ്പനികളുടെയും രാജ്യത്തിന്റെ വിവിധ ഭാഗങ്ങളില്‍ വാക്സിന്‍ എത്തിച്ചവരുടെയും സേവനം മറക്കാനാവില്ല. രാജ്യത്തെ ശാസ്ത്ര, സംരംഭക …

ന്യൂഡല്‍ഹി : കെപിസിസി ഭാരവാഹി പട്ടിക കോണ്‍ഗ്രസ് ദേശീയ നേതൃത്വം പ്രഖ്യാപിച്ചു. എഐസിസി ജനറല്‍ സെക്രട്ടറി കെ.സി.വേണുഗോപാല്‍ എംപിയാണ് ഭാരവാഹി പട്ടിക വാര്‍ത്താക്കുറിപ്പായി പുറത്തിറക്കിയത്. നാലു വൈസ് പ്രസിഡന്റുമാരും 23 ജനറല്‍ സെക്രട്ടറിമാരും 28 നിര്‍വാഹക സമിതിയംഗങ്ങളും ഉള്‍പ്പെടുന്ന പട്ടികയാണ് പുറത്തിറക്കിയത്. എന്‍.ശക്തന്‍, വി.ടി.ബല്‍റാം, വി.ജെ.പൗലോസ്, വി.പി.സജീന്ദ്രന്‍ എന്നിവരാണ് വൈസ് പ്രസിഡന്റുമാര്‍. അഡ്വ. പ്രതാപ ചന്ദ്രനാണ് ട്രഷറര്‍. ദീപ്തി മേരി വര്‍ഗീസ്, കെ.എ.തുളസി, അലിപ്പറ്റ ജമീല എന്നിവരാണ് ജനറല്‍ സെക്രട്ടറിമാരിലെ വനിതകള്‍.  

ലക്‌നൗ: കോണ്‍ഗ്രസ് നേതാക്കളായ രാഹുല്‍ ഗാന്ധിയും പ്രിയങ്കാ ഗാന്ധിയും ലഖിംപുരിലെത്തി സംഘര്‍ഷത്തില്‍ കൊല്ലപ്പെട്ടവരുടെ കുടുംബങ്ങളെ സന്ദര്‍ശിച്ചു. കൊല്ലപ്പെട്ട ലവ്പ്രീത് സിങ്ങിന്റെ വീട്ടിലെത്തി കുടുംബത്തെ ആശ്വസിപ്പിച്ചു. ലവ്പ്രീത് സിങ്ങിന്റെ രക്ഷിതാക്കളെ രാഹുലും പ്രിയങ്കയും കെട്ടിപ്പിടിച്ച് ആശ്വസിപ്പിക്കുന്ന ചിത്രം കോണ്‍ഗ്രസ് വക്താവ് രണ്‍ദീപ് സുര്‍ജേവാല ട്വീറ്റ് ചെയ്തു. സംഘര്‍ഷത്തില്‍ മരിച്ച മാധ്യമപ്രവര്‍ത്തകന്‍ രമണ്‍ കശ്യപിന്റെ കുടുംബത്തെയും കോണ്‍ഗ്രസ് നേതാക്കള്‍ കാണും. ബുധനാഴ്ച രാത്രിയാണ് രാഹുല്‍ ഗാന്ധിയും സംഘവും ലക്‌നൗ വിമാനത്താവളത്തില്‍നിന്ന് ലഖിംപുര്‍ ഖേരിയിലെത്തിയത്. ലക്‌നൗ വിമാനത്താവളത്തില്‍ രാഹുലിനെ യുപി പൊലീസ് തടഞ്ഞിരുന്നു. പൊലീസ് വാഹനത്തില്‍ സഞ്ചരിക്കണമെന്നായിരുന്നു ആവശ്യം. …

മുംബൈ: ആരാണു മുണ്‍മുണ്‍ ധമേച്ഛ? മുംബൈ തീരത്ത് ആഡംബര കപ്പലിലെ ലഹരിവിരുന്ന് കേസില്‍ ബോളിവുഡ് സൂപ്പര്‍താരം ഷാറുഖ് ഖാന്റെ മകന്‍ ആര്യന്‍ ഖാനൊപ്പം അറസ്റ്റിലായതോടെയാണു മുണ്‍മുണ്‍ ആരാണെന്ന് ഏവരും ചോദിച്ചു തുടങ്ങിയത്. കേസുമായി ബന്ധപ്പെട്ട് ഇന്റര്‍നെറ്റില്‍ കഴിഞ്ഞദിവസം ഏറ്റവും കൂടുതല്‍ തിരയപ്പെട്ട പേരുകളിലൊന്നും ഇവരുടേതാണ്. മോഡലും സമൂഹമാധ്യമ സെലിബ്രിറ്റിയുമായ മുണ്‍മുണ്‍ ധമേച്ഛ, വ്യവസായ കുടുംബത്തിലെ അംഗമാണ്. കേസില്‍ എട്ടുപേരെയാണു നര്‍കോട്ടിക്‌സ് കണ്‍ട്രോള്‍ ബ്യൂറോ (എന്‍സിബി) അറസ്റ്റ് ചെയ്തത്. വ്യവസായിയുടെ മകളാണു മുണ്‍മുണ്‍. ലഹരിമരുന്ന് കൈവശം വച്ചതിനും ഉപയോഗിച്ചതിനുമാണ് കേസ്. ചാറ്റുകളടക്കമുള്ള വിവരങ്ങള്‍ പരിശോധിക്കാന്‍ ആര്യന്‍ …

ന്യൂഡല്‍ഹി: സിറം ഇന്‍സ്റ്റിറ്റ്യൂട്ട് ഓഫ് ഇന്ത്യ നിര്‍മിച്ച കോവിഷീല്‍ഡ് വാക്‌സിന്‍ എടുത്ത യാത്രക്കാര്‍ക്ക് ഓസ്‌ട്രേലിയന്‍ സര്‍ക്കാര്‍ പ്രവേശനാനുമതി നല്‍കി. കൊറോണാവാക് (സിനോവാക്), കോവിഷീല്‍ഡ് എന്നീ വാക്‌സിന്‍ എടുത്ത യാത്രക്കാര്‍ക്ക് ഇനി ഓസ്‌ട്രേലിയയില്‍ എത്തുന്നതിന് തടസ്സമില്ല. വരും ആഴ്ചകളില്‍, ആരോഗ്യമന്ത്രാലയം ബയോസെക്യൂരിറ്റി ആക്ടിന്റെ അടിയന്തരതീരുമാനങ്ങള്‍ പരിഷ്‌കരിക്കുകയും കൂടുതല്‍ യാത്രാ ഇളവുകള്‍ പ്രഖ്യാപിക്കുകയും ചെയ്യുമെന്ന് പ്രധാനമന്ത്രി സ്‌കോട്ട് മോറിസണ്‍ പറഞ്ഞു. നേരത്തേ, ഈ വാക്‌സിനുകള്‍ എടുത്തവര്‍ ഓസ്‌ട്രേലിയയില്‍ എത്തിയാല്‍ 14 ദിവസത്തെ ക്വാറന്റീനില്‍ കഴിയണമായിരുന്നു. സര്‍ക്കാര്‍ ഉത്തരവ് ഇന്ത്യന്‍ വിദ്യാര്‍ഥികള്‍ക്ക് ഉള്‍പ്പെടെ ആയിരക്കണക്കിനുപേര്‍ക്ക് ഉപകാരപ്പെടുമെന്നാണ് കണക്കുകൂട്ടല്‍.  

ന്യൂഡല്‍ഹി: ഡി.എന്‍.എ. പരിശോധനയ്ക്ക് താത്പര്യമില്ലാത്തവരെ അതിന് നിര്‍ബന്ധിക്കുന്നത് വ്യക്തിസ്വാതന്ത്ര്യത്തിനും സ്വകാര്യതയ്ക്കുമുള്ള അവകാശത്തിന്റെ ലംഘനമാണെന്ന് സുപ്രീംകോടതി. ബന്ധം തെളിയിക്കാന്‍ മറ്റു തെളിവുകളുണ്ടെങ്കില്‍ ഡി.എന്‍.എ. പരിശോധനയ്ക്ക് ഉത്തരവിടുന്നതില്‍നിന്ന് കോടതികള്‍ സ്വാഭാവികമായി വിട്ടുനില്‍ക്കുകയാണ് വേണ്ടതെന്നും ജസ്റ്റിസ് ആര്‍. സുഭാഷ് റെഡ്ഡി അധ്യക്ഷനായ ബെഞ്ച് വ്യക്തമാക്കി. സ്വത്തുവകകളുടെ ഉടമസ്ഥതാവകാശത്തില്‍ പരാതിക്കാരനെ അയാളുടെ താത്പര്യത്തിന് വിരുദ്ധമായി ഡി.എന്‍.എ. പരിശോധനയ്ക്ക് വിധേയമാക്കാമോ, പരിശോധനയ്ക്ക് സ്വയമേധയാ സമ്മതിക്കാത്ത വ്യക്തിക്ക് വസ്തുവിലെ അവകാശം തെളിയിക്കാന്‍ മറ്റു രേഖകള്‍ ഹാജരാക്കാന്‍ യോഗ്യതയുണ്ടോ, സമ്മതമില്ലാത്ത വ്യക്തിയെ പരിശോധനയ്ക്ക് നിര്‍ബന്ധിക്കാമോ എന്നീ വിഷയങ്ങളാണ് പരിശോധിച്ചത്. കക്ഷികളുടെ താത്പര്യം, സത്യം പുറത്തുവരേണ്ടതിന്റെ …

ന്യൂഡല്‍ഹി: കഴിഞ്ഞ 14 വര്‍ഷക്കാലമായി കെപിസിസിയുടെ നേതൃത്വത്തില്‍ കുട്ടികള്‍ക്കിടയില്‍ പ്രവര്‍ത്തിക്കുന്ന ജവഹര്‍ ബാലജനവേദിക്ക് കോണ്‍ഗ്രസ് ദേശീയ നേതൃത്വത്തിന്റെ അംഗീകാരം. ജവഹര്‍ ബാല്‍ മഞ്ച് എന്ന് പുനഃ നാമകരണം ചെയ്താണ് അഖിലേന്ത്യാ കോണ്‍ഗ്രസ് കമ്മിറ്റി അംഗീകാരം നല്‍കിയിരിക്കുന്നത്. ഏഴു മുതല്‍ പതിനേഴ് വയസ്സുവരെയുള്ള കുട്ടികളായിരിക്കും ഇതിലെ അംഗങ്ങള്‍. 2007 ല്‍ രമേശ് ചെന്നിത്തല കെപിസിസി പ്രസിന്റായിരിക്കുമ്പോഴാണ് കുട്ടികളുടെ സംഘടനക്ക് കേരളത്തില്‍ രൂപം നല്‍കുന്നത്.തുടര്‍ന്ന് സംസ്ഥാന ചെയര്‍മാനായി നിയമിച്ച ഡോ.ജി.വി ഹരിയുടെ നേതൃത്വത്തില്‍ നടത്തിയ മികച്ച പ്രവര്‍ത്തനങ്ങളാണ് ദേശീയ തലത്തിലേക്ക് വ്യാപിപ്പിക്കാനുള്ള ശ്രമങ്ങള്‍ക്ക് നേതൃത്വം പച്ചക്കൊടി കാട്ടിയത്. …