ദുബായ്: ഐസിസിയുടെ കഴിഞ്ഞ വര്‍ഷത്തെ ട്വന്റി20 ടീമില്‍ ഇടം നേടി മുന്‍ ഇന്ത്യന്‍ ക്യാപ്റ്റന്‍ വിരാട് കോലി. ലോകോത്തര താരങ്ങള്‍ അണി നിരക്കുന്ന ടീമില്‍ കോലിക്കു പുറമേ ഇന്ത്യന്‍ താരങ്ങളായ സൂര്യകുമാര്‍ യാദവും ഓള്‍ റൗണ്ടര്‍ ഹാര്‍ദിക് പാണ്ഡ്യയും ഇടംപിടിച്ചു. 2022 ട്വന്റി20 ലോകകപ്പിലെ ബാറ്റിങ് പ്രകടനമാണ് കോലിയെ ടീമിലെത്തിച്ചത്. അതേസമയം മോശം പ്രകടനങ്ങളുടെ പേരില്‍ പഴി കേള്‍ക്കുന്ന പാക്കിസ്ഥാന്‍ ക്രിക്കറ്റ് ടീം ക്യാപ്റ്റന്‍ ബാബര്‍ അസമിന് ഐസിസിയുടെ ടീമില്‍ ഇടം നേടാനായില്ല. കഴിഞ്ഞ വര്‍ഷത്തെ ഏഷ്യാ കപ്പിലും ട്വന്റി20 ലോകകപ്പിലും പ്രതീക്ഷയ്‌ക്കൊത്ത് ഉയരാത്തതാണ് …

ദോഹ: കാല്‍പ്പന്തുകളിയിലെ ഇന്ദ്രജാലക്കാരന്‍ ലയണല്‍ മെസ്സിയുടെ ഐതിഹാസിക ഫുട്‌ബോള്‍ കരിയറിന് പൂര്‍ണത നല്‍കാന്‍ ഒരു വിശ്വകിരീടമെന്ന സ്വപ്നം ഖത്തറിലെ ലുസെയ്ല്‍ സ്റ്റേഡിയത്തില്‍ അര്‍ജന്റീന സാക്ഷാത്കരിച്ചു. ഓരോ ഇഞ്ചിലും ആവേശം നുരഞ്ഞുപൊന്തിയ കലാശപ്പോരാട്ടത്തില്‍ നിലവിലെ ചാംപ്യന്‍മാരായ ഫ്രാന്‍സിനെ പെനല്‍റ്റി ഷൂട്ടൗട്ടില്‍ വീഴ്ത്തിയാണ് ഖത്തര്‍ ലോകകപ്പില്‍ അര്‍ജന്റീന കിരീടം തൊട്ടത്. ഷൂട്ടൗട്ടില്‍ 4-2നാണ് അര്‍ജന്റീന ഫ്രാന്‍സിനെ വീഴ്ത്തിയത്. നിശ്ചിത സമയത്ത് ഇരു ടീമുകളും രണ്ടു ഗോള്‍ വീതമടിച്ചും എക്‌സ്ട്രാ ടൈമില്‍ മൂന്നു ഗോള്‍ വീതമടിച്ചും സമനില പാലിച്ചതോടെയാണ് വിജയികളെ കണ്ടെത്താന്‍ ഷൂട്ടൗട്ട് വേണ്ടിവന്നത്. ഫ്രാന്‍സിനായി കിലിയന്‍ എംബപെ …

ദോഹ: ആവേശം പെനല്‍റ്റി ഷൂട്ടൗട്ടോളമെത്തിയ ക്വാര്‍ട്ടര്‍ പോരാട്ടത്തില്‍ നെതര്‍ലന്‍ഡ്‌സിനെ വീഴ്ത്തി ലയണല്‍ മെസ്സിയും സംഘവും ലോകകപ്പ് സെമിയില്‍. ആവേശകരമായി മാറിയ ഷൂട്ടൗട്ടില്‍ മൂന്നിനെതിരെ നാലു ഗോളുകള്‍ക്കാണ് അര്‍ജന്റീനയുടെ ജയം. അര്‍ജന്റീനയ്ക്കായി ക്യാപ്റ്റന്‍ ലയണല്‍ മെസ്സി, ലിയാന്‍ഡ്രോ പരേദസ്, ഗോണ്‍സാലോ മോണ്ടിയെല്‍, ലൗട്ടാരോ മാര്‍ട്ടിനസ് എന്നിവര്‍ ഷൂട്ടൗട്ടില്‍ ലക്ഷ്യം കണ്ടു. അര്‍ജന്റീന താരം എന്‍സോ ഫെര്‍ണാണ്ടസിന്റെ കിക്ക് പുറത്തുപോയി. നെതര്‍ലന്‍ഡ്‌സിനായി ക്യാപ്റ്റന്‍ വിര്‍ജിന്‍ വാന്‍ ദെയ്ക്, സ്റ്റീവന്‍ ബെര്‍ഗ്യൂസ് എന്നിവരെടുത്ത കിക്കുകള്‍ തടഞ്ഞിട്ട ഗോള്‍കീപ്പര്‍ എമിലിയാനോ മാര്‍ട്ടിനസാണ് അര്‍ജന്റീനയുടെ ഹീറോ. നെതര്‍ലന്‍ഡ്‌സിനായി കൂപ്‌മെയ്‌നേഴ്‌സ്, വൗട്ട് വെഗ്‌ഹോസ്റ്റ്, …

ദോഹ: ഖത്തര്‍ ലോകകപ്പില്‍ കിരീട പോരാട്ടം മുറുകുന്നതിന്റെ വ്യക്തമായ സൂചന നല്‍കി ആദ്യമായി പെനല്‍റ്റി ഷൂട്ടൗട്ടിലേക്ക് നീണ്ട മത്സരത്തില്‍, ജപ്പാന്റെ പോരാട്ടവീര്യത്തെ മറികടന്ന് നിലവിലെ രണ്ടാം സ്ഥാനക്കാരായ ക്രൊയേഷ്യ ക്വാര്‍ട്ടര്‍ ഫൈനലില്‍. ഒന്നിനെതിരെ മൂന്നു ഗോളുകള്‍ക്കാണ് ഷൂട്ടൗട്ടില്‍ ജാപ്പനീസ് പോരാട്ടവീര്യത്തെ ക്രൊയേഷ്യ മറികടന്നത്. ഷൂട്ടൗട്ടില്‍ പോസ്റ്റിനു മുന്നില്‍ ഐതിഹാസിക പ്രകടനം പുറത്തെടുത്ത ഗോള്‍കീപ്പര്‍ ഡൊമിനിക് ലിവാകോവിച്ചാണ് ക്രൊയേഷ്യയെ ക്വാര്‍ട്ടറിലേക്ക് നയിച്ചത്. മുഴുവന്‍ സമയത്തും അധിക സമയത്തും ഇരു ടീമുകളും ഓരോ ഗോളടിച്ച് സമനില പാലിച്ചതോടെയാണ് വിജയികളെ കണ്ടെത്താന്‍ ഷൂട്ടൗട്ട് വേണ്ടിവന്നത്. ഗ്രൂപ്പ് ഘട്ടത്തില്‍ മുന്‍ …

ലുസെയ്ല്‍: ബ്രൂണോ ഫെര്‍ണാണ്ടസിന്റെ പ്രതിഭാസ്പര്‍ശം സമ്മാനിച്ച 2 ഗോളുകള്‍. തുടരെ രണ്ടാം ജയത്തോടെ ഖത്തര്‍ ലോകകപ്പിന്റെ പ്രീ ക്വാര്‍ട്ടറില്‍ ഇടംനേടാന്‍ പോര്‍ച്ചുഗലിന് അതു മതിയായിരുന്നു. നിശ്ചയദാര്‍ഢ്യത്തോടെ പൊരുതിയ യുറഗ്വായെ 2-0നാണ് ക്രിസ്റ്റ്യാനോ റൊണാള്‍ഡോയും സംഘവും കീഴടക്കിയത്. 54-ാം മിനിറ്റില്‍ മനോഹരമായൊരു ചിപ് ഷോട്ടിലൂടെയും ഇന്‍ജറി ടൈമില്‍ (90+3) പെനല്‍റ്റി കിക്ക് ലക്ഷ്യത്തിലെത്തിച്ചുമായിരുന്നു ബ്രൂണോയുടെ ഗോളുകള്‍. രണ്ടു മത്സരങ്ങളില്‍ നിന്നു 6 പോയിന്റുമായി ഗ്രൂപ്പ് എച്ചില്‍ ഒന്നാമതാണ് പോര്‍ച്ചുഗല്‍. 3 പോയിന്റുമായി ഘാന രണ്ടാമതും ഒരു പോയിന്റുള്ള ദക്ഷിണ കൊറിയ മൂന്നാമതുമാണ്. യുറഗ്വായ് ഒരു പോയിന്റോടെ …

ദോഹ: ‘ഖത്തര്‍ ലോകകപ്പില്‍ അര്‍ജന്റീനയും ലയണല്‍ മെസ്സിയും അനായാസ വിജയത്തോടെ തുടങ്ങി’ – ലോകമെമ്പാടുമുള്ള മാധ്യമങ്ങളില്‍ ഏറെക്കുറെ ഈ വാചകവുമായി ആരംഭിക്കേണ്ടിയിരുന്ന വാര്‍ത്തകള്‍ക്കു മുകളിലാണ് സൗദി അറേബ്യയെന്ന ലോക ഫുട്‌ബോളിലെ കുഞ്ഞന്‍രാജ്യം ഇന്ന് അട്ടിമറി സൃഷ്ടിച്ചിരിക്കുന്നത്. ഫിഫ റാങ്കിങ്ങില്‍ 51-ാം സ്ഥാനത്തുള്ള സൗദി അറേബ്യ മൂന്നാമന്‍മാരായ അര്‍ജന്റീനയെ വീഴ്ത്തുമ്പോള്‍, അതു വെറുമൊരു അട്ടിമറി എന്നതിനപ്പുറം ലോകകപ്പ് ചരിത്രത്തിലെ തന്നെ എണ്ണം പറഞ്ഞ അട്ടിമറികളിലൊന്നാണ്. ഖത്തറിലെത്തിയ അര്‍ജന്റീന ടീം ശിരസ്സേറ്റുന്ന പ്രതീക്ഷകളുടെ ഭാരം കൂടി പരിഗണിക്കുമ്പോള്‍, ഈ തോല്‍വിയുടെ കാഠിന്യം നാം കരുതുന്നതിലും അധികമാണ്! ഉദ്ഘാടന …

ദോഹ: ഫുട്‌ബോള്‍ ആവേശത്തിന്റെ ഏറ്റവും പുതിയ ആഗോള പതിപ്പിന് തിരിതെളിച്ച് ഖത്തര്‍ ലോകകപ്പിന്റെ ഉദ്ഘാടനച്ചടങ്ങിന് ദോഹയിലെ അല്‍ ബൈത്ത് സ്റ്റേഡിയത്തില്‍ തുടക്കം. ഇന്ത്യന്‍ സമയം വൈകിട്ട് എട്ടു മണിയോടെയാണ് വര്‍ണാഭമായ ഉദ്ഘാടനച്ചടങ്ങുകള്‍ക്ക് തുടക്കമായത്. ഖത്തറിന്റെ സാംസ്‌കാരികത്തനിമയ്‌ക്കൊപ്പം ഫിഫ ലോകകപ്പിന്റെ ചരിത്രവും വിളിച്ചോതുന്ന വ്യത്യസ്തമായ പരിപാടികളാണ് ഉദ്ഘാടനത്തോട് അനുബന്ധിച്ച് അരങ്ങു തകര്‍ക്കുന്നത്. പ്രശസ്ത ദക്ഷിണ കൊറിയന്‍ ബാന്‍ഡായ ബിടിഎസിലെ അംഗമായ ജുങ്കൂക്കിന്റെ സാന്നിധ്യമാണ് ഉദ്ഘാടനച്ചടങ്ങിന്റെ ആകര്‍ഷണം. ജുങ്കൂക്കിന്റെ ഡ്രീമേഴ്‌സ് എന്നു പേരിട്ട മ്യൂസിക് വിഡിയോ ഇന്നു രാവിലെ പുറത്തിറങ്ങിയിരുന്നു. അതിന്റെ ലൈവ് അവതരണമാണ് അല്‍ ബൈത്ത് …

തിരുവനന്തപുരം: ട്വന്റി20 ലോകകപ്പ് സെമിഫൈനലില്‍ ഇന്ത്യ തോറ്റു പുറത്തായതിനു കാരണം ബിസിസിഐയും സിലക്ടര്‍മാരുമാണെന്ന് മന്ത്രി വി. ശിവന്‍കുട്ടി. ഇന്ത്യ-ഇംഗ്ലണ്ട് സെമി പോരാട്ടത്തിനു പിന്നാലെ ഫെയ്‌സ്ബുക് കുറിപ്പിലൂടെയാണ് ശിവന്‍കുട്ടി ഇക്കാര്യം പറഞ്ഞത്. ഒരുകളിയില്‍ പോലും രണ്ടക്കം കടക്കാത്ത ഋഷഭ് പന്തിനെയും ദിനേശ് കാര്‍ത്തിക്കിനെയും ടീമിലുള്‍പ്പെടുത്തി മികച്ച പവര്‍ ഹിറ്ററും ശരാശരിയുമുള്ള സഞ്ജു സാംസണെ തഴഞ്ഞത് തികഞ്ഞ അനീതിയാണെന്നും ശിവന്‍കുട്ടി രോഷം കൊണ്ടു. ബിസിസിഐ എന്ന് ഈ ക്വാട്ട കളി നിര്‍ത്തുമെന്നും ശിവന്‍കുട്ടി ചോദിക്കുന്നുണ്ട്. ശിവന്‍കുട്ടിയുടെ ഫെയ്‌സ്ബുക് പോസ്റ്റ്: ട്വന്റി20 ലോകകപ്പ് സെമിയില്‍ ഇംഗ്ലണ്ടിനോട് ഇന്ത്യ തോറ്റു …

സിഡ്‌നി: ന്യൂസീലന്‍ഡിന്റെ ഫൈനല്‍ മത്സരം എന്ന സ്വപ്നത്തിന്റെ ചിറകരിഞ്ഞ് പാക്കിസ്ഥാന്‍. ട്വന്റി 20 ലോകകപ്പിലെ ആദ്യ സെമിഫൈനല്‍ മത്സരത്തില്‍ 7 വിക്കറ്റിനാണ് പാക്കിസ്ഥാന്‍ ന്യൂസീലന്‍ഡിനെ തോല്‍പ്പിച്ചത്. ആദ്യം ബാറ്റിങ്ങിനിറങ്ങിയ ന്യൂസീലന്‍ഡ് 20 ഓവറില്‍ 4 വിക്കറ്റ് നഷ്ടത്തില്‍ 152 റണ്‍സാണ് നേടിയത്. മറുപടി ബാറ്റിങ്ങിനിറങ്ങിയ പാക്കിസ്ഥാന്‍ 19.1 ഓവറില്‍ ലക്ഷ്യം കണ്ടു. നാളെ ഇന്ത്യയും ഇംഗ്ലണ്ടും തമ്മിലുള്ള മത്സരത്തില്‍ ഇന്ത്യ ജയിച്ചാല്‍ ഇന്ത്യ-പാക്ക് ഫൈനലിന് കളമൊരുങ്ങും. മുഹമ്മദ് റിസ്വാന്‍ 57 റണ്‍സും ( 43 പന്തില്‍ നിന്ന്) ബാബര്‍ അസം 53 റണ്‍സും (42 …

സിഡ്‌നി: ട്വന്റി20 ലോകകപ്പില്‍ ദക്ഷിണാഫ്രിക്കയെ കീഴടക്കി സെമി സാധ്യതകള്‍ നിലനിര്‍ത്തി പാക്കിസ്ഥാന്‍.33 റണ്‍സിനാണു പാക്കിസ്ഥാന്റെ വിജയം. ടോസ് നേടി ബാറ്റിങ് തിരഞ്ഞെടുത്ത പാക്കിസ്ഥാന്‍ ഒന്‍പതു വിക്കറ്റ് നഷ്ടത്തില്‍ 185 റണ്‍സെടുത്തു. മഴ കാരണം വിജയലക്ഷ്യം 14 ഓവറില്‍ 142 ആയി ചുരുക്കിയ മത്സരത്തില്‍ ദക്ഷിണാഫ്രിക്കയ്ക്ക് ഒന്‍പതു വിക്കറ്റ് നഷ്ടത്തില്‍ 108 റണ്‍സെടുക്കാനേ സാധിച്ചുള്ളൂ. മധ്യനിര താരങ്ങളുടെ മികവിലാണ് പാക്കിസ്ഥാന്‍ മികച്ച വിജയലക്ഷ്യം ഉയര്‍ത്തിയത്. ഇഫ്തിഖര്‍ അഹമ്മദും (35 പന്തില്‍ 51), ശതബ് ഖാനും (22 പന്തില്‍ 52) അര്‍ധ സെഞ്ചറി നേടി. ക്യാപ്റ്റന്‍ ബാബര്‍ …