പനജി: ഇന്ത്യന്‍ ക്രിക്കറ്റ് താരം രാഹുല്‍ ചാഹര്‍ വിവാഹിതനായി. ഇഷാനി ജോഹറാണ് വധു. ദീര്‍ഘകാലത്തെ പ്രണയത്തിനൊടുവിലാണ് ഇരുവരും വിവാഹിതരായത്. ഗോവയില്‍വച്ച് നടന്ന ആഘോഷപൂര്‍വമായ ചടങ്ങിലായിരുന്നു വിവാഹം. ചടങ്ങിന്റെ ദൃശ്യങ്ങള്‍ ഇരുപത്തിരണ്ടുകാരനായ ചാഹര്‍ സമൂഹമാധ്യമങ്ങളിലൂടെ പങ്കുവച്ചു. ‘പരസ്പര പൂരകങ്ങളാകാനും പൂര്‍ത്തീകരിക്കാനും. ഈ ദിവസം ഇത്രമാത്രം സ്‌പെഷലാക്കിയ കുടുംബാംഗങ്ങള്‍ക്കും സുഹൃത്തുക്കള്‍ക്കും എത്ര നന്ദി പറഞ്ഞാലും മതിയാകില്ല. ഈ വിവാഹം സ്വപ്നതുല്യമാക്കിയ ഗോവയിലെ ടീമംഗങ്ങള്‍ക്കും നന്ദി’ – വിവാഹ ചിത്രങ്ങള്‍ പങ്കുവച്ച് രാഹുല്‍ ചാഹര്‍ സമൂഹമാധ്യമത്തില്‍ കുറിച്ചു. കഴിഞ്ഞ വര്‍ഷം നടന്ന ട്വന്റി20 ലോകകപ്പിലാണ് രാഹുല്‍ ചാഹര്‍ ഏറ്റവും …

രാജ്‌കോട്ട്: നീണ്ട കാലത്തെ ഇടവേളയ്ക്കുശേഷം രഞ്ജി ട്രോഫിയിലേക്കുള്ള തിരിച്ചുവരവില്‍ മേഘാലയയ്ക്കെതിരായ മത്സരത്തില്‍ കേരളത്തിനായി ആദ്യ വിക്കറ്റ് നേടിയ മലയാളി താരം എസ്. ശ്രീശാന്തിന്റെ ആഘോഷ വിഡിയോ വൈറലാകുന്നു. മേഘാലയയ്ക്കെതിരായ മത്സരത്തിലെ വിക്കറ്റ് നേട്ടത്തിന്റെയും ആഘോഷത്തിന്റെയും വിഡിയോ ശ്രീശാന്ത് തന്നെയാണ് സമൂഹമാധ്യമങ്ങളിലൂടെ പങ്കുവച്ചത്. ഫെബ്രുവരി 17 മുതല്‍ 20 വരെ രാജ്‌കോട്ടിലെ സൗരാഷ്ട്ര ക്രിക്കറ്റ് അസോസിയേഷന്‍ സ്റ്റേഡിയത്തിലായിരുന്നു മത്സരം. ബോളര്‍മാരും ബാറ്റര്‍മാരും ഒരുപോലെ തിളങ്ങിയ മത്സരം കേരളം ഇന്നിങ്‌സിനും 166 റണ്‍സിനും ജയിച്ചിരുന്നു. മത്സരത്തില്‍ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ മേഘാലയയുടെ ആര്യന്‍ ബോറയെ പുറത്താക്കിയാണ് …

ഗോവ: ഐഎസ്എല്ലിലെ നിര്‍ണായക മത്സരത്തില്‍ കേരള ബ്ലാസ്റ്റേഴ്സിന് വിജയം. ഒന്നിനെതിരേ മൂന്നു ഗോളിന് മുംബൈ സിറ്റിയെ തോല്‍പ്പിച്ചു. ഇതോടെ ബ്ലാസ്റ്റേഴ്സ് സെമി പ്രതീക്ഷ സജീവമാക്കി. നിലവില്‍ 19 മത്സരങ്ങളില്‍ 33 പോയിന്റുമായി ബ്ലാസ്റ്റേഴ്സ് നാലാം സ്ഥാനത്താണ്. ഇനി ഗോവയ്ക്കെതിരായ മത്സരത്തില്‍ സമനില നേടിയാല്‍ കേരളാ ടീമിന് സെമിയിലെത്താം.ബ്ലാസ്റ്റേഴ്സിനായി ആല്‍വാരോ വാസ്‌കസ് ഇരട്ട ഗോള്‍ നേടിയപ്പോള്‍ സഹല്‍ അബ്ദുല്‍ സമദും ലക്ഷ്യം കണ്ടു. ഡീഗോ മൗറീഷ്യോയാണ് മുംബൈയുടെ ആശ്വാസ ഗോള്‍ കണ്ടെത്തിയത്.  

ധരംശാല: തുടര്‍ച്ചയായ മൂന്നാം മത്സരത്തിലും ശ്രേയസ് അയ്യര്‍ അര്‍ധസെഞ്ചുറിയുമായി മിന്നിയതോടെ ശ്രീലങ്കയ്ക്കെതിരായ ട്വന്റി20 പരമ്പരയില്‍ ഇന്ത്യയ്ക്ക് സമ്പൂര്‍ണ ജയം. ധരംശാലയിലെ ഹിമാചല്‍പ്രദേശ് ക്രിക്കറ്റ് അസോസിയേഷന്‍ സ്റ്റേഡിയത്തില്‍ നടന്ന മത്സരത്തില്‍ ആറു വിക്കറ്റിനാണ് ഇന്ത്യ ശ്രീലങ്കയെ തോല്‍പ്പിച്ചത്. ടോസ് നേടി ബാറ്റിങ് തിരഞ്ഞെടുത്ത ശ്രീലങ്ക നിശ്ചിത 20 ഓവറില്‍ അഞ്ച് വിക്കറ്റ് നഷ്ടത്തില്‍ നേടിയത് 146 റണ്‍സ്. മറുപടി ബാറ്റിങ്ങില്‍ 19 പന്തും ആറു വിക്കറ്റും ബാക്കിയാക്കി ഇന്ത്യ വിജയത്തിലെത്തി. ഇതോടെ മൂന്നു മത്സരങ്ങള്‍ ഉള്‍പ്പെടുന്ന പരമ്പര ഇന്ത്യ തൂത്തുവാരി. തുടര്‍ച്ചയായ 12-ാം ജയത്തോടെ കൂടുതല്‍ …

പനജി: ഇന്ത്യന്‍ സൂപ്പര്‍ ലീഗില്‍ ഹൈദരാബാദ് എഫ്‌സിയോട് 2-1ന് തോറ്റ് കേരള ബ്ലാസ്റ്റേഴ്‌സ്. വാശിയേറിയ പോരാട്ടത്തില്‍ ബര്‍ത്തലോമ്യു ഒഗ്‌ബെച്ചെ (28), ജാവിയര്‍ സിവെരിയോ (87) എന്നിവരാണു ഹൈദരാബാദിനായി വല കുലുക്കിയത്. ബ്ലാസ്റ്റേഴ്‌സിനായി പകരക്കാരനായി ഇറങ്ങിയ വിന്‍സി ബരെറ്റോ (95) ആശ്വാസ ഗോള്‍ നേടി. ജയത്തോടെ സീസണില്‍ പ്ലേ ഓഫ് യോഗ്യത നേടുന്ന ആദ്യ ടീമായി ഹൈദരാബാദ്. 18 മത്സരങ്ങളില്‍നിന്ന് ഹൈദരാബാദിന് 35 പോയിന്റുണ്ട്. 17 മത്സരങ്ങള്‍ കളിച്ച ബ്ലാസ്റ്റേഴ്‌സ് 27 പോയിന്റുമായി അഞ്ചാമതാണ്. കഴിഞ്ഞ മത്സരത്തില്‍ ഡഗ്ഔട്ടിലെ മോശം പെരുമാറ്റത്തിന്റെ പേരില്‍ നടപടി നേരിട്ട …

ലണ്ടന്‍: യുവേഫ ചാംപ്യന്‍സ് ലീഗിന്റെ പ്രീക്വാര്‍ട്ടര്‍ ആദ്യ പാദത്തില്‍ ഫ്രഞ്ച് ക്ലബ് ലീലിനെ വീഴ്ത്തി നിലവിലെ ചാംപ്യന്‍മാരായ ചെല്‍സി. സ്വന്തം തട്ടകത്തില്‍ നടന്ന മത്സരത്തില്‍ ഏകപക്ഷീയമായ രണ്ടു ഗോളുകള്‍ക്കാണ് ചെല്‍സി ലീലിനെ വീഴ്ത്തിയത്. കയ് ഹാവര്‍ട്‌സ് (8), ക്രിസ്റ്റ്യന്‍ പുലിസിച്ച് (63) എന്നിവരാണ് ചെല്‍സിക്കായി ഗോള്‍ നേടിയത്. മറ്റൊരു മത്സരത്തില്‍ ഇറ്റാലിയന്‍ വമ്പന്‍മാരായ യുവെന്റസിനെ സ്പാനിഷ് ക്ലബ് വിയ്യാ റയല്‍ സമനിലയില്‍ തളച്ചു. യുവെന്റസിന്റെ തട്ടകത്തില്‍ നടന്ന മത്സരത്തില്‍ ഇരു ടീമുകളും ഓരോ ഗോളടിച്ചാണ് സമനില പാലിച്ചത്. മത്സരം തുടങ്ങി ആദ്യ മിനിറ്റില്‍ത്തന്നെ സെര്‍ബിയന്‍ …

വാസ്‌കോ: ഐഎസ്എല്‍ ഫുട്‌ബോളില്‍ കേരള ബ്ലാസ്റ്റേഴ്‌സ്- എടികെ മോഹന്‍ ബഗാന്‍ മത്സരത്തിനു ശേഷം ‘ഞങ്ങള്‍ മത്സരിച്ചത് സ്ത്രീകള്‍ക്കൊപ്പം’ എന്ന വിവാദ പരാമര്‍ശത്തിലൂടെ പുലിവാലു പിടിച്ചതിനു പിന്നാലെ ബഗാന്റെ ഇന്ത്യന്‍ പ്രതിരോധനിര താരം സന്ദേശ് ജിങ്കാന്റെ ഇന്‍സ്റ്റഗ്രാം അക്കൗണ്ട് ‘അപ്രത്യക്ഷമായി’. മുന്‍ ബ്ലാസ്റ്റേഴ്‌സ് താരം കൂടിയായിരുന്ന ജിങ്കാന്റെ പ്രതികരണത്തിനെതിരെ ബ്ലാസ്റ്റേഴ്‌സ് ആരാധകര്‍ ഇന്‍സ്റ്റഗ്രാം ഉള്‍പ്പെടെയുള്ള സമൂഹ മാധ്യമങ്ങളില്‍ വ്യാപക പ്രതിഷേധം രേഖപ്പെടുത്തിയിരുന്നു. പ്രതിഷേധം ഒരു ദിവസം പിന്നിടുമ്പോഴാണ് അക്കൗണ്ട് അപ്രത്യക്ഷമായത്. 20,000ല്‍ അധികം ഫോളോവേഴ്സ് ഉണ്ടായിരുന്ന അക്കൗണ്ട് ജിങ്കാന്‍ സ്വമേധയാ ഡീആക്ടിവേറ്റ് ചെയ്തതാണോയെന്നും വ്യക്തമല്ല. വിവാദ …

ബംബോലിം: ഇന്ത്യന്‍ സൂപ്പര്‍ ലീഗില്‍ ഒഡിഷ എഫ്.സിയ്ക്കെതിരേ തകര്‍പ്പന്‍ വിജയം സ്വന്തമാക്കി ബെംഗളൂരു എഫ്.സി. ഒന്നിനെതിരേ രണ്ട് ഗോളുകള്‍ക്കാണ് ബെംഗളൂരുവിന്റെ വിജയം. ഒരു ഗോളിന് പിന്നില്‍ നിന്ന ശേഷം രണ്ട് ഗോളുകള്‍ തിരിച്ചടിച്ചാണ് ബെംഗളൂരു വിജയം നേടിയത്. ബെംഗളൂരുവിനായി ഡാനിഷ് ഫാറൂഖ് ഭട്ടും ക്ലെയിറ്റണ്‍ സില്‍വയും ലക്ഷ്യം കണ്ടപ്പോള്‍ നന്ദകുമാര്‍ ഒഡിഷയുടെ ആശ്വാസഗോള്‍ നേടി. ഈ വിജയത്തോടെ ബെംഗളൂരു പോയന്റ് പട്ടികയില്‍ അഞ്ചാം സ്ഥാനത്തേക്കുയര്‍ന്നു. 18 മത്സരങ്ങളില്‍ നിന്ന് 26 പോയന്റാണ് ടീമിനുള്ളത്. ഇത്രയും മത്സരങ്ങളില്‍ നിന്ന് 22 പോയന്റുള്ള ഒഡിഷ ഏഴാം സ്ഥാനത്താണ്. …

കൊല്‍ക്കത്ത: ഏകദിന പരമ്പരയ്ക്കു പിന്നാലെ വെസ്റ്റിന്‍ഡീസിനെതിരായ ട്വന്റി 20 പരമ്പരയും തൂത്തുവാരി ഇന്ത്യ. ട്വന്റി 20 പരമ്പരയിലെ മൂന്നാമത്തെയും അവസാനത്തെയും മത്സരത്തില്‍ 17 റണ്‍സിനായിരുന്നു ഇന്ത്യന്‍ വിജയം. ഇന്ത്യ ഉയര്‍ത്തിയ 185 റണ്‍സ് വിജയലക്ഷ്യം പിന്തുടര്‍ന്ന വെസ്റ്റിന്‍ഡീസിന് ഒമ്പത് വിക്കറ്റ് നഷ്ടത്തില്‍ 167 റണ്‍സെടുക്കാനേ സാധിച്ചുള്ളൂ. തുടര്‍ച്ചയായ മൂന്നാം മത്സരത്തിലും അര്‍ധ സെഞ്ചുറി നേടിയ നിക്കോളാസ് പുരനാണ് വിന്‍ഡീസിന്റെ ടോപ് സ്‌കോറര്‍. 47 പന്തുകള്‍ നേരിട്ട താരം ഒരു സിക്സും എട്ട് ഫോറുമടക്കം 61 റണ്‍സെടുത്തു. പുരനെ 18-ാം ഓവറില്‍ ശാര്‍ദുല്‍ താക്കൂറിന്റെ പന്തില്‍ …

മുംബൈ: ശ്രീലങ്കയ്‌ക്കെതിരായ ടെസ്റ്റ്, ട്വന്റി20 പരമ്പരകള്‍ക്കുള്ള ഇന്ത്യന്‍ ക്രിക്കറ്റ് ടീമിനെ പ്രഖ്യാപിച്ചു. മലയാളി താരം സഞ്ജു സാംസണ്‍ ട്വന്റി20 ടീമില്‍ തിരിച്ചെത്തി. രോഹിത് ശര്‍മയുടെ നേതൃത്വത്തിലുള്ള 18 അംഗ ടെസ്റ്റ് ടീമിനെയും 18 അംഗ ഏകദിന ടീമിനെയുമാണ് പ്രഖ്യാപിച്ചത്. ഇതോടെ, ട്വന്റി20ക്കും ഏകദിനത്തിനും പിന്നാലെ ടെസ്റ്റിലും രോഹിത് തന്നെ വിരാട് കോലിയുടെ പിന്‍ഗാമിയായി. ചേതന്‍ ശര്‍മയുടെ നേതൃത്വത്തിലുള്ള സിലക്ഷന്‍ കമ്മിറ്റിയാണ് ടീമിനെ പ്രഖ്യാപിച്ചത്. മുന്‍ നായകന്‍ വിരാട് കോലി, വിക്കറ്റ് കീപ്പര്‍ ബാറ്റര്‍ ഋഷഭ് പന്ത് എന്നിവര്‍ക്ക് ട്വന്റി20 പരമ്പരയില്‍നിന്ന് വിശ്രമം അനുവദിച്ചു. പരുക്കേറ്റ് …