ന്യൂയോര്‍ക്ക്: യൂറോപ്പിലേക്ക് കൂടുതല്‍ സൈന്യത്തെ അയയ്ക്കാന്‍ യുഎസ് പ്രസിഡന്റ് ജോ ബൈഡന്‍. പോളണ്ട്, ജര്‍മനി എന്നിവിടങ്ങളിലേക്കാണ് 2,000 സൈനികരെക്കൂടി അയയ്ക്കാന്‍ തീരുമാനമായത്. ജര്‍മനിയിലുള്ള 1,000 സൈനികരെ റൊമേനിയയിലേക്കും അയയ്ക്കും. ഇതു കൂടാതെ ഏതു നിമിഷവും യൂറോപ്പിലേക്ക് അയയ്ക്കാന്‍ 8,500 സൈനികരെ ആണ് സജ്ജരാക്കി നിര്‍ത്തിയിരിക്കുന്നത്. നാറ്റോ സഖ്യത്തെ ബാധിക്കുന്ന ഏതുകാര്യവും യുഎസിനെയും ബാധിക്കുന്നതാണെന്നും സൈന്യത്തെ അയയ്ക്കുന്നത് റഷ്യയ്ക്ക് മുന്നറിയിപ്പ് നല്‍കാനാണെന്നും പെന്റഗണ്‍ വക്താവ് ജോണ്‍ കിര്‍ബി പറഞ്ഞു. യുഎസ് സൈനികരെ വിന്യസിച്ചിരിക്കുന്നത് ഏറ്റുമുട്ടുന്നതിനല്ലെന്നും യുഎസ് സഖ്യകക്ഷികള്‍ക്ക് സുരക്ഷ ഉറപ്പാക്കുന്നതിനാണെന്നും പെന്റഗണ്‍ അറിയിച്ചു. ഒരു ലക്ഷം …

ന്യൂഡല്‍ഹി: എന്റിക ലെക്സി കടല്‍ക്കൊല കേസില്‍ ഇറ്റാലിയന്‍ മറൈനുകള്‍ക്കെതിരായ കൊലപാതകക്കേസ് തള്ളി ഇറ്റാലിയന്‍ കോടതി. ഇന്ത്യയില്‍ ഇവര്‍ക്കെതിരായ കേസ് നടപടികള്‍ സുപ്രീംകോടതി അവസാനിപ്പിച്ച് മാസങ്ങള്‍ക്കുള്ളിലാണ് റോമിലെ കോടതിയുടെ നടപടി. കോടതി വിധിയെ ഇറ്റാലിയന്‍ പ്രതിരോധ മന്ത്രി ലോറന്‍സോ ഗുറിനി സ്വാഗതം ചെയ്തു. നാവികര്‍ക്കെതിരെ വിചാരണ നടത്താന്‍ പാകത്തില്‍ തെളിവുകളില്ലെന്നാണ് പ്രോസിക്യൂട്ടര്‍മാര്‍ അറിയിച്ചത്. 2012 ഫെബ്രുവരി 15ന് 2 മലയാളി മത്സ്യത്തൊഴിലാളികളെ ഇറ്റാലിയന്‍ നാവികര്‍ വെടിവച്ചുകൊന്നതാണ് കേസ്. കപ്പലില്‍ സുരക്ഷാ ജോലി ചെയ്തിരുന്ന ഇറ്റാലിയന്‍ നാവികസേനാംഗങ്ങളായ സാല്‍വത്തറോറെ ജിറോണിന്‍, മസിമിലാനോ ലത്തോര്‍ എന്നിവരാണ് പ്രതികള്‍. കേസില്‍ …

ഹൂസ്റ്റന്‍: ന്യൂയോര്‍ക്ക് സിറ്റി മെട്രോപൊളിറ്റന്‍ ഏരിയയിലും ന്യൂ ഇംഗ്ലണ്ടിന്റെ വിവിധ ഭാഗങ്ങളിലും ശക്തമായ മഞ്ഞും കാറ്റും വീശിയടിച്ചതിന് ശേഷം ശനിയാഴ്ച കിഴക്കന്‍ മാസച്യുസിറ്റ്‌സിനെ ശക്തമായ ശൈത്യകാല കൊടുങ്കാറ്റ് കീഴടക്കി. പ്രദേശത്ത് ജനജീവിതം ദുസഹമായിട്ടുണ്ട്. കിഴക്കന്‍ തീരത്തിന്റെ വ്യാപകമായ ഭാഗങ്ങളില്‍ ഹിമപാത മുന്നറിയിപ്പ് പ്രാബല്യത്തില്‍ വന്നു. പ്രദേശത്തുടനീളമുള്ള ആളുകള്‍ തണുത്തുറഞ്ഞ താപനില, കനത്ത മഞ്ഞുവീഴ്ച, മോശപ്പെട്ട യാത്രാ സാഹചര്യങ്ങള്‍, വ്യാപകമായ വൈദ്യുതി തകരാറുകള്‍ എന്നിവ അഭിമുഖീകരിക്കുന്നു. കൊടുങ്കാറ്റ് ശമിക്കുമെന്ന് പ്രതീക്ഷിക്കുന്നു, എന്നാല്‍ വടക്കുകിഴക്കന്‍ തീരപ്രദേശങ്ങളില്‍ ഒരടിയിലധികം മഞ്ഞും കിഴക്കന്‍ മാസച്യുസിറ്റ്‌സിന്റെ ഭാഗങ്ങളില്‍ രണ്ടടിയിലോ അതില്‍ കൂടുതലോ …

നോര്‍ത്ത് കാരലൈന: നോര്‍ത്ത് കാരലൈനാ ആറാമത് കണ്‍ഗ്രഷണല്‍ ഡിസ്ട്രിക്റ്റില്‍ നിന്നും യുഎസ് കോണ്‍ഗ്രസ്സിലേക്ക് മത്സരിക്കുന്ന ഇന്ത്യന്‍ അമേരിക്കന്‍ സ്ഥാനാര്‍ഥി നൈദ അല്ലത്തിന് പിന്തുണ വര്‍ധിക്കുന്നു ഏഷ്യന്‍ അമേരിക്കന്‍ ആന്റ് പസഫിക്ക് ഐലന്റേഴ്‌സ് (എഎപിഐ), വിക്ടറി ഫണ്ട്, ഇന്ത്യന്‍ അമേരിക്കന്‍ ഇംപാക്റ്റ് ഫണ്ട് എന്നീ പ്രമുഖ സംഘടനകളാണ് പുതിയതായി സ്ഥാനാര്‍ത്ഥിയെ എന്‍ഡോഴ്‌സ് ചെയ്യുന്നതായി പ്രസ്താവന ഇറക്കിയിരിക്കുന്നത്. എഎപിഐ വിക്ടറി ഫണ്ട് ചെയര്‍മാന്‍, നോര്‍ത്ത് കരോലീനായില്‍ പ്രോഗസ്സീവ് മൂവ്‌മെന്റിന്റെ ചാംമ്പ്യന്‍ എന്നാണ് അല്ലത്തെ വിശേഷിപ്പിച്ചത്. ഇവര്‍ ഉള്‍പ്പെടുന്ന പ്രദേശങ്ങളില്‍ ജനങ്ങളുടെ പിന്തുണ നേടാനായിട്ടുണ്ടെന്നും അദ്ദേഹം കൂട്ടിച്ചേര്‍ത്തു. മിഡ്ടേം …

ന്യൂയോര്‍ക്ക് : യുഎസ്-കാനഡ അതിര്‍ത്തിയില്‍ കൊടുംതണുപ്പില്‍ മരിച്ച ഇന്ത്യന്‍ കുടുംബത്തെ തിരിച്ചറിഞ്ഞു. ഗുജറാത്തില്‍ നിന്നുള്ള ജഗദീഷ് പട്ടേല്‍ (39), ഭാര്യ വൈശാലിബെന്‍ (37), മകള്‍ വിഹാംഗി (11), മകന്‍ ധാര്‍മിക് (3) എന്നിവരെയാണ് അതിര്‍ത്തിയില്‍ നിന്ന് 12 മീറ്റര്‍ അകലെ എമേഴ്‌സണിലെ മാനിടോബയില്‍ മരിച്ച നിലയില്‍ കണ്ടെത്തിയത്. ജനുവരി 12ന് ടൊറന്റോയിലെത്തിയ ഇവര്‍ 18നാണ് എമേഴ്‌സണിലെത്തിയത്. യുഎസിലേക്കു മനുഷ്യക്കടത്തു നടത്തുന്ന ആരോ ഇവരെ അതിര്‍ത്തി വരെ കാറിലെത്തിച്ചശേഷം അവിടെ വിട്ടിട്ടുപോയതാണെന്നു കരുതുന്നു. മനുഷ്യക്കടത്തുകാരനെന്നു കരുതുന്ന സ്റ്റീവ് ഷാന്‍ഡ് (47) എന്നയാളെ പിറ്റേ ദിവസം അതിര്‍ത്തിയില്‍ …

വാഷിങ്ടന്‍: യുഎസില്‍ ഒമിക്രോണ്‍ വകഭേദം അതിവേഗം പടര്‍ന്നുപിടിക്കുന്നു. ഓരോ ദിവസവും രോഗബാധിതരാകുന്ന അമേരിക്കക്കാരുടെ എണ്ണം അപകടരമാവിധം ഉയര്‍ന്ന നിലയില്‍ തുടരുകയാണ്. രോഗബാധിതരുടെ എണ്ണത്തില്‍ സമീപദിവസങ്ങളില്‍ കുറവുണ്ടെങ്കിലും മരണനിരക്ക് ഉയരുന്നത് ആശങ്കയാണ്. മുന്‍കാല കുതിച്ചുചാട്ടത്തേക്കാള്‍ കൂടുതല്‍ കോവിഡ് കേസുകള്‍ യുഎസ് ഒരു ദിവസം തിരിച്ചറിയുന്നത് തുടരുകയാണ്. ഡെല്‍റ്റ വകഭേദത്തേക്കാള്‍ വളരെ വേഗത്തിലാണ് ഒമിക്രോണ്‍ വ്യാപനം. മരണനിരക്കും ഡെല്‍റ്റ വകഭേദത്തേക്കാള്‍ വളരെ ഉയര്‍ന്നതാണ്. 2,267 കോവിഡ് മരണങ്ങളാണ് വ്യാഴാഴ്ച മാത്രം യുഎസില്‍ റിപ്പോര്‍ട്ടില്‍ ചെയ്തത് വെള്ളിയാഴ്ച 3,000 മരണങ്ങളും റിപ്പോര്‍ട്ട് ചെയ്തു. ഡെല്‍റ്റ വകഭേദം ഏറ്റവും രൂക്ഷമായ …

ബെയ്ജിങ്: കോവിഡ് മഹാമാരിയില്‍ ലോകം പകച്ചുനില്‍ക്കുന്നതിനിടയില്‍ കൂടുതല്‍ ഞെട്ടിപ്പിക്കുന്ന മുന്നറിയിപ്പുമായി ചൈനയിലെ വുഹാനില്‍നിന്നുള്ള ഗവേഷകര്‍. ദക്ഷിണാഫ്രിക്കയില്‍ കണ്ടെത്തിയ ‘നിയോകോവ്’ എന്ന പുതിയ തരം കൊറോണ വൈറസ് അതിമാരകമാണെന്നാണ് വുഹാനിലെ ഗവേഷകര്‍ വ്യക്തമാക്കുന്നത്. അതിവ്യാപന ശേഷിയുള്ള ഈ വൈറസ് ആയിരങ്ങളുടെ മരണത്തിന് ഇടയാക്കുമെന്നും ഗവേഷകര്‍ മുന്നറിയിപ്പു നല്‍കുന്നു. വുഹാനിലെ ഗവേഷകരെ ഉദ്ധരിച്ച് റഷ്യന്‍ വാര്‍ത്താ ഏജന്‍സിയായ സ്പുട്നിക്കാണ് വാര്‍ത്ത പുറത്തുവിട്ടത്. റിപ്പോര്‍ട്ട് പ്രകാരം ‘നിയോകോവ്’ പുതിയ വൈറസല്ല. മെര്‍സ് കോവ് വൈറസുമായി ബന്ധമുള്ള ഇത് 2012ലും 2015ലും മധ്യപൂര്‍വേഷന്‍ രാജ്യങ്ങളില്‍ റിപ്പോര്‍ട്ട് ചെയ്തിരുന്നുവെന്നാണ് പറയുന്നത്. സാര്‍സ് …

വാഷിങ്ടന്‍: യുക്രെയ്‌നെ ആക്രമിച്ചാല്‍ പടിഞ്ഞാറന്‍ യൂറോപ്പുമായി ബന്ധിപ്പിക്കുന്ന റഷ്യയുടെ പ്രധാന വാതക പൈപ്പ് ലൈന്‍ പദ്ധതി മുടങ്ങുമെന്ന് യുഎസ് മുന്നറിയിപ്പ്. അധിനിവേശം നടത്തിയാല്‍ റഷ്യയെ സാമ്പത്തികമായി തകര്‍ക്കുന്നതിനുള്ള നടപടികളുമായി മുന്നോട്ട് പോകുമെന്ന് പാശ്ചാത്യ രാജ്യങ്ങളും മുന്നറിയിപ്പ് നല്‍കി. റഷ്യയില്‍ നിന്നും ജര്‍മനിയിലേക്ക് പോകുന്ന നോര്‍ഡ് സ്ട്രീം 2 പൈപ്പ്ലൈന്‍ ആണ് യുഎസ് തകര്‍ക്കുമെന്ന് മുന്നറിയിപ്പ് നല്‍കിയത്. സമീപകാലത്താണു റഷ്യയില്‍നിന്നുള്ള ഈ വാതക പൈപ്പ് ലൈന്‍ പൂര്‍ത്തിയായത്. വാതകവിതരണം ആരംഭിച്ചിട്ടുമില്ല. നിലവില്‍ 27 അംഗ യൂറോപ്യന്‍ യൂണിയന്‍ രാജ്യങ്ങളുടെ പ്രകൃതി വാതക ഇറക്കുമതിയുടെ 40 ശതമാനത്തോളം …

കാന്‍ബറ: ചൈനീസ് സമൂഹമാധ്യമമായ വീ ചാറ്റിലെ ഓസ്‌ട്രേലിയന്‍ പ്രധാനമന്ത്രി സ്‌കോട്ട് മോറിസന്റെ അക്കൗണ്ടില്‍ ‘അട്ടിമറി.’ സ്‌കോട്ട് മോറിസന്റെ പേരിലുണ്ടായിരുന്ന അക്കൗണ്ടിന്റെ പേര് ഈ മാസമാദ്യം ‘ഓസ്‌ട്രേലിയന്‍ ചൈനീസ് ന്യൂ ലൈഫ്’ എന്ന് ആരോ മാറ്റിയിരുന്നു. പ്രധാനമന്ത്രിയുടെ പടവും മാറ്റി. 76,000 ഫോളോവേഴ്‌സാണ് അക്കൗണ്ടിനുള്ളത്. പ്രധാനമന്ത്രിയുടെ ഓഫിസ് സംഭവത്തെക്കുറിച്ച് പ്രതികരിച്ചിട്ടില്ല. ഹാക്കിങ് നടന്നതായി കണ്ടെത്തിയിട്ടില്ലെന്നും അക്കൗണ്ട് ഉടമസ്ഥത സംബന്ധിച്ച തര്‍ക്കമാണെന്നു കരുതുന്നതായും വീ ചാറ്റ് വിശദീകരിച്ചു.  

വാഷിങ്ടന്‍: കൊടുംശൈത്യത്തില്‍ കാല്‍നടയായി യുഎസില്‍ പ്രവേശിക്കാന്‍ ശ്രമിക്കുന്നതിനിടെ അനധികൃത കുടിയേറ്റത്തിന് അറസ്റ്റിലായ ഇന്ത്യന്‍ സംഘത്തിലെ സ്ത്രീയുടെ കൈക്ക് ഗുരുതര പരുക്ക്. ‘ഫ്രോസ്റ്റ്‌ബൈറ്റ്’ ബാധിച്ച് അപകടകരമാംവിധം മരവിച്ച കൈ ഇനി ഭാഗികമായി മുറിച്ചുമാറ്റേണ്ടി വരും. യുഎസ്-കാനഡ അതിര്‍ത്തിയില്‍നിന്ന് വിമാനത്തില്‍ ആശുപത്രിയിലെത്തിക്കുന്നതിനിടെ ഇവര്‍ക്കു പലവട്ടം ശ്വാസതടസ്സവുമുണ്ടായി. കൊച്ചുകുട്ടി ഉള്‍പ്പെടെ 4 പേരടങ്ങിയ ഇന്ത്യന്‍ കുടുംബം അതിര്‍ത്തി കടന്നു യുഎസിലേക്കു പ്രവേശിക്കാന്‍ ശ്രമിക്കുമ്പോള്‍ കൊടുംശൈത്യത്തില്‍ മരിച്ചിരുന്നു.