ബെയ്ജിങ്: മാര്‍ച്ചില്‍ 132 പേരുടെ മരണത്തിനിടയാക്കിയ ചൈന ഈസ്റ്റേണ്‍ വിമാനദുരന്തത്തിനു പിന്നില്‍ അപകടസമയത്ത് കോക്പിറ്റിനുള്ളില്‍ ഉണ്ടായിരുന്ന ഒരാളാണെന്ന് ബ്ലാക്‌ബോക്‌സ് പരിശോധന നടത്തിയ യുഎസ് അന്വേഷകരുടെ പ്രാഥമിക റിപ്പോര്‍ട്ട്. വിമാനത്തിന് തകരാറുകളൊന്നും ഉണ്ടായിരുന്നില്ല. ആശയവിനിമയ സംവിധാനവും ഭദ്രമായിരുന്നു. പറന്നുകൊണ്ടിരുന്ന വിമാനം 29,000 അടി ഉയരത്തില്‍ നിന്നു പെട്ടെന്നു താഴേക്കു പതിച്ചത് പൈലറ്റ് അല്ലെങ്കില്‍ അപ്പോള്‍ കോക്പിറ്റിനുള്ളില്‍ ഉണ്ടായിരുന്ന മറ്റൊരാളുടെ ഇടപെടല്‍ മൂലമാണ്. വിമാനം മൂക്കുകുത്തി താഴേക്കു പതിക്കത്തക്കവിധം പൈലറ്റ് ഇടപെടല്‍ നടത്തിയത് ബ്ലാക് ബോക്‌സില്‍ രേഖപ്പെടുത്തിയിട്ടുണ്ട്. ഇത് പൈലറ്റ് സ്വയം ചെയ്തതോ മറ്റാരുടെയെങ്കിലും നിര്‍ദേശപ്രകാരം ചെയ്തതോ …

വാഷിങ്ടന്‍ :യുഎസിനെ ആക്രമിക്കാന്‍ മനുഷ്യ നിര്‍മിത കൊടുങ്കാറ്റുകള്‍ സൃഷ്ടിക്കാന്‍ ചൈനയ്ക്കു കഴിയുമോയെന്നു മുന്‍ യുഎസ് പ്രസിഡന്റ് ഡോണള്‍ഡ് ട്രംപ് തങ്ങളോടു ചോദിച്ചിരുന്നതായി സഹായികളുടെ വെളിപ്പെടുത്തല്‍. റോളിങ് സ്റ്റോണ്‍ മാസികയ്ക്ക് അനുവദിച്ച അഭിമുഖത്തിലായിരുന്നു വെളിപ്പെടുത്തല്‍. കൃത്രിമ കൊടുങ്കാറ്റ് സൃഷ്ടിച്ച് ചൈന യുഎസില്‍ വന്‍ നാശം വിതയ്ക്കുമെന്നു ട്രംപ് ഭയപ്പെട്ടിരുന്നതായി പേരു വെളിപ്പെടുത്താന്‍ ആഗ്രഹിക്കാത്ത മുതിര്‍ന്ന ഉദ്യോഗസ്ഥരെ ഉദ്ധരിച്ച് റോളിങ് സ്റ്റോണ്‍ റിപ്പോര്‍ട്ട് ചെയ്തു. ആണവായുധങ്ങള്‍ ഉപയോഗിച്ചു വലിയ കൊടുങ്കാറ്റുകളെ തകര്‍ക്കാന്‍ സാധിക്കുമോയെന്ന് അദ്ദേഹം തന്നോട് ഇടയ്ക്കിടെ ചോദിച്ചിരുന്നതായി സഹായികളില്‍ ഒരാള്‍ പറഞ്ഞു. ട്രംപിന്റെ ചോദ്യത്തിനു പിന്നാലെ …

കൊളംബോ: രാജിവച്ച ശ്രീലങ്കന്‍ പ്രധാനമന്ത്രി മഹിന്ദ രാജപക്‌സെയുടെ വീട് കത്തിച്ച് പ്രക്ഷോഭകാരികള്‍. മഹിന്ദ, പ്രസിഡന്റ് ഗോട്ടബയ രാജപക്‌സെയ്ക്കു രാജി സമര്‍പ്പിച്ചതിനു തൊട്ടുപിന്നാലെയാണ് കുരുനെഗല നഗരത്തിലെ വീട് പ്രതിഷേധക്കാര്‍ അഗ്‌നിക്കിരയാക്കിയത്. മഹിന്ദയുടെ സ്വകാര്യ വസതിയാണിത്. ശ്രീലങ്കയില്‍ സര്‍ക്കാര്‍ അനുകൂലികളും പ്രതിപക്ഷ പാര്‍ട്ടി പ്രവര്‍ത്തകരും തമ്മിലുള്ള സംഘര്‍ഷം തുടരുകയാണ്. പ്രതിഷേധം കൂടുതല്‍ ഇടങ്ങളിലേക്കു വ്യാപിക്കുകയാണെന്നു രാജ്യാന്തര മാധ്യമങ്ങള്‍ റിപ്പോര്‍ട്ട് ചെയ്തു. ലങ്കയിലെ മൊറാട്ടുവ മേയര്‍ സമന്‍ ലാല്‍ ഫെര്‍നാണ്ടോ, എംപിമാരായ സനത് നിഷാന്ത, രമേഷ് പതിരന, മഹിപാല ഹെറാത്, തിസ കുറ്റിയറച്ചി, നിമല്‍ ലാന്‍സ എന്നിവരുടെ ഔദ്യോഗിക …

കൊളംബോ : ശ്രീലങ്കയില്‍ പ്രസിഡന്റ് ഗോട്ടബയ രാജപക്‌സെ അടിയന്തരാവസ്ഥ പ്രഖ്യാപിച്ചു. വെള്ളിയാഴ്ച അര്‍ധരാത്രി മുതലാണ് അടിയന്തരാവസ്ഥ. രാജ്യത്തെ സാമ്പത്തിക പ്രതിസന്ധിയില്‍ പ്രതിഷേധം ശക്തമായി തുടരുന്നതിനിടെയാണ് ലങ്കന്‍ പ്രസിഡന്റ് വീണ്ടും അടിയന്തരാവസ്ഥ പ്രഖ്യാപിച്ചത്. ഇതോടെ സര്‍ക്കാര്‍വിരുദ്ധ പ്രതിഷേധങ്ങള്‍ അടിച്ചമര്‍ത്താന്‍ സൈന്യത്തിനു പൂര്‍ണ അധികാരം ലഭിക്കും. അഞ്ചാഴ്ചയ്ക്കിടെ രണ്ടാം തവണയാണു ശ്രീലങ്കയില്‍ അടിയന്തരാവസ്ഥ ഏര്‍പ്പെടുത്തുന്നത്. ‘പൊതുക്രമം ഉറപ്പാക്കുന്നതിനു വേണ്ടിയാണ്’ അടിയന്തരാവസ്ഥയെന്നാണു പ്രസിഡന്റിന്റെ വക്താവിന്റെ പ്രതികരണം. പ്രസിഡന്റിന്റെ രാജി ആവശ്യപ്പെട്ട് വെള്ളിയാഴ്ച തൊഴിലാളി യൂണിയനുകള്‍ രാജ്യവ്യാപക പ്രതിഷേധങ്ങള്‍ സംഘടിപ്പിച്ചിരുന്നു. ലങ്കന്‍ പാര്‍ലമെന്റിനു സമീപം പ്രതിഷേധിച്ചവര്‍ക്കു നേരെ പൊലീസ് കണ്ണീര്‍ …

കീവ്: യുക്രെയ്‌നില്‍ കടന്നുകയറിയ റഷ്യന്‍ സൈനികര്‍ യുക്രെയ്ന്‍ സ്ത്രീകളെ വ്യാപകമായി ബലാത്സംഗത്തിന് ഇരകളാക്കിയെന്ന ഞെട്ടിക്കുന്ന റിപ്പോര്‍ട്ടുകള്‍ക്കിടെ, ബലാത്സംഗത്തിന് ഇരകളായവരില്‍ പുരുഷന്‍മാരും ആണ്‍കുട്ടികളുമുണ്ടെന്നു പുതിയ വെളിപ്പെടുത്തല്‍. ഇതുമായി ബന്ധപ്പെട്ട കേസുകളില്‍ അന്വേഷണം പുരോഗമിക്കുകയാണെന്ന് ഐക്യരാഷ്ട്ര സംഘടനയും യുക്രെയ്ന്‍ അധികൃതരും വെളിപ്പെടുത്തി. പുരുഷന്‍മാരും ആണ്‍കുട്ടികളും ലൈംഗിക പീഡനത്തിന് ഇരകളായ സംഭവത്തില്‍ ഇതുവരെ പുറത്തുവന്നത് ‘മഞ്ഞുമലയുടെ അറ്റം’ മാത്രമാണെന്ന ആശങ്കയും അധികൃതര്‍ പങ്കുവച്ചു. ‘ഇതുമായി ബന്ധപ്പെട്ട ചില പരാതികള്‍ ലഭിച്ചിട്ടുണ്ട്. പുരുഷന്‍മാരും ആണ്‍കുട്ടികളും ലൈംഗിക പീഡനത്തിന് ഇരകളായതായാണ് റിപ്പോര്‍ട്ട്. ഇക്കാര്യം ഇതുവരെ ഔദ്യോഗികമായി സ്ഥിരീകരിക്കാനായിട്ടില്ല’ – യുദ്ധമേഖലകളിലെ ലൈംഗിക …

കീവ്: റഷ്യന്‍ ആക്രമണത്തില്‍ യുക്രെയ്‌നില്‍ മൂവായിരത്തിലേറെ ആളുകള്‍ കൊല്ലപ്പെട്ടെന്ന് ഐക്യരാഷ്ട്ര സംഘടന. യുക്രെയ്‌നിനു മേല്‍ റഷ്യ ആക്രമണം ആരംഭിച്ച ഫെബ്രുവരി 24 മുതലുള്ള കണക്കുകള്‍ പ്രകാരം ഇതുവരെ 3,153 സാധാരണക്കാരാണ് കൊല്ലപ്പെട്ടെന്നാണ് വിവരം. എന്നാല്‍ യഥാര്‍ഥ കണക്കുകള്‍ ഇതിലും കൂടുതലാവാം. അനവധി ആളുകള്‍ കൊല്ലപ്പെട്ട മരിയുപോള്‍ ഉള്‍പ്പെടെയുള്ള മേഖലകളില്‍ നിന്നുള്ള വിവരങ്ങള്‍ ലഭിക്കുന്നതിലെ ബുദ്ധിമുട്ടാണ് യഥാര്‍ഥ കണക്കുകള്‍ തിട്ടപ്പെടുത്തുന്നതില്‍ കാലതാമസത്തിന് ഇടയാക്കുന്നത്. മരിയുപോളില്‍ 80 ശതമാനം മുതല്‍ 90 ശതമാനം വരെ കെട്ടിടങ്ങള്‍ റഷ്യന്‍ ആക്രമണത്തില്‍ തകര്‍ന്നതായാണ് വിവരം.  

കീവ്: യുക്രെയ്‌നിന്റെ തലസ്ഥാനമായ കീവ് ഉള്‍പ്പെടെ പ്രധാന നഗരങ്ങളിലെല്ലാം തീമഴ പെയ്യിച്ച് റഷ്യ ആക്രമണം തീവ്രമാക്കി. കീവില്‍ 25 നില അപ്പാര്‍ട്‌മെന്റ് സമുച്ചയത്തിന്റെ താഴത്തെ 2 നിലകള്‍ തകര്‍ത്ത മിസൈല്‍ ആക്രമണത്തില്‍ പ്രാഗ് ആസ്ഥാനമായുള്ള റേഡിയോ ലിബര്‍ട്ടിയുടെ ജേണലിസ്റ്റ് വീര ഹൈറിച്ച് കൊല്ലപ്പെട്ടു. 10 പേര്‍ക്കു പരുക്കേറ്റു. യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസ് കീവ് സന്ദര്‍ശിക്കുന്നതിനിടെയാണ് രണ്ടിടത്ത് മിസൈല്‍ ആക്രമണം ഉണ്ടായത്. മരിയുപോളിലും ഡോണെറ്റ്‌സ്‌കിലും പൊളോണിലും ചെര്‍ണിഹീവിലും കനത്ത ആക്രമണം തുടരുന്നു. വന്‍ നാശമുണ്ടായതായി സമ്മതിച്ച യുക്രെയ്ന്‍ പ്രതിരോധ മന്ത്രി ഒലെക്‌സി റെസിനോവ് …

ന്യൂയോര്‍ക്ക്: യുക്രെയ്ന്‍ യുദ്ധം തീരുന്നതിനു മുന്‍പ്, ആര്‍എസ് 28 സാര്‍മാറ്റ് എന്ന ശക്തമായ ഭൂഖണ്ഡാന്തര ബാലിസ്റ്റിക് മിസൈല്‍ (ഐസിബിഎം) റഷ്യ പരീക്ഷിച്ചത് ആശങ്കയുയര്‍ത്തുന്നു. സാത്താന്‍ -2 എന്നും അറിയപ്പെടുന്ന മിസൈലിനു ലോകത്ത് ഏതു ലക്ഷ്യവും തകര്‍ക്കാനുള്ള ശേഷിയുണ്ടെന്നാണു റഷ്യന്‍ പ്രസിഡന്റ് വ്‌ലാഡിമിര്‍ പുട്ടിന്‍ അവകാശപ്പെട്ടത്. നിലവിലെ യാതൊരു പ്രതിരോധ സംവിധാനങ്ങളും ഈ മിസൈലിനെ തടുക്കാന്‍ ഉപകരിക്കില്ലെന്നും വാദമുണ്ട്. വിവിധ ലോകരാജ്യങ്ങളും ശാക്തിക ചേരികളും ഐസിബിഎം പരീക്ഷണങ്ങളും വികസനവും വര്‍ധിത തോതില്‍ നടത്തുന്ന, മിസൈല്‍ കിടമത്സരത്തിലേക്കും പ്രതിസന്ധിയിലേക്കും പോകാന്‍ സാര്‍മാറ്റ് വഴിയൊരുക്കുമോ എന്നാണ് യുദ്ധനിരീക്ഷകര്‍ മുന്നോട്ടു …

കീവ്: ഡോണ്‍ബാസ് ഉള്‍പ്പെടെ കിഴക്കന്‍ മേഖല റഷ്യയ്ക്ക് അടിയറ വച്ച് യുദ്ധം അവസാനിപ്പിക്കാന്‍ ഒരുക്കമല്ലെന്ന് യുക്രെയ്ന്‍ പ്രസിഡന്റ് വൊളോഡിമിര്‍ സെലെന്‍സ്‌കി പ്രഖ്യാപിച്ചു. സമാധാന ചര്‍ച്ചകള്‍ യുക്രെയ്ന്‍ ഉഴപ്പുകയാണെന്ന് ആരോപിച്ച റഷ്യ, തന്ത്രപ്രധാന സൈനികകേന്ദ്രങ്ങളില്‍ ബോംബാക്രമണം രൂക്ഷമാക്കി. ഇത്തരം 16 കേന്ദ്രങ്ങള്‍ തകര്‍ത്തെന്ന് പ്രതിരോധ മന്ത്രാലയം അറിയിച്ചു. ഹര്‍കീവ്, സപോറീഷ, ഡോനെട്‌സ്‌ക്, നിപ്രോപെട്രോവ്‌സ് മേഖലകളിലും മിക്കലയേവ് തുറമുഖത്തുമാണ് ആക്രമണം നടത്തിയത്. റഷ്യന്‍ അധിനിവേശം തുടങ്ങി 54-ാം ദിവസമായ ഇന്നലെ ലിവിവ് നഗരത്തിലെ ബോംബാക്രമണത്തില്‍ 7 പേര്‍ മരിച്ചു. കീവിലും ഹര്‍കീവിലുമായി 3 പേര്‍ കൊല്ലപ്പെട്ടു. കീഴടങ്ങാനുള്ള …

സിഡ്‌നി: സൂര്യന്റെ കാന്തികമണ്ഡലം സജീവമായതിനെത്തുടര്‍ന്നുണ്ടായ സൗരജ്വാലകളില്‍ (സോളര്‍ ഫ്‌ലെയര്‍) ഇന്നലെ ഓസ്‌ട്രേലിയയിലെയും തെക്കുകിഴക്കന്‍ ഏഷ്യയിലെയും 30 മെഗാഹെട്‌സില്‍ താഴെയുള്ള റേഡിയോ വിനിമയങ്ങള്‍ തകരാറിലായി. 2025 വരെ സുര്യന്റെ കാന്തികമണ്ഡലം ഓരോ ദിവസവും സജീവമായിക്കൊണ്ടിരിക്കുമെന്നാണു ശാസ്ത്രജ്ഞര്‍ പറയുന്നത്. സൗരജ്വാലകളും സൗരവാതങ്ങളും കൊറോണല്‍ മാസ് ഇജക്ഷന്‍ എന്ന പ്രതിഭാസവുമൊക്കെ ഇക്കാലയളവില്‍ ഇടയ്ക്കിടെയുണ്ടാകാനുള്ള സാധ്യത ഏറെയാണ്. സൂര്യന്റെ വിദൂരഭാഗത്തെ സ്‌ഫോടനത്തെത്തുടര്‍ന്നാണ് സൗരജ്വാലകള്‍ രൂപംകൊള്ളുന്നത്. സൂര്യന്റെ ഭ്രമണത്തിന്റെ ഭാഗമായി ഇവ ഭൂമിയില്‍ എത്തുന്നു. വരുംദിവസങ്ങളിലും ഇതു തുടരാമെന്നും സൗരവാതത്തിനും സാധ്യതയുണ്ടെന്നും ശാസ്ത്രജ്ഞര്‍ മുന്നറിയിപ്പു നല്‍കി. ശക്തമായ സൗരജ്വാലകള്‍ അന്തരീക്ഷത്തിലെത്തി റേഡിയോ …