കീവ്: വിഷം കലര്‍ത്തിയ കേക്കും മദ്യവും നല്‍കി റഷ്യന്‍ സൈനികരെ യുക്രെയ്ന്‍ പൗരന്മാര്‍ കൊലപ്പെടുത്തിയതായി റിപ്പോര്‍ട്ട്. ഖാര്‍കിവ് മേഖലയിലെ ഇസിയം എന്ന നഗരത്തിലാണ് സംഭവമെന്ന് രാജ്യാന്തരമാധ്യമങ്ങള്‍ റിപ്പോര്‍ട്ട് ചെയ്തു. റഷ്യയുടെ മൂന്നാം മോട്ടര്‍ റൈഫിള്‍ ഡിവിഷന്റെ ഭാഗമായ സൈനികരാണ് കൊല്ലപ്പെട്ടതെന്ന് യുക്രെയ്ന്‍ ഡയറക്ടറേറ്റ് ഓഫ് ഇന്റലിജന്‍സിന്റെ ഫെയ്‌സ്ബുക് കുറിപ്പില്‍ അറിയിച്ചു. കേക്കുകളില്‍ വിഷം കലര്‍ത്തി സൈനികര്‍ക്കു നല്‍കുകയായിരുന്നു. രണ്ടു പേരാണ് കൊല്ലപ്പെട്ടത്. 28 പേര്‍ അത്യാഹിത വിഭാഗത്തില്‍ ചികിത്സയിലാണ്. മറ്റൊരു സംഭവത്തില്‍ വിഷം കലര്‍ന്ന മദ്യം കുടിച്ച 500 സൈനികരെ ആശുപത്രിയില്‍ പ്രവേശിപ്പിക്കുകയും ചെയ്തു. …

മോസ്‌കോ: യുക്രെയ്ന്‍ യുദ്ധത്തിന്റെ ആദ്യഘട്ടം അവസാനിച്ചെന്ന് റഷ്യന്‍ സൈന്യം. ഇനി ശ്രദ്ധ റഷ്യ പിന്തുണയ്ക്കുന്ന വിമതരുടെ കൈവശമുള്ള ഡോണ്‍ ബാസിലാകുമെന്നാണ് വിശദീകരണം. ”ആദ്യഘട്ടത്തിലെ പ്രധാന ലക്ഷ്യങ്ങള്‍ പൂര്‍ത്തീകരിച്ചു. യുക്രെയ്ന്‍ സൈന്യത്തിന്റെ സായുധശേഷി ഏറെ കുറയ്ക്കാനായി. ഡോണ്‍ ബാസിന്റെ വിമോചനം എന്ന പ്രധാന ലക്ഷ്യത്തിലേക്ക് കൂടുതല്‍ ശ്രദ്ധ പതിപ്പിക്കാന്‍ ഇത് സഹായകമാകും.” – റഷ്യന്‍ സേനയുടെ ഡപ്യൂട്ടി ചീഫ് സെര്‍ഗെയ് റുഡ്‌സ്‌കോയ് ഇങ്ങനെ പറഞ്ഞതായി വാര്‍ത്താ എജന്‍സികള്‍ റിപ്പോര്‍ട്ടു ചെയ്തു. യുദ്ധം തുടങ്ങി ഒരു മാസവും രണ്ടു ദിവസവും പിന്നിട്ടപ്പോള്‍ റഷ്യന്‍ സൈന്യത്തിന്റെ അപ്രതീക്ഷിത പ്രഖ്യാപനം …

കീവ്: മരിയുപോളിനു സമീപം റഷ്യന്‍ നിയന്ത്രണത്തിലുള്ള ബെര്‍ദ്യാന്‍സ്‌ക് തുറമുഖത്ത് റഷ്യന്‍ കപ്പലുകള്‍ തകര്‍ത്ത് യുക്രെയ്ന്‍ സേന. യുക്രെയ്ന്‍ സൈന്യം പങ്കുവച്ച വിഡിയോയില്‍ തുറമുഖത്ത് കിടക്കുന്ന റഷ്യന്‍ യുദ്ധക്കപ്പലായ ഓര്‍സ്‌ക് കത്തിയമരുന്ന ദൃശ്യങ്ങള്‍ കാണാം. സമീപമുള്ള രണ്ടു കപ്പലുകള്‍ക്കും കേടുപാടുണ്ട്. സൈന്യത്തിനാവശ്യമായ സാമഗ്രികള്‍ എത്തിക്കാന്‍ റഷ്യ ഉപയോഗിച്ചിരുന്ന തുറമുഖമാണ് ബെര്‍ദ്യാന്‍സ്‌ക്. ഓര്‍സ്‌ക് കപ്പല്‍ തുറമുഖത്തെത്തി നങ്കൂരമിടുന്ന ദൃശ്യങ്ങള്‍ കഴിഞ്ഞയാഴ്ച റഷ്യന്‍ ടിവി ചാനലുകള്‍ വലിയ നേട്ടമായി അവതരിപ്പിച്ചിരുന്നു. സ്‌ഫോടനത്തില്‍ ഓര്‍സ്‌ക് പൂര്‍ണമായും നശിച്ചു. തുറമുഖത്തെ മറ്റു കപ്പലുകളുടെ നാശനഷ്ടം എത്രയെന്നു വ്യക്തമല്ല. നാറ്റോ കൂടുതല്‍ സൈനികസഹായം …

കീവ്: യുക്രെയ്ന്‍ നഗരമായ മരിയുപോളില്‍ മാരകശേഷിയുള്ള ബോംബിട്ട് റഷ്യ. തുടര്‍ച്ചയായി ഷെല്ലാക്രമണം നടക്കുന്ന മരിയുപോളില്‍നിന്നും ജനങ്ങളെ രക്ഷിക്കാന്‍ യുക്രെയ്ന്‍ നീക്കം നടത്തുന്നതിനിടെയാണു മാരക ശേഷിയുള്ള രണ്ട് ബോംബുകള്‍ പതിച്ചത്. രണ്ടു ലക്ഷത്തോളം പേരാണു നഗരത്തില്‍ കുടുങ്ങിക്കിടക്കുന്നത്. തകര്‍ന്ന െകട്ടിടങ്ങള്‍ക്കിടയിലൂടെയും മൃതദേഹങ്ങള്‍ക്കിടയിലൂടെയും വളരെ ശ്രമകരമായാണു രക്ഷാപ്രവര്‍ത്തനം നടത്തുന്നതെന്ന് മനുഷ്യാവകാശ പ്രവര്‍ത്തകര്‍ അറിയിച്ചു. കുടുങ്ങിപ്പോയ എല്ലാവരേയും പുറത്തെത്തിക്കാനാണു ശ്രമിക്കുന്നതെന്ന് ഉപപ്രധാനമന്ത്രി ഐറിന വെറെഷുക് അറിയിച്ചു. 3.5 മില്യന്‍ ജനങ്ങളാണ് യുക്രെയ്ന്‍ വിട്ടു പലായനം ചെയ്തത്. യുദ്ധം തുടങ്ങിയതു മുതല്‍ 117 കുട്ടികള്‍ കൊല്ലപ്പെട്ടുവെന്ന് യുക്രെയ്ന്‍ അറിയിച്ചു. 548 …

ബെയ്ജിങ്: ചൈനയില്‍ 133 യാത്രക്കാരുമായി പോയ വിമാനം തകര്‍ന്നു വീണു. ബോയിങ് 737 വിമാനമാണ് തകര്‍ന്നത്. വുഷു നഗരത്തിന്റെ സമീപത്തുള്ള ഗ്രാമപ്രദേശത്താണ് വിമാനം തകര്‍ന്നതെന്നാണ് വിവരം. തകര്‍ന്നുവീണതിനെ തുടര്‍ന്ന് തീപിടിത്തമുണ്ടായതായും റിപ്പോര്‍ട്ടുണ്ട്. ആളപായം സംബന്ധിച്ച കൃത്യമായ വിവരങ്ങള്‍ പുറത്തുവന്നിട്ടില്ല. രക്ഷാപ്രവര്‍ത്തകര്‍ സംഭവസ്ഥലത്തേക്ക് തിരിച്ചതായി ചൈനീസ് മാധ്യമങ്ങള്‍ റിപ്പോര്‍ട്ട് ചെയ്തു.  

ബെയ്ജിങ്: യുക്രെയ്ന്‍-റഷ്യ യുദ്ധത്തിന്റെ സ്ഥിതിഗതികള്‍ വിലയിരുത്തി യുഎസും ചൈനയും. ചൈനീസ് പ്രസിഡന്റ് ഷി ചിന്‍പിങും യുഎസ് പ്രസിഡന്റ് ജോ ബൈഡനും രണ്ട് മണിക്കൂര്‍ വിഡിയോ കോളില്‍ യുദ്ധവുമായി ബന്ധപ്പെട്ട ആശങ്കകള്‍ പങ്കുവച്ചു. ഇപ്പോഴത്തെ യുദ്ധത്തിനോട് ആര്‍ക്കും താല്‍പര്യമില്ലെന്ന് ചൈനീസ് പ്രസിഡന്റ് പറഞ്ഞു. ചരിത്രത്തിന്റെ ശരിയായ ഭാഗത്ത് ചൈന നില്‍ക്കേണ്ടതുണ്ട്. അത് ആവശ്യമാണ്. ഇപ്പോള്‍ യുക്രെയ്‌നില്‍ നടക്കുന്ന സംഭവവികാസങ്ങള്‍ ആരും ആഗ്രഹിക്കുന്നില്ല. സമാധാനവും സുരക്ഷയുമാണ് രാജ്യാന്തര സമൂഹത്തിന്റെ ഏറ്റവും മൂല്യവത്തായ നിധികള്‍. ചൈനയും യുഎസും രാജ്യാന്തര ഉത്തരവാദിത്തങ്ങള്‍ ഏറ്റെടുക്കണമെന്നും ഷി ചിന്‍പിങ് പറഞ്ഞു. പുട്ടിനെ പിന്തുയ്ക്കുകയാണോ …

ന്യൂയോര്‍ക്ക്: ലോകം കാത്തുകാത്തിരുന്ന റോക്കറ്റ് വിക്ഷേപണത്തറയില്‍. ചന്ദ്രനിലേക്ക് മനുഷ്യനെ കൊണ്ടുപോകുന്ന നാസയുടെ നവീന ദൗത്യമായ ആര്‍ട്ടിമിസിലെ യാത്രികരെ വഹിക്കുന്ന ‘സ്‌പേസ് ലോഞ്ച് സിസ്റ്റം (എസ്എല്‍എസ്) റോക്കറ്റ്, ഫ്‌ലോറിഡയിലെ കെന്നഡി സ്‌പേസ് സെന്ററിന്റെ വിക്ഷേപണത്തറയില്‍ ഒരുങ്ങിനില്‍ക്കുന്നതിന്റെ ചിത്രം നാസ പുറത്തുവിട്ടു. മനുഷ്യരെ ചന്ദ്രനില്‍ എത്തിച്ച അപ്പോളോ ദൗത്യങ്ങളെ വഹിച്ച സാറ്റേണ്‍ ഫൈവ് റോക്കറ്റിന്റെ പിന്‍ഗാമിയാണ് എസ്എല്‍എസ്. റോക്കറ്റില്‍ ഘടിപ്പിക്കുന്ന ‘ഓറിയണ്‍’ എന്ന പേടകത്തിലാകും യാത്രികര്‍ ഇരിക്കുക. ലോകത്തിലെ ഏറ്റവും കരുത്തുറ്റ റോക്കറ്റായ എസ്എല്‍എസിന് 32 നില കെട്ടിടത്തിന്റെ ഉയരം വരും (365 അടി). ഇത് ഇന്ത്യയുടെ …

ടോക്യോ: ജപ്പാനിലെ ഫുകുഷിമ മേഖലയില്‍ ശക്തമായ ഭൂചലനം. 7.3 തീവ്രത രേഖപ്പെടുത്തി. ഭൂചലനത്തിനു പിന്നാലെ 20 ലക്ഷത്തോളം വീടുകളില്‍ വൈദ്യുതി ബന്ധം തകരാറിലായി. ജപ്പാന്റെ വടക്കുകിഴക്കന്‍ തീരമേഖലയില്‍ സൂനാമി മുന്നറിയിപ്പു നല്‍കിയിട്ടുണ്ട്. ഫുകുഷിമ തീരത്ത് 60 കിലോമീറ്റര്‍ അടിയിലാണു ഭൂചലനത്തിന്റെ പ്രഭവകേന്ദ്രം. ആര്‍ക്കെങ്കിലും പരുക്കേറ്റതായി വിവരമില്ല. വൈദ്യുതി നഷ്ടമായ വീടുകളില്‍ ഏഴു ലക്ഷത്തോളം എണ്ണം ടോക്യോയിലാണെന്ന് വൈദ്യുതി വിതരണ കമ്പനി അറിയിച്ചു. വടക്കുകിഴക്കന്‍ മേഖലയിലെ 1,56,000 ലക്ഷം വീടുകള്‍ ഇരുട്ടിലായെന്നു ടൊഹോകു ഇലക്ട്രിക് പവര്‍ പ്രതികരിച്ചു. സാഹചര്യത്തെക്കുറിച്ചു കൂടുതല്‍ വിവരങ്ങള്‍ ശേഖരിച്ചുവരികയാണെന്നു പ്രധാനമന്ത്രി ഫുമിയോ …

മോസ്‌കോ: യുഎസ് പ്രസിഡന്റ് ജോ ബൈഡനും മുതിര്‍ന്ന ഉദ്യോഗസ്ഥര്‍ക്കും ഉപരോധം ഏര്‍പ്പെടുത്തി റഷ്യ. ജോ ബൈഡനുള്‍പ്പെടെ 13 പേരെയാണ് റഷ്യ ഉപരോധ പട്ടികയില്‍ ഉള്‍പ്പെടുത്തിയത്. ഇതില്‍ യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍, പ്രതിരോധ സെക്രട്ടറി ലോയഡ് ഓസ്റ്റിന്‍, സിഐഎ മേധാവി വില്യം ബന്‍സ്, ദേശീയ സുരക്ഷാ വക്താവ് ജെയ്ക് സള്ളിവന്‍ എന്നിവരും ഉള്‍പ്പെടും. യുക്രെയ്ന്‍ അധിനിവേശത്തെ തുടര്‍ന്ന് റഷ്യന്‍ ഉദ്യോഗസ്ഥര്‍ക്ക് യുഎസ് ഉപരോധം ഏര്‍പ്പെടുത്തിയതിനു പകരമായാണ് ഈ നീക്കം. ഇവരെ റഷ്യയില്‍ പ്രവേശിക്കുന്നത് തടഞ്ഞുകൊണ്ടുള്ള സ്റ്റോപ് ലിസ്റ്റില്‍ ഉള്‍പ്പെടുത്തി.  

ലണ്ടന്‍: റഷ്യന്‍ സൈനികര്‍ക്കെതിരായ ആക്രമണത്തിന് മറുപടിയായി യുക്രൈനില്‍ രാസായുധമോ ജൈവായുധമോ പ്രയോഗിക്കാന്‍ റഷ്യ പദ്ധതിയിടുന്നതായി ബ്രിട്ടീഷ് പ്രതിരോധ മന്ത്രാലയം. ട്വിറ്ററിലൂടെയാണ് ബ്രിട്ടീഷ് മന്ത്രാലയം ഇക്കാര്യം പങ്കുവെച്ചത്. യുഎസ് ഉദ്യോഗസ്ഥരും സമാനമായ പ്രസ്താവനകള്‍ നേരത്തെ നടത്തിയിരുന്നു. രാസായുധങ്ങളും ജൈവായുധങ്ങളും ഉപയോഗിക്കാന്‍ യുക്രൈന്‍ പദ്ധതിയിട്ടെന്ന റഷ്യയുടെ ആരോപണത്തെ പിന്തുണയ്ക്കുന്ന തെളിവുകളൊന്നുമില്ലെന്ന് പ്രതിരോധ മന്ത്രാലയം പറയുന്നു.യുക്രൈന് ഏതെങ്കിലും തരത്തില്‍ ജൈവായുധ പദ്ധതിയുണ്ടെന്ന് തെളിവില്ലെന്ന് ഐക്യരാഷ്ട്രസഭയും വെള്ളിയാഴ്ച പറഞ്ഞിരുന്നു. അതേസമയം, അമേരിക്കയും സഖ്യകക്ഷികളും അടിസ്ഥാനമില്ലാത്ത അവകാശവാദങ്ങള്‍ പ്രചരിപ്പിക്കുന്നതായി റഷ്യ ആരോപിച്ചു.