കോന്നി: ടാപ്പിങിന് പോവുകയായിരുന്ന തൊഴിലാളിയെ കാട്ടാന ആക്രമിച്ചു. ബൈക്ക് തകര്‍ത്തു. തൊഴിലാളി പരുക്കോടെ അത്ഭുതകരമായ രക്ഷപ്പെട്ടു. വകയാര്‍ നടുവിലത്തു ബെനടിക്ട് ജോര്‍ജി(43)നാണ് പരുക്ക്.
ഇന്ന് പുലര്‍ച്ചെയാണ് സംഭവം. വകയാറിലെ വീട്ടില്‍ നിന്നും കൊക്കാത്തോട്ടില്‍ ടാപ്പിങിന് പോയതാണ്. കല്ലേലി മേസ്തിരി കാനയുടെ സമീപത്തു വെച്ചു കൊമ്പനാനയുടെ മുന്നില്‍ പെട്ടു. ആന ബൈക്ക് ഇടിച്ചു കളഞ്ഞതോടെ ബെനടിക്ട് റോഡില്‍ വീണു. ഇയാളുടെ മുകളിലൂടെ ആന അച്ചന്‍കോവില്‍ ആറ്റില്‍ ചാടി മുറിച്ചു കടന്ന് വനത്തില്‍ കയറി. പരുക്ക് പറ്റിയ ബെനഡിക്ടിനെ ആശുപത്രിയില്‍ പ്രവേശിപ്പിച്ചു
