ചേര്‍ത്തല: പള്ളിപ്പുറത്ത് മലബാര്‍ സിമിന്റ് ഫാക്ടറിക്കു പ്ലൈവുഡ് നിര്‍മാണ കമ്പനിയില്‍ വന്‍ തീപിടിത്തം.പുലര്‍ച്ചെ 3.30 ഓടെയാണ് തീപിടിത്തമുണ്ടായത്. കമ്പനി പൂര്‍ണമായും കത്തി നശിച്ചു. ആലപ്പുഴ, എറണാകുളം ജില്ലകളില്‍നിന്നായി 12 അഗ്‌നിശമന സേനാ യൂണിറ്റുകള്‍ തീയണയ്ക്കാന്‍ ശ്രമിക്കുന്നു. ലക്ഷങ്ങളുടെ നാശനഷ്ടമുള്ളതായി കണക്കാക്കുന്നു.
നൂറോളം ഇതരസംസ്ഥാന തൊഴിലാളികള്‍ ഈ കമ്പനിയോട് ചേര്‍ന്ന് താമസിക്കുന്നുണ്ട്. ആളപായമില്ലെന്നാണ് വിവരം. ഇന്ന് പുലര്‍ച്ചെ ഈ ഭാഗത്ത് ഇടിയും മിന്നലും ഉണ്ടായിരുന്നു. ഇതേ തുടര്‍ന്ന് ഷോര്‍ട്ട് സര്‍ക്യൂട്ട് ഉണ്ടായതാണ് അപകട കാരണമെന്നാണ് പ്രാഥമിക വിവരം. തൊട്ടടുത്തുള്ള ഗ്യാസ് ഗോഡൗണിലേക്കും മറ്റും തീപടരാതിരിക്കാനുള്ള ശ്രമങ്ങളാണ് അഗ്‌നിശമന സേന നടത്തുന്നത്.
