ന്യൂഡല്‍ഹി: സംയുക്തസേനാ മേധാവി ജനറല്‍ ബിപിന്‍ റാവത്ത് കോപ്റ്റര്‍ അപകടത്തില്‍ മരിക്കുന്നതിന് മണിക്കൂറുകള്‍മുമ്പ് നടത്തിയ പൊതുപ്രസംഗം കരസേന പുറത്തുവിട്ടു. ഒരു മിനിറ്റും ഒമ്പത് സെക്കന്‍ഡും മാത്രം ദൈര്‍ഘ്യമുള്ള വീഡിയോ 1971-ലെ ബംഗ്‌ളാദേശ് വിമോചന യുദ്ധത്തിന്റെ 50-ാം വാര്‍ഷികത്തോടനുബന്ധിച്ച് നടത്തിയ പ്രസംഗത്തിന്റേതാണ്.
‘വിജയ് പര്‍വ്’ എന്ന പേരില്‍ ഇന്ത്യാ ഗേറ്റില്‍ നടന്ന പരിപാടിയില്‍ ഈ പ്രസംഗം പൊതുജനത്തെ കേള്‍പ്പിച്ചിരുന്നു. ഡിസംബര്‍ ഏഴിന് വൈകീട്ടാണ് അദ്ദേഹം പ്രസംഗിച്ചത്. എട്ടിന് ഉച്ചയ്ക്ക് 12.22-ന് കൂനൂരിലാണ് അപകടമരണമുണ്ടായത്.
”നമുക്ക് നമ്മുടെ സൈന്യങ്ങളില്‍ അഭിമാനമുണ്ട്, നമുക്ക് ഒരുമിച്ച് വിജയം ആഘോഷിക്കാം” എന്നു പറഞ്ഞാണ് റാവത്ത് പ്രസംഗം അവസാനിപ്പിച്ചത്. 71-ലെ യുദ്ധത്തില്‍ വീരമൃത്യുവരിച്ച സൈനികരുടെ കഴിവിനെ അദ്ദേഹം പ്രകീര്‍ത്തിച്ചു. യുദ്ധത്തില്‍ പങ്കാളികളായ എല്ലാവരുടേയും സേവനം ഏറെ ശ്രദ്ധേയമാണെന്നും അവര്‍ ഒരോരുത്തരും ഈ അവസരത്തില്‍ ഓര്‍മിക്കപ്പെടുന്നുണ്ടെന്നും ജനറല്‍ റാവത്ത് പറഞ്ഞു.
On this “Swarnim Vijay Parv”, I express my indebtedness & profound gratitude to our armed forces due to whose indomitable spirit & valour, we won the 1971 War.
Sharing the last video message recorded by Late Gen Bipin Rawat, CDS, which was to be played today, on this occasion. pic.twitter.com/hqxle7sjVt
— G Kishan Reddy (@kishanreddybjp) December 12, 2021
