തിരുവനന്തപുരം: സംസ്ഥാനത്ത് ഇന്നു ശക്തമായ മഴ പ്രവചിച്ചിരിക്കുന്നതിനാല്‍ നാലു ജില്ലകളില്‍ റെഡ് അലര്‍ട്ട്. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് കാലാവസ്ഥാ വകുപ്പ് അതിതീവ്ര മഴയുടെ റെഡ് അലര്‍ട്ട് പ്രഖ്യാപിച്ചത്. ആലപ്പുഴ, കോട്ടയം, എറണാകുളം ജില്ലകളില്‍ ഓറഞ്ച് അലര്‍ട്ടാണ്. മറ്റ് 7 ജില്ലകളില്‍ യെലോ അലര്‍ട്ടും പ്രഖ്യാപിച്ചു.
നാളെ എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളില്‍ ഓറഞ്ച് അലര്‍ട്ടും പത്തനംതിട്ട, ആലപ്പുഴ, കോട്ടയം, കാസര്‍കോട് ജില്ലകളില്‍ യെലോ അലര്‍ട്ടും പ്രഖ്യാപിച്ചിട്ടുണ്ട്. ആളിയാര്‍ ഡാമിന്റെ അഞ്ചു ഷട്ടറുകളും രാത്രി തുറന്നിരുന്നു. തെന്മല ഡാമിന്റെ ഷട്ടറുകള്‍ രാവിലെ 11ന് തുറക്കും.
