ദുബായ് :ദുബായ് സ്‌പോര്‍ട്‌സ് കൗണ്‍സിലിന്റെ നേതൃത്വത്തില്‍ സംഘടിപ്പിക്കുന്ന ദുബായ് മസില്‍ ഷോ ഈ മാസം 28 മുതല്‍ 30 വരെ വേള്‍ഡ് ട്രേഡ് സെന്ററില്‍ നടക്കും. മിസ്റ്റര്‍ ഒളിംപിയ ബിഗ് റാമിയും എട്ട് തവണ ചാംപ്യനുമായ റോണി കോള്‍മാനും പങ്കെടുക്കും. കൂടാതെ, 25 രാജ്യങ്ങളില്‍ നിന്നുള്ള 250 പ്രദര്‍ശകരും 600 ലേറെ അത്ലറ്റുകളും ആരോഗ്യ-ശാരീരികക്ഷമതാ മേഖലയില്‍ സ്വാധീനം ചെലുത്തുന്നവരും എത്തിച്ചേരും.
ഫിറ്റ്‌നസിലെ ഏറ്റവും വലിയ പേരുകള്‍ ആളുകളെ ആകര്‍ഷിക്കും. വ്യായാമ ക്ലാസുകളാണ് മറ്റൊരു പ്രത്യേകത. ഒരു ദിവസത്തെ ടിക്കറ്റിന് 20 ദിര്‍ഹവും രണ്ട് ദിവസത്തെ ടിക്കറ്റിന് 55 ദിര്‍ഹവും മൂന്ന് ദിവസങ്ങളിലും പങ്കെടുക്കുന്നതിനുള്ള ടിക്കറ്റിന് 75 ദിര്‍ഹവും നല്‍കണം. ദുബായ് സ്‌പോര്‍ട്‌സ് കൗണ്‍സില്‍ ഇവന്റ്‌സ് ഡയറക്ടര്‍ ഖാലിദ് അല്‍ അവാര്‍ വാര്‍ത്താ സമ്മേളനത്തില്‍ പങ്കെടുത്തു.
