കോവിഡിനെതിരെ കോവാക്സിന് നിര്‍മ്മാതാക്കളായ ഭാരത് ബയോടെക് നിര്‍മ്മിക്കുന്ന ഇന്‍ട്രാനാസല്‍ (മൂക്കില്‍ ഉപയോഗിക്കാവുന്ന) ബൂസ്റ്റര്‍ ഡോസിന്റെ പരീക്ഷണങ്ങള്‍ക്ക് ഡ്രഗ്സ് കണ്‍ട്രോളര്‍ ജനറല്‍ ഓഫ് ഇന്ത്യ (ഡിജിസിഐ) വെള്ളിയാഴ്ച അംഗീകാരം നല്‍കിയിരുന്നു.
സെന്‍ട്രല്‍ ഡ്രഗ്സ് സ്റ്റാന്‍ഡേര്‍ഡ് കണ്‍ട്രോള്‍ ഓര്‍ഗനൈസേഷന്‍ അംഗീകരിച്ച രണ്ട് പരീക്ഷണങ്ങളുടെ ഭാഗമായി നൂറുകണക്കിന് സന്നദ്ധപ്രവര്‍ത്തകര്‍ക്ക് ഇന്‍ട്രാനാസല്‍ വാക്സിന് ഒരു ഒറ്റപ്പെട്ട ഇരട്ട ഡോസ് വാക്‌സിനായും കോവാക്സിന് അല്ലെങ്കില്‍ കോവിഷീല്‍ഡ് സ്വീകരിച്ചവര്‍ക്ക് ബൂസ്റ്റര്‍ വാക്‌സിനായും നല്‍കും.
വാക്സിനുകളുടെ ചരിത്രത്തില്‍ തന്നെ മിക്ക വാക്സിനകളും കൈയില്‍ കുത്തിവയ്പ് നടത്തുന്ന തരത്തിലുള്ളവയായിരുന്നു. ശ്വാസനാളത്തെ കീഴടക്കുന്ന രോഗാണുക്കളെ നേരിടുമ്ബോള്‍ മൂക്കിലൂടെ നല്‍കുന്ന വാക്സിന് എന്നത് മാത്രമല്ല സാധ്യതയായി മുന്നിലുള്ളത്.
അത്തരമൊരു, മൂക്കിലൂടെയുള്ള ഡോസിന്റെ പ്രാധാന്യം, വലിയ വിഭാഗം ജനങ്ങളെ പങ്കെടുപ്പിക്കുന്ന വാക്സിനേഷന്‍ യജ്ഞങ്ങളില്‍ നല്‍കുന്നത് എളുപ്പമായിരിക്കും എന്നതാണ്. അതുവഴി താരതമ്യേന കുറഞ്ഞ കാലയളവില്‍ വലിയ വിഭാഗം ആളുകളില്‍ വാക്സിന് എത്തിക്കാന്‍ കഴിയും.
എന്താണ് ഇന്‍ട്രാനാസല്‍ വാക്സിന്?
വാക്സിനുകള് സാധാരണയായി വ്യത്യസ്ത രീതികളിലാണ് നല്‍കുന്നത്. ഏറ്റവും സാധാരണമായത് കുത്തിവയ്പ്പുകളാണ്. കുത്തിവയ്പ്പുകള്‍ പേശികളിലേക്കോ (ഇന്‍ട്രാമുസ്‌കുലര്‍) അല്ലെങ്കില്‍ ചര്‍മ്മത്തിനും പേശികള്‍ക്കുമിടയിലുള്ള ടിഷ്യുവിലേക്കോ (സബ്ക്യുട്ടേനിയസ്) എത്തിക്കുന്നു. മറ്റ് മാര്‍ഗങ്ങളില്‍, പ്രത്യേകിച്ച് ശിശുക്കള്‍ക്കുള്ള ചില വാക്സിനുകളില്‍, കുത്തിവയ്പ്പിന് പകരം ദ്രാവക ലായനി വായിലൂടെ നല്‍കുന്നു. ഇന്‍ട്രാനാസല്‍ രീതിയില്‍, വാക്സിന് മൂക്ക് വഴിയാണ് നല്‍കുക. ഇത് മൂക്കിലേക്ക് ഉറ്റിക്കുകയോ സ്പ്രേ ചെയ്യുകയോ ചെയ്ത് ഉള്ളിലേക്ക് ശ്വസിക്കും.
കൊറോണ വൈറസ് ഉള്‍പ്പെടെയുള്ള നിരവധി വൈറസുകള്‍ മ്യൂക്കോസയിലൂടെ ശരീരത്തില്‍ പ്രവേശിക്കുന്നു. മൂക്ക്, വായ, ശ്വാസകോശം, ദഹനനാളം എന്നിവയില്‍ വരിവരിയായി നിര്‍ത്തുന്ന നനഞ്ഞ ടിഷ്യൂകളാണ് മ്യൂക്കോസ. അവിടെയുള്ള കോശങ്ങളിലും തന്മാത്രകളിലും പ്രത്യേക രോഗപ്രതിരോധ പ്രതികരണത്തിന് ഈ വാക്സിന് കാരണമാകുന്നു.
ഇന്‍ട്രാമുസ്‌കുലര്‍ (പേശിയിലേക്ക് കുത്തിവയ്ക്കുന്ന) വാക്സിനുകള് സാധാരണയായി ഈ മ്യൂക്കോസല്‍ പ്രതികരണം ഉയര്‍ത്തുന്നതില്‍ പരാജയപ്പെടുന്നു. പകരം ശരീരത്തിന്റെ മറ്റിടങ്ങളിലെ രോഗപ്രതിരോധ കോശങ്ങളെയാണ് ആശ്രയിക്കുന്നത്. മൂക്കിലൂടെ നല്‍കുന്ന വാക്സിന്, വൈറസ് ശരീരത്തിലേക്ക് കടക്കാനുള്ള തടസ്സങ്ങള്‍ മറികടന്ന സമയം മുതല്‍ വൈറസിനെതിരെ പ്രവര്‍ത്തിക്കുമെന്ന് വിദഗ്ധര്‍ വിശ്വസിക്കുന്നു. അതുവഴി പല കേസുകളിലും മൂക്ക് വഴിയുള്ള വാക്സിന് പേശിയില്‍ കുത്തിവയ്ക്കുന്നവയേക്കാള്‍ ഫലപ്രദമാകും.
ഈ വാക്സിന് എങ്ങനെയാണ് പ്രവര്‍ത്തിക്കുന്നത്?
സാധാരണയായി, മുകളില്‍ പറഞ്ഞ രണ്ട് തരത്തിലുള്ള വാക്സിനുകളും രക്തത്തില്‍ പ്രതികരണം ഉണ്ടാക്കുന്നു. ബി കോശങ്ങള്‍ ഉദാഹരണമായി എടുത്താല്‍ അവ ആന്റിബോഡികളെ പുറത്തെടുക്കും. ആവ വൈറസിനെ തേടി ശരീരത്തില്‍ സഞ്ചരിക്കും. ടി സെല്ലുകള്‍ എന്ന് വിളിക്കപ്പെടുന്ന മറ്റ് കോശങ്ങള്‍ ഒന്നുകില്‍ ബി സെല്ലുകളെ ആന്റിബോഡികള്‍ ഉത്പാദിപ്പിക്കാന്‍ സഹായിക്കും, അല്ലെങ്കില്‍ രോഗബാധിതമായ കോശങ്ങളെ കണ്ടെത്തി നശിപ്പിക്കും.
എന്നിരുന്നാലും, മൂക്കിലൂടെയോ വായിലൂടെയോ നല്‍കുന്ന വാക്സിനുകള് മ്യൂക്കോസല്‍ ടിഷ്യൂകള്‍ക്ക് ചുറ്റും തൂങ്ങിക്കിടക്കുന്ന മറ്റു പ്രതിരോധ കോശങ്ങളിലേക്ക് എത്തും. അവിടെ വസിക്കുന്ന ബി കോശങ്ങള്‍ക്ക് ഐജിഎ എന്ന് വിളിക്കപ്പെടുന്ന ഒരു തരം ആന്റിബോഡി ഉണ്ടാക്കാന്‍ കഴിയും.അത് ശ്വാസനാളത്തിലെ രോഗകാരികളെ നശിപ്പിക്കുന്നതില്‍ വലിയ പങ്ക് വഹിക്കുന്നു. ഇതിനുപുറമെ, സമീപത്തുള്ള ടി സെല്ലുകള്‍ക്ക് അത് നേരിട്ട രോഗകാരികളെ ഓര്‍മ്മിക്കാനും അവ ആദ്യമായി കണ്ട ഇടങ്ങള്‍ ആജീവനാന്തം പരിശോധിക്കാനും കഴിയും.
1960-കളിലാണ് മൂക്കിലൂടെയും വായിലൂടെയും നല്‍കുന്ന വാക്സിനിന്റെ ഫലപ്രാപ്തി ആദ്യമായി ദൃശ്യമായത്. പോളിയോ ഡോസുകളില്‍ കുത്തിവയ്പിന് പകരമായി അവ ഉപയോഗിക്കാന്‍ തുടങ്ങിയതോടെയായിരുന്നു അത്. ആ വാക്സിന് കുടലിലെ ശരീരത്തിന്റെ രോഗപ്രതിരോധ പ്രതികരണത്തെ ലക്ഷ്യം വച്ചിരുന്നു. അവിടെ വൈറസ് തഴച്ചുവളരുകയും വായിലൂടെയുള്ള വാക്സിന് എടുത്ത നിരവധി ആളുകള്‍ രോഗലക്ഷണങ്ങള്‍ അനുഭവപ്പെടുന്നതിന് മുമ്ബുതന്നെ അണുബാധകള്‍ ഇല്ലാതാക്കുകയും ചെയ്തു.
അത്തരം വാക്സിനുകളുടെ ഒരു പ്രാധാന്യം ഈ വാക്സിനുകള് വന്‍തോതിലുള്ള വാക്സിനേഷന്റെ ഭാഗമായി വരാന്‍ സാധ്യതയുള്ള ബുദ്ധിമുട്ടുകള്‍ തരണം ചെയ്യാന്‍ സഹായിക്കും എന്നതാണ്. അവ സൂചികളുടെയും സിറിഞ്ചുകളുടെയും ആവശ്യം ഒഴിവാക്കി ചെലവ് കുറയ്ക്കുകയും ചെയ്യുന്നു. ഇന്‍ട്രാനാസല്‍ വാക്സിനുകള് വാക്സിന് നല്‍കുന്നതിന് പരിശീലനം ലഭിച്ച പ്രത്യേകം ജീവനക്കാരെ ആശ്രയിക്കുന്നത് കുറയ്ക്കുമെന്ന് പ്രതീക്ഷിക്കുന്നുവെന്നും വിദഗ്ധര്‍ പറയുന്നു.
‘മഹാമാരിയുടെ തോത് അനുസരിച്ച്, യഥാര്‍ത്ഥത്തില്‍ ഒരു വാക്സിന് കയറ്റുമതി ചെയ്യുക, അത് ലഭ്യമാവുക, തുടര്‍ന്ന് കൈയില്‍ ഒരു കുത്തിവയ്പ്പ് നല്‍കാന്‍ ആളുകളെ പരിശീലിപ്പിക്കുക തുടങ്ങിയ പ്രക്രിയകള്‍ അത്ര എളുപ്പമല്ലെന്ന് നാം മറക്കരുത്. അതിനാല്‍, ഇന്‍ട്രാ നാസല്‍ വാക്സിനിലെ ഒരു ആകര്‍ഷണം, അത് ഉപയോഗിക്കുന്നത് വളരെ ലളിതമാണ് എന്നതാണ്. നിങ്ങള്‍ അത് നിങ്ങളുടെ മൂക്കിലേക്ക് ഉറ്റിച്ചാല്‍ മതി, ‘ഹില്ലെമാന്‍ ലബോറട്ടറീസ് മുന്‍ സിഇഒ ഡോ.ദേവീന്ദര്‍ ഗില്‍ പറഞ്ഞു. .
‘ഇത് എളുപ്പത്തില്‍ വിതരണം ചെയ്യാവുന്ന വാക്സിന് ആണ്. മാത്രമല്ല, ഇത് ഒരു മ്യൂക്കോസല്‍ പ്രതലത്തിലേക്ക് പോകുന്നതിനാല്‍, അത് കുറച്ച് മതിയാവും,’ ഇന്‍ട്രാനാസല്‍ വാക്സിനിന്റെ പ്രാധാന്യത്തെക്കുറിച്ച് വാക്സിന് ശാസ്ത്രജ്ഞനായ ഡോ.ഗഗന്‍ദീപ് കാങ് വിശദീകരിച്ചു.
